Russian soldiers in Ukraine : ఉక్రెయిన్లో అష్టకష్టాలు పడుతున్న రష్యన్ సైనికులు!
23 October 2022, 15:17 IST
Russian soldiers in Ukraine : ఉక్రెయిన్లో ఉన్న రష్యన్ సైనికుల పరిస్థితి దయనీయంగా మారింది. తాజాగా ఇందుకు సంబంధించిన ఓ వీడియో సామాజిక మాధ్యమాల్లో వైరల్గా మారింది.
ఉక్రెయిన్లో అష్టకష్టాలు పడుతున్న రష్యన్ సైనికులు
Russian soldiers in Ukraine : రష్యాతో యుద్ధంలో ఉక్రెయిన్ సైనికుల కన్నీటి గాథలు ఎన్నో.. ప్రపంచ దేశాలు విన్నారు. వారి బాధను ప్రజలు అర్థం చేసుకున్నారు. అయితే.. రష్యన్ సైనికుల పరిస్థితి కూడా ఇదే విధంగా ఉంది! వారి కష్టాలను తెలియజేసే విధంగా తాజాగా ఓ ఘటన వెలుగులోకి వచ్చింది. ఉక్రెయిన్లో జీవించేందుకు సౌకర్యాలు లేకపోవడంతో.. కొందరు రష్యన్ సైనికులు గుంతలు తవ్వుకున్నారు. అది కూడా చేతులతో!
Criminal cases : 53-48.. క్రిమినల్ కేసులున్న అభ్యర్థుల విషయంలోనూ టీడీపీ- వైసీపీ మధ్య తీవ్ర పోటీ!
Teacher student sex : 5వ తరగతి విద్యార్థితో ఎలిమెంటరీ స్కూల్ టీచర్ సెక్స్- చివరికి..!
CBSE results 2024 : అతి త్వరలో సీబీఎస్ఈ ఫలితాలు- డిజీలాకర్ యాక్సెస్ కోడ్స్ విడుదల..
Chardham Yatra 2024: చార్ ధామ్ యాత్రకు ఆఫ్ లైన్ రిజిస్ట్రేషన్లు ప్రారంభమయ్యే తేదీ ఇదే; ఆన్ లైన్ లో కూడా చేసుకోవచ్చు
ఏం జరిగిందంటే..
ఈ ఘటనకు సంబంధించిన ఓ వీడియో సామాజిక మాధ్యమాల్లో వైరల్గా మారింది. వీడియోలో కొందరు రష్యన్ సైనికులు ఉన్నారు. వారిలో ఒకరు తమ బాధను వెల్లడించారు.
Rusia Ukraine "మమ్మల్ని ఒక ప్రదేశం నుంచి మరో చోటకు తీసుకొచ్చారు. అసలు మేము ఎక్కడ ఉన్నామో కూడా మాకు తెలియదు. రోజుకు రెండుసార్లు వచ్చి ఫుడ్ పెడుతున్నారు. మాకు ఆయుధాలు ఇవ్వలేదు. మాకు ఎలాంటి ఆదేశాలూ ఇవ్వలేదు. మమ్మల్ని కుక్కలా చూస్తున్నారు," అని ఓ రష్యన్ సైనికుడు చెప్పాడు.
ఉక్రెయిన్లో రాత్రి వేళ ఉష్ణోగ్రతలు భారీగా పడిపోతున్నాయి. ఈ తరుణంలో ఈ సైనికులకు బ్రతకడం మరింత కష్టంగా మారింది!
"మమ్మల్ని ఎక్కడో పొలాల్లో పడేశారు. సమాచారం లేదు. అలా కూర్చుని ఉంటున్నాము అంతే. మా వాళ్లు ఎవరో, శత్రువులు ఎవరో మాకు తెలియడం లేదు. రేడియో లేదు, శృంగారం లేదు," అని ఓ సైనికుడు ఆవేదన వ్యక్తం చేశాడు.
"మాకు షెల్టర్ లేదు. గుంతలు తవ్వుకుని బ్రతుకుతున్నాము. చేతులతో తవ్వుకోవాల్సిన పరిస్థితి ఏర్పడింది. ఇలాంటి పరిస్థితి ఎవరికీ రాకూడదు," అని ఓ సైనికుడు పేర్కొన్నాడు.
పుతిన్పై విమర్శలు..
Putin Russia Ukraine war : ప్రజలు కూడా యుద్ధంలో పాల్గొనాలని ఇచ్చిన పిలుపుపై రష్యా అధ్యక్షుడు వ్లాదిమిర్ పుతిన్పై ఇప్పటికే విమర్శలు వెల్లువెత్తుతున్నాయి. ఇక తాజా వీడియోతో ఆ విమర్శలు మరింత పెరిగాయి. సొంత ప్రజలను కూడా పుతిన్ లెక్కచేయడం లేదని, పట్టించుకోవడం లేదని ఆరోపణలు వినిపిస్తున్నాయి.
2022 ఫిబ్రవరిలో మొదలైన రష్యా ఉక్రెయిన్ యుద్ధం. ఇంకా కొనసాగుతోంది. శీతాకాలం సమీపిస్తున్న నేపథ్యంలో ఇప్పుడు పరిస్థితులు ఇరు వర్గాలకు మరింత ప్రతికూలంగా మారే అవకాశాలు ఉన్నాయి. కానీ ఉక్రెయిన్లో ఎక్కడా శాంతి కనిపించడం లేదు. నిత్యం మిసైళ్లు, రాకెట్లతో దాడి చేస్తూనే ఉంది రష్యా. యుద్ధాన్ని ముగించే యోచనలో పుతిన్ లేనట్టు, ఆయన మాటల్లో స్పష్టమవుతోంది.
యుద్ధాన్ని ఆపేయాలని భారత్ కూడా పుతిన్కు చెబుతూ వస్తోంది. శాంతికి సాయం చేస్తామని సైతం ముందుకొచ్చింది. కానీ ఇంకా ఎలాంటి ఫలితం దక్కలేదు.