టీ20 వరల్డ్ కప్ 2024 ఇండియా షెడ్యూలు

టీ20 వరల్డ్ కప్ 2024కు వెస్టిండీస్, అమెరికా సంయుక్తంగా ఆతిథ్యమిస్తున్న విషయం తెలిసిందే. అయితే టీమిండియా మాత్రం తన లీగ్ మ్యాచ్ లన్నింటినీ అమెరికాలోనే ఆడనుంది. ఈ మెగా టోర్నీలో ఇండియా గ్రూప్ ఎలో ఉంది. ఈ గ్రూపులో ఇండియాతోపాటు పాకిస్థాన్, కెనడా, ఆతిథ్య యూఎస్ఏ, ఐర్లాండ్ టీమ్స్ ఉన్నాయి. ఆ లెక్కన లీగ్ స్టేజ్ లో రోహిత్ సేన మొత్తం నాలుగు మ్యాచ్ లు ఆడుతుంది. నిజానికి జూన్ 1వ తేదీ నుంచి ఈ టోర్నీ ప్రారంభం కానున్నా.. భారత కాలమానం ప్రకారం జూన్ 2 ఉదయం 6 గంటలకు తొలి మ్యాచ్ జరుగుతుంది. జూన్ 29 వరకు ఈ మెగా టోర్నీ కొనసాగనుంది. టీ20 వరల్డ్ కప్‌లో టీమిండియా షెడ్యూల్ ఇదీ ఈ మెగా టోర్నీలో గ్రూప్ ఎలో భాగంగా లీగ్ స్టేజ్ లో టీమిండియా ఆడబోయే మ్యాచ్ ల వివరాలు, భారత కాలమానం ప్రకారం మ్యాచ్ జరిగే సమయాలు ఇక్కడ చూడొచ్చు. ఇండియా వెర్సెస్ ఐర్లాండ్ - జూన్ 5 రాత్రి 8 గంటలకు.. ( న్యూయార్క్) ఇండియా వెర్సెస్ పాకిస్థాన్ - జూన్ 9 రాత్రి 8 గంటలకు (న్యూయార్క్) ఇండియా వెర్సెస్ యూఎస్ఏ - జూన్ 12 రాత్రి 8 గంటలకు (న్యూయార్క్) ఇండియా వెర్సెస్ కెనడా - జూన్ 15 రాత్రి 8 గంటలకు (లాండర్‌హిల్) టీ20 వరల్డ్ కప్ ఎక్కడ చూడాలి? ఈసారి టీ20 వరల్డ్ కప్ లైవ్ స్టార్ స్పోర్ట్స్ నెట్‌వర్క్ లో ఉండనుంది. టీవీల్లో అయితే స్టార్ స్పోర్ట్స్ ఛానెల్స్ లో.. డిజిటల్ అయితే డిస్నీ ప్లస్ హాట్‌స్టార్ లో ఈ మ్యాచ్ లను లైవ్ చూడొచ్చు. హాట్‌స్టార్ మొబైల్ లో అయితే అన్ని మ్యాచ్ లను ఫ్రీగా చూసే వీలుంది. ల్యాప్‌టాప్, టీవీల్లో చూడాలంటే మాత్రం హాట్‌స్టార్ సబ్‌స్క్రిప్షన్ తీసుకోవాల్సి ఉంటుంది. టీ20 వరల్డ్ కప్ ఫార్మాట్ ఇదీ - ఈసారి టీ20 వరల్డ్ కప్ లో ఎన్నడూ లేని విధంగా మొత్తం 20 టీమ్స్ పాల్గొంటున్నాయి. వాటిని నాలుగు గ్రూపులుగా విభజించారు. ఒక్కో గ్రూపులో ఐదు టీమ్స్ ఉంటాయి. - ప్రతి గ్రూప్ నుంచి టాప్ 2 టీమ్స్ సూపర్ 8 రౌండ్ కు వెళ్తాయి. - సూపర్ 8కు చేరిన 8 జట్లను రెండు గ్రూపులుగా విభజిస్తారు. - ఈ గ్రూపుల నుంచి రెండేసి టీమ్స్ సెమీఫైనల్స్ కు వెళ్తాయి. - సెమీస్ లో గెలిచిన రెండు జట్లు ఫైనల్లో ట్రోఫీ కోసం తలపడతాయి. టీ20 వరల్డ్ కప్ 2024లో మొత్తం 20 టీమ్స్ పాల్గొంటున్నాయి. వీటిని నాలుగు గ్రూపులుగా విభజించారు. ఒక్కో గ్రూపులో ఐదు టీమ్స్ ఉంటాయి. గ్రూప్ ఎ - ఇండియా, పాకిస్థాన్, కెనడా, ఐర్లాండ్, యూఎస్ఏ గ్రూప్ బి - ఇంగ్లండ్, ఆస్ట్రేలియా, నమీబియా, స్కాట్లాండ్, ఒమన్ గ్రూప్ సి - న్యూజిలాండ్, వెస్టిండీస్, ఆఫ్ఘనిస్థాన్, పపువా న్యూ గినియా, ఉగాండా గ్రూప్ డి - సౌతాఫ్రికా, శ్రీలంక, బంగ్లాదేశ్, నెదర్లాండ్స్, నేపాల్