Russia Ukraine war : చర్చలకు సిద్ధమని ప్రకటించిన పుతిన్.. యుద్ధం ముగిసినట్టేనా?
Russia Ukraine war latest updates : రష్యా ఉక్రెయిన్ యుద్ధంలో కీలక పరిణామం! చర్చలకు సిద్ధమని ప్రకటించారు రష్యా అధ్యక్షుడు పుతిన్. కానీ చర్చలను ఉక్రెయిన్, దాని పాశ్చాత్య మిత్రపక్షాలు అడ్డుకుంటున్నాయని ఆరోపించారు.
Russia Ukraine war latest updates : ఉక్రెయిన్తో యుద్ధంలో సంబంధం ఉన్న వారందరితో చర్చలకు సిద్ధమని ప్రకటించారు రష్యా అధ్యక్షుడు వ్లాదిమిర్ పుతిన్. కానీ ఉక్రెయిన్, దాని పాశ్చాత్య మిత్రపక్షాలు మాత్రం చర్చల కోసం ముందుకు రావడం లేదని ఆరోపించారు.
రష్యా మీడియా ఆదివారం విడుదల చేసిన ఓ ఇంటర్వ్యూలో పుతిన్ ఈ మేరకు వ్యాఖ్యానించారు.
Russia Ukraine war : "యుద్ధంతో సంబంధం ఉన్న వారందరితో చర్చలు జరపడానికి మేము సిద్ధం. ఆమోదయోగ్యమైన పరిష్కారాలు ఇస్తే చర్చలు జరుపుతాము. కానీ చర్చలనేది వారి చేతుల్లోనే ఉంది. చర్చలను మేము అడ్డుకోవడం లేదు. ఉక్రెయిన్, దాని మిత్ర దేశాలే అడ్డుకుంటున్నాయి," అని ఆరోపించారు పుతిన్.
ఉక్రెయిన్పై ఈ ఏడాది ఫిబ్రవరి 24న యుద్ధానికి దిగింది రష్యా. తమ దేశ భద్రతకు ముప్పు కలిగించే విధంగా ఉక్రెయిన్ ప్రవర్తిస్తోందంటూ ఆ దేశంలోకి దూసుకెళ్లింది. తమ లక్ష్యాలు నెరవేరేంత వరకు యుద్ధాన్ని కొనసాగిస్తామని అనేకమార్లు తేల్చిచెప్పింది. మరోవైపు.. తమ భూభాగంలో నుంచి రష్యన్ సైనికులను తరిమికొట్టేంత వరకు కూడా నిద్రపోమని ఉక్రెయిన్ ప్రతిజ్ఞ చేసింది. ఈ పరిణామాలు ప్రపంచవ్యాప్తంగా ఆందోళన కలిగించాయి.
Russia Ukraine peace talks : "మా దేశాన్ని కాపాడుకోవడం కోసమే ఇదంతా చేస్తున్నాము. సరైన మార్గంలోనే మేము నడుస్తున్నట్టు అనిపిస్తోంది. మా పౌరులను రక్షించుకోవడానికి వేరే మార్గం లేకుండా పోయింది." అని పుతిన్ అన్నారు.
అమెరికా నేతృత్వంలోని పాశ్చాత్య దేశాలు.. రష్యాలో చిన్నాభిన్నం చేసేందుకు ప్రయత్నిస్తోందని అనేకమార్లు ఆరోపించారు పుతిన్. ఆయన ఆరోపణలను అమెరికా ఖండిస్తూ వచ్చింది.
ఇక ఇప్పుడు.. పాశ్చాత్య దేశాలతో భేదాలు ప్రమాదకర స్థాయికి చేరాయా? అని ఓ జర్నలిస్ట్ అడిగిన ప్రశ్నకు.. 'ఇంకా లేదు,' అంటూ జవాబిచ్చారు పుతిన్.
'చర్చలను అడ్డుకుంటోంది పుతినే..!'
Putin Russia Ukraine war : చర్చలపై పుతిన్ మాట్లాడుతున్న తీరులో తీవ్రత లేదని ఉక్రెయిన్ ఆరోపిస్తోంది. చర్చలను తాము అడ్డుకోవడం లేదని, రష్యా అధ్యక్షుడే శాంతికి సిద్ధంగా లేరని విమర్శిస్తోంది. 'ఉక్రెయిన్పై దాడి చేసింది రష్యానే. మా పౌరులను చంపింది కూడా రష్యానే. ఈ విషయం అందరికి తెలిసిందే. వాస్తవానికి రష్యాకు చర్చలు జరిపే ఉద్దేశం లేదు. బాధ్యతల నుంచి తప్పించుకుని తిరగడమే రష్యా పని,' అని ఉక్రెయిన్ అధ్యక్షుడు వ్లాదిమిర్ జెలెన్స్కీ సలహాదారు పోడోలైక్ మండిపడ్డారు.
ఉక్రెయిన్- రష్యా చర్చలపై సీఐఏ డైరక్టర్ విలియమ్ బర్న్స్ సైతం ఇటీవలే స్పందించారు. చర్చల ద్వారా చాలా వరకు సమస్యలు పరిష్కారమైపోతాయని అభిప్రాయపడ్డారు. కానీ చర్చలు జరిపే విషయంలో రష్యా సీరియస్గా లేదని పేర్కొన్నారు.
Putin Zelensky talks : రష్యా- ఉక్రెయిన్ యుద్ధం మొదలై 300 రోజులు గడిచిపోయింది. యుద్ధం ముగింపు కోసం ప్రపంచ దేశాల ప్రజలు ప్రార్థనలు చేస్తున్నారు. పుతిన్ తాజా వ్యాఖ్యలతో యుద్ధం ఏ విధంగా మలుపు తిరుగుతుందో వేచి చూడాలి.
సంబంధిత కథనం