NASA Postpones Artemis 1 launch : ఆర్టెమిస్- 1 లాంచ్ ఎందుకు వాయిదా పడింది?
29 August 2022, 19:04 IST
- NASA Postpones Artemis 1 launch : నాసా ప్రతిష్ఠాత్మకంగా చేపట్టిన ఆర్టెమిస్ 1 లాంచ్ చివరి నిమిషంలో నిలిచిపోయింది. ఇందుకు గల కారణాలను నాసా వివరించింది.
ఆర్టెమిస్- 1 లాంచ్ సైట్..
NASA Postpones Artemis I launch : చంద్రుడిపైకి రాకెట్ను పంపించేందుకు నాసా చేపట్టిన అతిపెద్ద మిషన్ 'ఆర్టెమిస్-1' లాంచ్.. చివరి నిమిషంలో అనూహ్యంగా రద్దు అయ్యింది. రాకెట్లో ఉన్న నాలుగు ఆర్ఎస్-25 ఇంజిన్లలోని ఒక దానిలో సమస్య ఏర్పడిన కారణంగా.. లాంచ్ను వాయిదా వేస్తున్నట్టు నాసా పేర్కొంది.
Cricket ball : జననాంగాలకు క్రికెట్ బాల్ తాకి.. 11ఏళ్ల బాలుడు మృతి!
Houston floods : టెక్సాస్- హూస్టన్ని ముంచెత్తిన వరద.. భయం గుప్పిట్లో ప్రజలు
ICSE results 2024 : ఐసీఎస్ఈ క్లాస్ 10, ఐఎస్సీ క్లాస్ 12 ఫలితాలు విడుదల- ఇలా చెక్ చేసుకోండి..
JEE Advanced 2024 : జేఈఈ అడ్వాన్స్డ్ రిజిస్ట్రేషన్కి రెండు రోజులే గడువు.. ఇలా అప్లై చేసుకోండి..
ఈ మానవరహిత రాకెట్ లాంచ్ను సెప్టెంబర్ 2, 5వ తేదీల్లో నిర్వహించే అవకాశం ఉంది.
"ఈరోజు ఆర్టెమిస్ 1 లాంచ్ జరగడం లేదు. ఇంజిన్లో సమస్య ఎదురవడమే ఇందుకు కారణం. మా బృందాలు డేటాను సేకరించే పనిలో పడ్డాయి. తదుపరి లాంచ్ గురించి మీకు మళ్లీ చెబుతాము," అని నాసా ట్వీట్ చేసింది.
రాకెట్ లాంచ్కి 40 నిమిషాల ముందు.. కోర్ ఫ్యూయెల్ ట్యాంక్లోకి సూపర్ కూల్డ్ లిక్విడ్ ఆక్సిజన్- హైడ్రోజన్ ప్రొపెలెంట్స్ని నింపడం మొదలుపెట్టారు. లాంచ్కి ముందు ఇంజిన్లలో సరైన ఉష్ణోగ్రతలు మెయింటైన్ చేయాల్సి ఉంది. ఆ సమయంలోనే నాలుగు ఆర్ఎస్-25 ఇంజిన్లలోని ఒక దాంట్లో ఇంధనం లీక్ని గమనించారు. కావాల్సిన ఉష్ణోగ్రతను ఆ ఇంజిన్ అందుకోలేకపోయింది. ఫలితంగా ఆర్టెమిస్ 1 లాంచ్ నిలిచిపోయింది.
Artemis I Nasa : ఫ్లోరిడాలోని కెనెడి స్పేస్ సెంటర్లో ఈ ఆర్టెమిస్ 1 లాంచ్ జరగాల్సి ఉంది. అమెరికా ఉపాధ్యక్షురాలు కమలా హ్యారిస్తో పాటు వేలాది మంది.. అక్కడికి తరలివెళ్లారు. అతి పెద్ద రాకెట్ లాంచ్ను చూసేందుకు సిద్ధపడ్డారు. కానీ చివరి నిమిషంలో రాకెట్ ప్రయోగం నిలిచిపోయింది.
చంద్రుడిపై నాసా ఓ మిషన్ చేపట్టడం 50ఏళ్ల తర్వాత ఇదే తొలిసారి. చివరిగా 50ఏళ్ల క్రితం.. అపోలో 17తో వ్యోమగాములు చంద్రుడిపై అడుగుపెట్టారు.