తెలుగు న్యూస్ / క్రికెట్ / ఐపీఎల్ / జట్ల గణాంకాలు

ఐపీఎల్ 2025 జట్ల గణాంకాలు

ఐపీఎల్ 2025లో పాల్గొనే టీమ్స్ గణాంకాలు ఆసక్తికరంగా ఉన్నాయి. ఐపీఎల్ చరిత్రలో ఇప్పటి వరకూ చూసుకుంటే ముంబై ఇండియన్స్, చెన్నై సూపర్ కింగ్స్ అత్యధిక IPL టైటిల్స్ గెలుచుకున్నాయి. ఈ రెండు జట్లూ ఐదుసార్లు ఐపీఎల్‌ను గెలుచుకున్నాయి. అంతేకాకుండా ఈ జాబితాలో కోల్‌కతా నైట్ రైడర్స్ మూడో స్థానంలో ఉంది. షారుఖ్ ఖాన్ జట్టు మూడుసార్లు ఐపీఎల్‌ను గెలుచుకుంది.

అలాగే డెక్కన్ ఛార్జర్స్, సన్‌రైజర్స్ హైదరాబాద్, గుజరాత్ టైటన్స్, రాజస్థాన్ రాయల్స్ ఒక్కోసారి టైటిల్ గెలుచుకున్నాయి. అయితే ఢిల్లీ క్యాపిటల్స్, రాయల్ ఛాలెంజర్స్ బెంగళూరు, లక్నో సూపర్ జెయింట్స్ జట్లు టైటిల్ రుచి చూడలేదు. 2008లో తొలిసారిగా టోర్నీ ప్రారంభమైనప్పుడు, రాజస్థాన్ రాయల్స్ ఛాంపియన్‌గా నిలిచింది.

ఆ జట్టుకు కెప్టెన్‌గా ఆసీస్ మాజీ స్టార్, దిగ్గజ స్పిన్నర్ షేన్ వార్న్ ఉన్నాడు. అతని నాయకత్వంలో రాజస్థాన్ ఛాంపియన్‌గా నిలిచింది. అయితే, రాజస్థాన్ మళ్లీ ఐపీఎల్ ఛాంపియన్ కాలేదు. రెండో ఏడాది అంటే 2009లో ఐపీఎల్‌ దక్షిణాఫ్రికాలో జరిగింది. డెక్కన్ ఛార్జర్స్ టైటిల్‌ను గెలుచుకుంది. ఆ తర్వాత చెన్నై సూపర్ కింగ్స్ హవా మొదలైంది.

2010 ఐపీఎల్‌లో మహేంద్ర సింగ్ ధోనీ జట్టు విజయం సాధించింది. వరుసగా రెండుసార్లు ఛాంపియన్లుగా నిలిచారు. అయితే కోల్‌కతా నైట్ రైడర్స్ వాళ్ల హ్యాట్రిక్ ఆశలపై నీళ్లు చల్లింది. కేకేఆర్ టీమ్ 2012లో తొలిసారి ఛాంపియన్‌షిప్‌ను గెలుచుకుంది. 2013లో ముంబై ఇండియన్స్ ఛాంపియన్ల జాబితాలోకి ప్రవేశించింది. 2012 తర్వాత 2014లో కేకేఆర్ రెండోసారి ఐపీఎల్ టైటిల్ గెలుచుకుంది. గతేడాది మూడో టైటిల్ సాధించింది.

2015లో ముంబై మళ్లీ ఛాంపియన్‌గా నిలిచింది. మరుసటి ఏడాది అంటే 2016లో సన్ రైజర్స్ ఛాంపియన్ గా నిలిచింది. అయితే చెన్నైపై రెండేళ్ల పాటు సస్పెన్షన్ వేటు పడింది. వారు తిరిగి వచ్చి 2018లో మళ్లీ టైటిల్‌ను గెలుచుకున్నారు. ఆ తర్వాత 2021, 2023 ఛాంపియన్లు కూడా. అంతేకాకుండా 2017, 2019, 2020లో రోహిత్‌ జట్టు టైటిల్‌ను గెలుచుకుంది.

అయితే 2022లో గుజరాత్ టైటాన్స్ తొలిసారి చాంపియన్‌గా నిలిచింది. చివరిసారి అంటే 2023 ఐపీఎల్‌లోనూ ఫైనల్‌కు చేరుకున్నారు. కానీ చెన్నై సూపర్‌ కింగ్స్‌ అడ్డుకట్ట వేసింది. రాబోయే ఐపీఎల్ అంటే 2025లో ఏ జట్టు ఛాంపియన్‌గా నిలుస్తుందో ఇప్పుడు చూడాలి.