Chennai Super Kings: చెన్నై సూపర్ కింగ్స్‌కు గట్టి దెబ్బ.. గాయంతో స్టార్ ప్లేయర్ ఔట్-chennai super kings to miss star player devon conway this season due to injury ipl 2024 news in telugu ,cricket న్యూస్
తెలుగు న్యూస్  /  Cricket  /  Chennai Super Kings To Miss Star Player Devon Conway This Season Due To Injury Ipl 2024 News In Telugu

Chennai Super Kings: చెన్నై సూపర్ కింగ్స్‌కు గట్టి దెబ్బ.. గాయంతో స్టార్ ప్లేయర్ ఔట్

Hari Prasad S HT Telugu
Mar 04, 2024 08:51 AM IST

Chennai Super Kings: ఐపీఎల్ 2024 ప్రారంభానికి మరో 20 రోజులు కూడా లేదు. ఈ సమయంలో డిఫెండింగ్ ఛాంపియన్ చెన్నై సూపర్ కింగ్స్ కు గట్టి దెబ్బ తగిలింది. స్టార్ ప్లేయర్ డెవోన్ కాన్వే గాయంతో దూరమయ్యాడు.

గాయంతో చెన్నై సూపర్ కింగ్స్ జట్టుకు దూరం కానున్న స్టార్ ప్లేయర్ డెవోన్ కాన్వే
గాయంతో చెన్నై సూపర్ కింగ్స్ జట్టుకు దూరం కానున్న స్టార్ ప్లేయర్ డెవోన్ కాన్వే (IPL Twitter)

Chennai Super Kings: టైటిల్ డిఫెన్స్ ప్రారంభానికి మూడు వారాల ముందు చెన్నై సూపర్ కింగ్స్ జట్టుకు షాక్ తగిలింది. బొటన వేలికి గాయం కావడంతో ఓపెనర్ డెవాన్ కాన్వే.. మే వరకు ఆటకు దూరమయ్యాడు. 2023 ఫైనల్లో గుజరాత్ టైటాన్స్ తో చెన్నై విజయంలో ప్లేయర్ ఆఫ్ ది మ్యాచ్ గా నిలిచిన కాన్వే.. గత వారం ఎడమ బొటన వేలికి శస్త్రచికిత్స చేయించుకున్నాడు. దీంతో అతడు దాదాపు ఎనిమిది వారాల పాటు జట్టుకు దూరమయ్యాడు.

ట్రెండింగ్ వార్తలు

కాన్వే దూరం.. సీఎస్కేకు షాక్

ఆస్ట్రేలియాతో జరిగిన టీ20 సిరీస్ లో కాలి బొటనవేలికి గాయం కావడంతో ప్రస్తుతం జరుగుతున్న టెస్టు సిరీస్ కు కూడా కాన్వే దూరమయ్యాడు. డాక్టర్లను సంప్రదించిన తర్వాత శస్త్రచికిత్స చేయాలని నిర్ణయం తీసుకున్నారు. రికవరీ వ్యవధి సుమారు ఎనిమిది వారాలు ఉంటుందని అంచనా వేశారు. అంటే 2024 ఇండియన్ ప్రీమియర్ లీగ్ (ఐపీఎల్) సీజన్లో సగానికి పైగా ఎడమచేతి వాటం ఓపెనర్ అందుబాటులో ఉండడు. మార్చి 22న సీజన్ తొలి మ్యాచ్ లో ఎంఎ చిదంబరం స్టేడియంలో రాయల్ ఛాలెంజర్స్ బెంగళూరుతో సిఎస్కె తలపడుతుంది.

మెగా వేలంలో న్యూజిలాండ్ స్టార్ ను సీఎస్కే తన బేస్ ప్రైజ్ రూ.కోటికి కొనుగోలు చేయడంతో కాన్వే 2022లో ఐపీఎల్ అరంగేట్రం చేశాడు. ఆ ఫ్రాంచైజీ తరఫున 23 మ్యాచ్ లు ఆడి 9 అర్ధసెంచరీలతో 48.63 సగటుతో 924 పరుగులు చేశాడు. గత సీజన్లో 16 మ్యాచ్ లలో 6 అర్ధసెంచరీలతో 672 పరుగులు చేశాడు.

కాన్వే గైర్హాజరు కావడంతో, 2023లో భారత్ లో జరిగిన ఐసీసీ వన్డే వరల్డ్ కప్ లో అద్భుత ప్రదర్శన చేసిన న్యూజిలాండ్ బ్యాటర్ రచిన్ రవీంద్రను సీఎస్కే టీమ్ తుది జట్టులోకి తీసుకునే అవకాశాలు ఉన్నాయి. అతన్ని గత డిసెంబర్లో జరిగిన వేలంలో రూ.1.8 కోట్లకు చెన్నై సూపర్ కింగ్స్ కొనుగోలు చేసింది.

రవీంద్రకూ గాయం

అయితే ఆస్ట్రేలియాతో జరిగిన టీ20 మ్యాచ్ లో మోకాలి నొప్పితో రెండో మ్యాచ్ కు దూరమైన రవీంద్ర కూడా గాయపడటం ఆందోళన కలిగిస్తోంది. అయితే, ఆస్ట్రేలియాతో జరిగిన తొలి టెస్టులో న్యూజిలాండ్ తరఫున బరిలోకి దిగిన అతడు వెల్లింగ్టన్ లో జరిగిన రెండో ఇన్నింగ్స్ లో అర్ధశతకం సాధించాడు.

గత నెలలో ఐపీఎల్ 2024 సీజన్ మొదటి 21 మ్యాచ్ ల షెడ్యూల్ ను మాత్రమే ప్రకటించిన విషయం తెలిసిందే. దేశంలో సార్వత్రిక ఎన్నికల తేదీలు ప్రకటించిన తర్వాత మిగిలిన షెడ్యూల్ ను విడుదల చేస్తారు. ఆర్సీబీ, గుజరాత్ టైటాన్స్, ఢిల్లీ క్యాపిటల్స్, సన్ రైజర్స్ హైదరాబాద్ జట్లతో సీఎస్కే నాలుగు మ్యాచ్ లు ఆడనుంది. తొలి రెండు మ్యాచ్ లు సొంతగడ్డపై జరగనుండగా.. మిగిలిన రెండు మ్యాచ్ లలో వేరే జట్ల స్టేడియాల్లో ఆడుతుంది.

2023లో రికార్డు స్థాయిలో ఐదో ఐపీఎల్ టైటిల్ ను చెన్నై సూపర్ కింగ్స్ గెలిచిన విషయం తెలిసిందే. ధోనీ కెప్టెన్సీలోనే ఈ టైటిల్ సాధించింది. ఇప్పుడు డిఫెండింగ్ ఛాంపియన్స్ హోదాలో దిగుతున్న సీఎస్కేకు ధోనీ ఆరో టైటిల్ సాధించి పెడతాడా లేదా చూడాలి.

WhatsApp channel