Russia Ukraine war : ఉక్రెయిన్పై రష్యా మిసైళ్ల వర్షం.. న్యూ ఇయర్ ఆరంభంలోనే!
01 January 2023, 7:52 IST
Russia attacks Ukraine in New year : సంవత్సరం మారింది కానీ పరిస్థితుల్లో మార్పులు లేవని ప్రపంచానికి హెచ్చరికలు జారీ చేసింది రష్యా! న్యూ ఇయర్ మొదలైన కొన్ని గంటల్లోనే.. ఉక్రెయిన్పై మిసైళ్ల వర్షం కురిపించింది!
తన పెంపుడు శునకం, పిల్లితో ఓ ఉక్రెయిన్ సైనికుడు..
Russia attacks Ukraine in New year : ప్రపంచవ్యాప్తంగా న్యూ ఇయర్ వేడుకలు అంబరాన్ని తాకుతుంటే.. ఉక్రెయిన్లో మాత్రం మిసైళ్ల మోత మోగిపోయింది! న్యూ ఇయర్ ఆరంభంలోని మొదటి గంటల్లోనే.. రష్యా ఉక్రెయిన్ యుద్ధం మరింత తీవ్రమైంది. ఉక్రెయిన్పై మిసైళ్లతో దాడులు చేసింది రష్యా. ఫలితంగా.. రాజధాని కీవ్తో పాటు దేశవ్యాప్తంగా అనేక ప్రాంతాలు అల్లాడిపోయాయి. అయినప్పటికీ ప్రజల్లో ఆత్మస్థైర్యం దెబ్బతినలేదు! ఇళ్లల్లో నుంచి బయటకు వచ్చి 'గ్లోరీ టు ఉక్రెయిన్', 'గ్లోరీ టు హీరోస్' అంటూ రష్యాకు వ్యతిరేకంగా నినాదాలు చేశారు ఉక్రెయిన్ పౌరులు.
JEE Advanced 2024 : జేఈఈ అడ్వాన్స్డ్ రిజిస్ట్రేషన్కి రెండు రోజులే గడువు.. ఇలా అప్లై చేసుకోండి..
Criminal cases : 53-48.. క్రిమినల్ కేసులున్న అభ్యర్థుల విషయంలోనూ టీడీపీ- వైసీపీ మధ్య తీవ్ర పోటీ!
Teacher student sex : 5వ తరగతి విద్యార్థితో ఎలిమెంటరీ స్కూల్ టీచర్ సెక్స్- చివరికి..!
CBSE results 2024 : అతి త్వరలో సీబీఎస్ఈ ఫలితాలు- డిజీలాకర్ యాక్సెస్ కోడ్స్ విడుదల..
న్యూ ఇయర్ ఈవ్ నుంచే..!
కీవ్లో.. ఓ రష్యా మిసైల్ను ఉక్రెయిన్ ఎయిర్ డిఫెన్స్ సిస్టెమ్ సమర్థవంతంగా ధ్వంసం చేసింది. అయితే.. ఆ మిసైల్ శకలాలు..రోడ్డు మీద ఉన్న ఓ కారుపై పడ్డాయి. ఈ ఘటనలో ఎవరికి ఎలాంటి గాయాలవ్వలేదని తెలుస్తోంది. రష్యా ప్రయోగించిన 23 'ఎయిర్ ఆబ్జెక్ట్స్'ను ధ్వంసం చేసినట్టు కీవ్లోని మిలిటరీ యంత్రాంగం ప్రకటించింది.
Russia Ukraine war : వాస్తవానికి శనివారమే ఈ దాడులు మొదలైనట్టు తెలుస్తోంది. 20కిపైగా మిసైళ్లను ఉక్రెయిన్పై ప్రయోగించింది రష్యా. ఆ పరిణామాలను 'టెర్రర్ ఆన్ న్యూ ఇయర్ ఈవ్' అని అభివర్ణించారు ఉక్రెయిన్కు చెందిన హ్యూమెన్ రైట్స్ అంబూడ్స్మన్ దిమిత్రో లుబినెట్స్.
రష్యా దాడులను ఉద్దేశించి శనివారం రాత్రి ప్రసంగించారు ఉక్రెయిన్ అధ్యక్షుడు జెలెన్స్కీ.
"న్యూ ఇయర్ ఈవ్ నాడు.. ప్రజలపై మిసైళ్ల దాడి జరిగింది. ప్రజలపై మిసైల్ దాడులా? ప్రపంచంలో మిమ్మల్ని(రష్యా) ఎవరు క్షమించరు. ముఖ్యంగా ఉక్రెయిన్ మిమ్మల్ని క్షమించదు. వారందరు.. తమని తాము క్రీస్టియన్స్ అని పిలుచుకుంటారు. కానీ వారు దయ్యాలు. వారందరు దయ్యాలతోనే ఉంటారు. మీ ఉగ్రవాద చర్యలను ఎవరు క్షమించరు," అని రష్యా అధ్యక్షుడు వ్లాదిమిర్ పుతిన్పై మండిపడ్డారు జెలెన్స్కీ.
Russia Ukraine war latest updates : కాగా.. ఉక్రెయిన్ అధ్యక్షుడు ప్రసంగం ముగిసిన కొద్ది సేపటికే.. మిసైల్ దాడుల తీవ్రత పెరగడం గమనార్హం. మొత్తం మీద.. న్యూ ఇయర్ ఈవ్ నాడు ఉక్రెయిన్పై రష్యా చేసిన దాడుల్లో ఒకరు ప్రాణాలు కోల్పోయారు. మరో 20మంది గాయపడ్డారు.
ముగింపు లేని యుద్ధం..!
గతేడాది ఫిబ్రవరి 24న రష్యా ఉక్రెయిన్ యుద్ధం మొదలైంది. అప్పటి నుంచి ఉక్రెయిన్లో పరిస్థితులపై ప్రపంచ దేశాలు ఆందోళన వ్యక్తం చేస్తూనే ఉన్నాయి. కానీ యుద్ధం ముగింపు అనేది ఇప్పట్లో జరుగుతుందో లేదో తెలియడం లేదు. ఎక్కడా శాంతి కోసం ప్రయత్నాలు జరగడం లేదు. కనీసం నూతన ఏడాదిలో అయినా.. ఉక్రెయిన్ పౌరులకు ప్రశాంతత దక్కాలని ప్రపంచ దేశాల ప్రజలు ప్రార్థనలు చేస్తున్నారు.