Criminal cases : 53-48.. క్రిమినల్ కేసులున్న అభ్యర్థుల విషయంలోనూ టీడీపీ- వైసీపీ మధ్య తీవ్ర పోటీ!
05 May 2024, 15:45 IST
ADR report on Lok Sabha elections phase 4 : క్రిమినల్ కేసులున్న అభ్యర్థులను ఎన్నికల బరిలో దింపే విషయంలోనూ చంద్రబాబు నాయుడు టీడీపీ- జగన్ మోహన్ రెడ్డి వైసీపీ మధ్య తీవ్ర పోటీ కనిపిస్తోంది. పూర్తి వివరాల్లోకి వెళితే..
టీడీపీ- వైసీపీ క్రిమినల్ కేసులున్న అభ్యర్థులు ఎంత మందిం అంటే..
candidates with criminal records : 2024 లోక్సభ ఎన్నికల నేపథ్యంలో.. క్రిమినల్ కేసులు ఉన్న అభ్యర్థుల వివరాలను ఎప్పటికప్పుడు విశ్లేషించి, ప్రకటిస్తోంది అసోసియేషన్ ఫర్ డెమొక్రటిక్ రిఫార్మ్స్ (ఏడీఆర్). ఇక ఇప్పుడు.. ఆంధ్ర ప్రదేశ్, తెలంగాణాతో సహా ఇతర ప్రాంతాల్లో జరగనున్న 4వ దశ పోలింగ్కి సంబంధించిన డేటాను విడుదల చేసింది. ఏపీలో అధికారం కోసమే కాకుండా.. క్రిమినల్ కేసులున్న అభ్యర్థులను ఎన్నికల బరిలో దింపే విషయంలోనూ చంద్రబాబు నాయుడు టీడీపీ- జగన్ మోహన్ రెడ్డి వైసీపీ మధ్య తీవ్ర పోటీ కనిపిస్తోంది!
ICAI CA exam dates: సీఏ ఫౌండేషన్, ఇంటర్ పరీక్షల తేదీలను ప్రకటించిన ఐసీఏఐ
CBSE Class 12 Result 2024: సీబీఎస్ఈ 12వ తరగతి మార్కుల వెరిఫికేషన్ కు రిజిస్ట్రేషన్ ప్రారంభం
Bihar crime news : కస్టడీలో దంపతులు మృతి.. ప్రజల ఆగ్రహానికి తగలబడిన పోలీస్ స్టేషన్!
Haryana bus accident : బస్సులో చెలరేగిన మంటలు.. 8 మంది మృతి- 24 మందికి గాయాలు!
2024 లోక్సభ ఎన్నికల 4వ దశ పోలింగ్..
ఏడీఆర్ నివేదిక ప్రకారం.. మే 13న జరగనున్న లోక్సభ ఎన్నికల 4వ దశ పోలింగ్లో మొత్తం 1,717 మంది అభ్యర్థులు బరిలో దిగుతున్నారు. వీరిలో 1,710 మంది అఫిడవిట్లను విశ్లేషించగా.. 360మందిపై క్రిమినల్ కేసులున్నాయని తేలింది. అంటే అది 21శాతం! ఇక 274 మంది అభ్యర్థులపై తీవ్ర నేరారోపణలు ఉన్నాయి. ఇది 16శాతం. 11 మందిపై మర్డర్ కేసులు, 50మందిపై రేప్ సహా మహిళలపై వేధింపులు కేసులు, 44మందిపై విద్వేష ప్రసంగాలకు సంబంధించిన కేసులున్నాయి.
పార్టీల వారీగా చూస్తే.. బీజేపీకి చెందిన 70మంది అభ్యర్థుల్లో 40 మంది (57శాతం)పై క్రిమినల్ కేసులున్నాయి. కాంగ్రెస్కు చందిన 61 మందిలో 35 (57శాతం) మందిపై క్రిమినల్ కేసులు ఫైల్ అయ్యాయి. ఏఐఎంఐఎం విషయంలో.. పోటీ చేస్తున్న ముగ్గురు ఎంపీ అభ్యర్థులపైనా(100శాతం) కేసులుండం గమనార్హం.
Candidates with criminal records in Phase 4 polling : ఇక ఆర్జేడీ తరఫున బరిలో దిగిన నలుగురిలో ఇద్దరిపై (50శాతం), శివసేనకు చెందిన నలుగురిలో ఇద్దరిపై (50శాతం), సమాజ్వాదీ పార్టీకి చెందిన 19 మందిలో ఏడుగురి (37శాతం)పై, బీజేడీకి చెందిన నలుగురిలో ఇద్దరిపై (50శాతం) నేరరాపణలు ఉన్నాయి.
టీఎంసీకి చెందిన 8మంది ఎంపీ అభ్యర్థుల్లో ముగ్గురిపై క్రిమినల్ కేసులున్నాయి.
తెలుగు రాష్ట్రాల్లో ఇలా..
ఇక తెలుగు రాష్ట్రాల విషయానికొస్తే.. బీఆర్ఎస్ నుంచి 17 స్థానాల్లో బరిలో దిగిన ఎంపీ అభ్యర్థుల్లోని 10 మంది, అంటే 59శాతం మంది అభ్యర్థులపై క్రిమినల్ కేసులు ఉన్నాయి. అటు.. ఆంధ్రప్రదేశ్లో టీడీపీ నిలబెట్టిన 17మంది ఎంపీ అభ్యర్థుల్లో 9మంది, అంటే 53శాతం మంది అభ్యర్థులపై.. వైసీపీ నిలబెట్టిన 25 మందిలో 12మంది అభ్యర్థులు, అంటే 48శాతం మందిపై క్రిమినల్ కేసులున్నాయి.
ఏ నియోజకవర్గంలోనైనా.. నేర చరిత్ర, క్రిమినల్ కేసులు కలిగి ఉన్న ముగ్గురు లేదా అంతకన్న ఎక్కువ మంది పోటీ చేస్తుంటే, ఆయా చోట్ల రెడ్ అలర్ట్ డిక్లేర్ చేస్తారు. ఈసారి.. 96 నియోజకవర్గాల్లోని 58 చోట్ల (60శాతం) రెడ్ అలర్ట్ ఇచ్చారు.
TDP candidates with criminal records : ఇక ఆర్థికపరమైన విషయాలకొస్తే.. 2024 లోక్సభ ఎన్నికల 4వ దశలో పోటీ చేస్తున్న అభ్యర్థుల సగటు ఆస్తి విలువు రూ. 11.72 కోట్లు. యావరేజ్ అసెట్ పర్ కాండిడేట్ రూ. 101.77 కోట్లుగా ఉన్న బీజేపీ అభ్యర్థులు 70మంది ఉన్నారు. కాంగ్రెస్ అభ్యర్థుల సగటు ఆస్తి విలువ రూ. 23.65 కోట్లు.
ఇక అభ్యర్థుల ఆస్తి విషయంలోనూ తెలుగు రాష్ట్రాలు టాప్లో ఉన్నాయి. టీడీపీకి చెందిన చంద్రశేఖర్ పెమ్మసామి ఆస్తి విలువు రూ. 5,705 కోట్ల కన్నా ఎక్కువే! ఆ తర్వాతి స్థానంలో.. తెలంగాణా బీజేపీ చేవెళ్ల అభ్యర్థి విశ్వేశ్వర్ రెడ్డి ఉన్నారు. ఆయన ఆస్తి విలువ రూ. 4,568 కోట్ల కన్నా ఎక్కువే!
4వ దశ పోలింగ్లో మొత్తం మీద 10శాతం మంది మహిళలు మాత్రమే ఉన్నారు. అంటే.. 170 మంది మహిళలు ఎన్నికల బరిలో దిగుతున్నారు.