Stock market news today : ఫ్లాట్గా స్టాక్ మార్కెట్లు.. నిఫ్టీకి 3 పాయింట్ల లాస్
20 January 2023, 9:17 IST
- Stock market news today : దేశీయ స్టాక్ మార్కెట్లు ఫ్లాట్గా ఉన్నాయి. అమెరికా మార్కెట్లు నష్టాల్లో ముగిశాయి.
స్టాక్ మార్కెట్ ఇండియా
Stock market news today : దేశీయ స్టాక్ మార్కెట్లు శుక్రవారం ట్రేడింగ్ సెషన్ను ఫ్లాట్గా ప్రారంభించాయి. బీఎస్ఈ సెన్సెక్స్ 44 పాయింట్ల నష్టంతో 60,815 వద్ద కొనసాగుతోంది. ఎన్ఎస్ఈ నిఫ్టీ 3 పాయింట్లు కోల్పోయి 18,105 వద్ద ట్రేడ్ అవుతోంది.
అంతర్జాతీయంగా నెలకొన్న ప్రతికూల పవనాల మధ్య దేశీయ స్టాక్ మార్కెట్లు గురువారం ట్రేడింగ్ సెషన్ను నష్టాల్లో ముగించాయి. బీఎస్ఈ సెన్సెక్స్ 187 పాయింట్లు కోల్పోయి 60,858 వద్ద ముగిసింది. 57 పాయింట్ల నష్టంతో 18,107 వద్ద స్థిరపడింది నిఫ్టీ. ఇక 129 పాయింట్లు పతనమైన బ్యాంక్ నిఫ్టీ.. 42,328 లెవల్ వద్దకు చేరింది. ఇక శుక్రవారం ట్రేడింగ్ సెషన్ను సెన్సెక్స్, నిఫ్టీలు వరుసగా 60904- 18116 వద్ద మొదలుపెట్టాయి.
పివోట్ ఛార్ట్ ప్రకారం ఎన్ఎస్ఈ సపోర్ట్ 18,074- 18,052- 18,144 వద్ద ఉంది. నిఫ్టీ రెసిస్టెన్స్ 18,144- 18,165- 18,200 వద్ద ఉంది.
స్టాక్స్ టు బై..
ఆదిత్య బిర్లా క్యాపిటల్:- బై కరెంట్ మార్కెట్ ప్రైజ్, స్టాప్ లాస్ రూ. 142, టార్గెట్ రూ. 155- రూ. 158
HDFC Bank share price target : హెచ్డీఎఫ్సీ బ్యాంక్:- బై కరెంట్ మార్కెట్ ప్రైజ్, స్టాప్ లాస్ రూ. 1598, టార్గెట్ రూ. 1700
శ్రీ రేణుఖ షుగర్స్:- బై కరెంట్ మార్కెట్ ప్రైజ్, స్టాప్ లాస్ రూ. 49, టార్గెట్ రూ. 64
పూర్తి లిస్ట్ కోసం ఇక్కడ క్లిక్ చేయండి.
లాభాలు.. నష్టాలు..
ఇండస్ఇండ్, ఎన్టీపీసీ, టాటా మోటార్స్, ఐసీఐసీఐ బ్యాంక్, యాక్సిస్ బ్యాంక్ షేర్లు లాభాల్లో ఉన్నాయి.
హెచ్యూఎల్, ఏషియ్న్ పెయింట్స్, మారుతీ సుజుకీ, విప్రో షేర్లు నష్టాల్లో ఉన్నాయి.
అంతర్జాతీయ మార్కెట్లు..
US Stock market news : ఆర్థిక మాంద్యం భయాలతో అమెరికా మార్కెట్లు గురువారం నష్టపోయాయి. ఎస్ అండ్ పీ 500 0.76శాతం, నాస్డాక్ 0.96శాతం మేర పడ్డాయి. డౌ జోన్స్ 0.75శాతం మేర నష్టపోయింది.
ఆసియా మార్కెట్లు స్వల్ప లాభాల్లో ఉన్నాయి. జపాన్ నిక్కీ 0.2శాతం, ఆస్ట్రేలియా ఎస్ అండ్ పీ 200 0.13శాతం మేర లాభాల్లో కొనసాగుతున్నాయి.
త్రైమాసిక ఫలితాలు..
Reliance Q3 results 2023 : రిలయన్స్, హెచ్డీఎఫ్సీ లైఫ్ ఇన్షూరెన్స్ కంపెనీ, జేఎస్డబ్ల్యూ స్టీల్, ఎల్టీఐఐ మైండ్ట్రీ, యూనియన్ బ్యంక్, బంధన్ బ్యాంక్, ఆర్బీఎల్ బ్యాంక్, హెరిటేజ్ ఫుడ్స్, ఇండియన్ ఎనర్జీ ఎక్స్ఛేంజ్తో పాటు ఇతర సంస్థల త్రైమాసికల ఫలితాలు నేడు వెలువడనున్నాయి.
HUL Q3 results 2023 పూర్తి వివరాల కోసం ఇక్కడ క్లిక్ చేయండి.
ఐసీఐసీఐ బ్యంక్, కొటాక్ మహీంద్రా బ్యాంక్, ఎస్బీఐ లైఫ్ ఇన్షూరెన్స్ కంపెనీ, అల్ట్రాటెక్ సిమెంట్, యెస్ బ్యాంక్, ఐడీఎఫ్సీ ఫస్ట్ బ్యాంక్తో పాటు ఇతర సంస్థల త్రైమాసిక ఫలితాలు శనివారం వెలువడనున్నాయి.
ఎఫ్ఐఐలు.. డీఐఐలు..
గురువారం ట్రేడింగ్ సెషన్లో ఎఫ్ఐఐలు రూ. 399.98కోట్లు విలువ చేసే షేర్లను కొనుగోలు చేశారు. అదే సమయంలో డీఐఐలు రూ. 128.96కోట్లు విలువ చేసే షేర్లను విక్రయించారు.