Telangana News Live November 19, 2024: Narsapur Police : 7 ఏళ్ల క్రితం మరణించిన వ్యక్తిపై నర్సాపూర్ పోలీసులు కేసు నమోదు

Narsapur Police : భూవిదాదంలో ఎలాంటి విచారణ చేపట్టకుండా ఏడేళ్ల క్రితం చనిపోయిన వ్యక్తిపై పోలీసులు నమోదు చేశారు. నర్సాపూర్ పోలీసులు ఓ వర్గానికి కొమ్ముకాస్తూ నిర్లక్ష్యంగా ప్రవర్తిస్తున్నారని మరో వర్గం విమర్శిస్తుంది.

CM Revanth Reddy : తెలంగాణలో కేసీఆర్ పార్టీని మొలక ఎత్తనియ్యమని సీఎం రేవంత్ రెడ్డి అన్నారు. ప్రజా సమస్యలపై మాట్లాడేందుకు కేసీఆర్ కు దమ్ముంటే అసెంబ్లీకి రావాలని సవాల్ విసిరారు. రాష్ట్ర అభివృద్ధిని అడ్డుకుంటే జైల్లో వేస్తామన్నారు.

ACB Arrests Tahsildar : పెద్దపల్లి జిల్లా అంతర్గాం తహసీల్దార్ ఏసీబీకి చిక్కారు. రూ.12 వేలు లంచం తీసుకుంటూతహసీల్దార్ ఉయ్యాల రమేష్, ఆర్ఐ శ్రీధర్ ఏసీబీకి చిక్కారు. ఇద్దరిని అరెస్టు చేసి రూ.12 వేలు సీజ్ చేశారు.

Ameenpur Lake FTL : సంగారెడ్డి జిల్లా అమీన్ పూర్ పెద్ద చెరువులోకి వ్యర్థ జలాలు చేరుతుండడంతో ఎఫ్టీఎల్ పరిధి 93 ఎకరాల నుంచి 460 ఎకరాలకు పెరిగింది. దీంతో చెరువు దిగువన ఉన్న సుమారు 5 వేల ప్లాట్లు నీట మునిగాయి. ఈ ప్లాట్లను హైడ్రా కమిషనర్ పరిశీలించారు.

Nagarjuna Sagar Project : నాగార్జున సాగర్ ప్రాజెక్టు జల విద్యు్త్ కేంద్రంలో విద్యుత్ ఉత్పత్తికి బ్రేక్ పడింది. ఈ ఏడాది భారీ వర్షాలతో సాగర్, శ్రీశైలం ప్రాజెక్టులు నిండు కుండల్లా మారాయి. దీంతో రికార్డు స్థాయిల్లో విద్యుత్ ఉత్పత్తి జరిగింది.  

High Court On Contract Employees : కాంట్రాక్టు ఉద్యోగుల రెగ్యులరైజేషన్ చెల్లదని, జీవో 16ను రద్దు చేస్తూ తెలంగాణ హైకోర్టు తీర్పు ఇచ్చింది. గత ప్రభుత్వం జీవో 16 ద్వారా 8 వేల మంది కాంట్రాక్టు ఉద్యోగులను రెగ్యులరైజ్ చేసింది. ఇది రాజ్యాంగ విరుద్ధమని హైకోర్టు తాజాగా తీర్పు ఇచ్చింది.