JEE Advanced 2024 : జేఈఈ అడ్వాన్స్​డ్​ రిజిస్ట్రేషన్​కి రెండు రోజులే గడువు.. ఇలా అప్లై చేసుకోండి..

JEE Advanced 2024 registration last date : ఇండియన్ ఇన్​స్టిట్యూట్ ఆఫ్ టెక్నాలజీ (ఐఐటీ) మద్రాస్.. జాయింట్ ఎంట్రన్స్ ఎగ్జామినేషన్ (జేఈఈ అడ్వాన్స్​డ్​ 2024) కోసం ఆన్​లైన్​ దరఖాస్తు ప్రక్రియను త్వరలో ముగించనుంది. అర్హులైన అభ్యర్థులు.. ఐఐటీ ప్రవేశ పరీక్షకు అధికారిక వెబ్​సైట్ అయిన jeeadv.ac.in. ​లో దరఖాస్తు చేసుకోవచ్చు.

జేఈఈ అడ్వాన్స్​డ్​ 2024 రిజిస్ట్రేషన్​ కోసం చివరి తేదీ మే 7 రాత్రి 11:30 గంటలు అని గుర్తు పెట్టుకోవాలి. అంటే ఇంకా రెండు రోజుల్లో గడువు పూర్తవుతుంది.

జేఈఈ మెయిన్స్ బీఈ/బీటెక్ పేపర్స్​లో టాప్ 2,50,000 మంది (అన్ని కేటగిరీలతో కలిపి) అభ్యర్థులు.. ఐఐటీ జేఈఈ అడ్వాన్స్​డ్​ పరీక్షకు అర్హులు.

JEE Advanced 2024 exam date : అభ్యర్థులు అక్టోబర్ 1, 1999 తర్వాత జన్మించి ఉండాలి. ఎస్సీ, ఎస్టీ, దివ్యాంగులకు గరిష్ట వయోపరిమితిలో ఐదేళ్ల సడలింపు ఉంటుంది. అంటే.. వారు అక్టోబర్ 1, 1994 తర్వాత జన్మించి ఉండాలి.

ఇదీ చూడండి:- CBSE results 2024 : అతి త్వరలో సీబీఎస్​ఈ ఫలితాలు- డిజీలాకర్​ యాక్సెస్​ కోడ్స్​ విడుదల..

జేఈఈ అడ్వాన్స్​డ్ ఫీజు చెల్లింపు విండో మే 10, 2024తో ముగియనుంది.

జేఈఈ అడ్వాన్స్​డ్​ 2024 కోసం రిజిస్టర్ చేసుకోవడానికి లింక్ కోసం ఇక్కడ క్లిక్​ చేయండి.

జేఈఈ అడ్వాన్స్​డ్​ 2024 కోసం ఇలా దరఖాస్తు చేసుకోండి..

స్టెప్​ 1:- jeeadv.ac.in వద్ద జేఈఈ అడ్వాన్స్​డ్​ అధికారిక వెబ్​సైట్​ని సందర్శించండి.

JEE Advanced 2024 syllabus : స్టెప్​ 2:- హోమ్ పేజీలో ఇచ్చిన రిజిస్ట్రేషన్ లింక్​ను ఓపెన్ చేయండి.

స్టెప్​ 3:- జేఈఈ మెయిన్ క్వాలిఫైడ్ అభ్యర్థులు లేదా విదేశీ అభ్యర్థుల్లో ఏదో ఒకదాన్ని ఎంచుకోండి.

స్టెప్​ 4:- అవసరమైన వివరాలు అందించి లాగిన్ అవ్వాలి.

స్టెప్​ 5:- రిజిస్ట్రేషన్ ప్రక్రియ పూర్తయిన తర్వాత లాగిన్ అయి అప్లికేషన్ ఫామ్ నింపాలి.

స్టెప్​ 6:- డాక్యుమెంట్లు అప్ లోడ్ చేయండి. పేమెంట్ చేయండి.

JEE Advanced 2024 registration fees : స్టెప్​ 7:- మీ అప్లికేషన్ ఫామ్ సబ్మిట్ చేయండి.

స్టెప్​ 8:- తదుపరి అవసరాల కోసం ఆ అప్లికేషన్​ ఫామ్​ కాపీని డౌన్​లోడ్ చేసి సేవ్ చేసుకోండి.

జేఈఈ అడ్వాన్స్​డ్​ 2024 దరఖాస్తు ఫీజు:- మహిళా, ఎస్సీ, ఎస్టీ, దివ్యాంగ అభ్యర్థులు మినహా.. భారతీయ అభ్యర్థులందరికీ రూ.3,200. ఈ కేటగిరీలకు చెందిన అభ్యర్థులకు దరఖాస్తు ఫీజు రూ.1,600.

ప్రముఖ ఐఐటీల్లో ఇంజినీరింగ్​ చేసేందుకు నిర్వహించే పరీక్షే ఈ జేఈఈ అడ్వాన్స్​డ్​. ఇందులో ఉత్తీర్ణులై, ఐఐటీల్లో చేరాలని లక్షలాది మంది అభ్యర్థులు తీవ్రంగా శ్రమిస్తుంటారు.