CBSE results 2024 : అతి త్వరలో సీబీఎస్​ఈ ఫలితాలు- డిజీలాకర్​ యాక్సెస్​ కోడ్స్​ విడుదల..-cbse results 2024 shortly class 10 12 digilocker access codes released ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Cbse Results 2024 : అతి త్వరలో సీబీఎస్​ఈ ఫలితాలు- డిజీలాకర్​ యాక్సెస్​ కోడ్స్​ విడుదల..

CBSE results 2024 : అతి త్వరలో సీబీఎస్​ఈ ఫలితాలు- డిజీలాకర్​ యాక్సెస్​ కోడ్స్​ విడుదల..

Sharath Chitturi HT Telugu
May 05, 2024 11:40 AM IST

CBSE results 2024 : సీబీఎస్​ఈ క్లాస్​ 10, సీబీఎస్​ఈ క్లాస్​ 12 2024 ఫలితాలపై కీలక్​ అప్డేట్​. డిజీలాకర్​ యాక్సెస్​ కోడ్స్​ని సీబీఎస్​ఈ విడుదల చేసింది. పూర్తి వివరాలు..

డిజీలాకర్​ యాక్సెస్​ కోడ్స్​ విడుదల చేసిన సీబీఎస్​ఈ
డిజీలాకర్​ యాక్సెస్​ కోడ్స్​ విడుదల చేసిన సీబీఎస్​ఈ

CBSE results 2024 date : సెంట్రల్ బోర్డ్ ఆఫ్ సెకండరీ ఎడ్జ్యుకేషన్ (సీబీఎఈ).. డిజీలాకర్ యాక్సెస్ కోడ్స్​ని పాఠశాలకు పంపించినట్టు ప్రకటించింది. క్లాస్​ 10, క్లాస్​ 12 ఫలితాలను "అతి త్వరలోనే" ప్రకటిస్తామని తెలిపింది.

సీబీఎస్​ఈ ఫలితాలు, మార్కులు, సర్టిఫికెట్ల డిజిటల్ కాపీలను విద్యార్థులకు అందించడానికి.. ఈ డిజీలాకర్​ వేదికను తీసుకొచ్చింది సెంట్రల్ బోర్డు ఆఫ్​ సెకండరీ ఎడ్జ్యుకేషన్​.

“సీబీఎస్​ఈ ఫలితాలు 2024.. త్వరలోనే విడుదలవుతాయి. విద్యార్థుల వారీగా యాక్సెస్ కోడ్ ఫైల్​ను పాఠశాలలకు వారి డిజీలాకర్ ఖాతాల్లో అందుబాటులో ఉంచుతున్నాము. అక్కడి నుంచి పాఠశాలలు వ్యక్తిగత విద్యార్థులకు యాక్సెస్ కోడ్​ను డౌన్​లోడ్ చేసుకోవచ్చు,” అని cbse.gov.in లో ప్రచురించిన నోటిఫికేషన్​లో పేర్కొంది.

CBSE class 10 results 2024 : సీబీఎస్​ఈ డిజిటల్​ అకాడమిక్​ రిపాజిటరీకో బోర్డు పరీక్షల ఫలితాలను షేర్​ చేసేందుకు.. గత కొన్నేళ్లుగా.. డిజీలాకర్​ అకౌంట్స్​ని ఓపెన్​ చేస్తోంది సీబీఎస్​ఈ. ఫలితాలు వెలువడిన వెంటనే ఇవి ఓపెన్​ అవుతాయి.

ఖాతాలను యాక్టివేట్ చేయడానికి 6 డిజిట్​ యాక్సెస్ కోడ్స్​ అవసరం అవుతాయి. విద్యార్థులు తమ కోడ్స్​ని పొందడానికి వారి పాఠశాలలను సంప్రదించాలి.

ఫలితాల రోజున విద్యార్థులు తమ 10, 12వ తరగతి ఫైనల్ ఎగ్జామ్ మార్కులను results.cbse.nic.in, cbseresults.nic.in, digilocker.gov.in లో చెక్ చేసుకోవచ్చు. బోర్డు ఎగ్జామ్ రోల్ నెంబర్, స్కూల్ నెంబర్, అడ్మిట్ కార్డ్ ఐడీ ఆన్​సైన్​ మార్కులను చెక్ చేసుకోవాలి.

CBSE class 12 results 2024 : ఈ ఏడాది సీబీఎస్ఈ 10, 12వ తరగతి పరీక్షలకు 39 లక్షల మంది అభ్యర్థులు అర్హత సాధించారు.

సీబీఎస్​ఈ పదో తరగతి ఫైనల్ పరీక్ష ఫిబ్రవరి 15 నుంచి మార్చి 13 వరకు, 12వ తరగతి బోర్డు పరీక్ష ఫిబ్రవరి 15 నుంచి ఏప్రిల్ 2 వరకు జరిగాయి.

డిజీలాకర్ యాక్సెస్ కోడ్ వివరాలకు సంబంధించిన సీబీఎస్​ఈ నోటీస్​ని చూసేందుకు ఇక్కడ క్లిక్​ చేయండి.

CBSE results 2024 class 10 date and time : డిజిలాకర్ నుంచి డౌన్​లోడ్ చేసుకున్న మార్క్​ షీట్లు, సర్టిఫికెట్లు హార్డ్ కాపీల మాదిరిగానే చెల్లుబాటు అవుతాయని, పై తరగతుల్లో ప్రవేశం సహా అన్ని భవిష్యత్ అవసరాలకు వీటిని వినియోగించుకోవచ్చని సీబీఎస్​ఈ చెబుతోంది. మరిన్ని వివరాలకు విద్యార్థులు cbse.gov.in లేదా cbse.nic.in సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్ఈ) వెబ్​సైట్​ని సందర్శించాల్సి ఉంటుంది.

IPL_Entry_Point

సంబంధిత కథనం