Russia Ukraine war : ఉక్రెయిన్పై యుద్ధం కోసం రష్యా ఎంత ఖర్చు చేసింది?
Russia Ukraine war : ఉక్రెయిన్పై దండయాత్ర కొనసాగిస్తోంది రష్యా. ఫిబ్రవరిలో మొదలైన యుద్ధానికి ఇప్పట్లో ముగింపు పడే సూచనలు కనిపించడం లేదు. ఉక్రెయిన్పై యుద్ధం కోసం.. రష్యా ఇప్పటివరకు ఎంత ఖర్చు చేసిందంటే..
Russia Ukraine war : రష్యా ఉక్రెయిన్ యుద్ధం.. తొమ్మిది నెలలుగా సాగుతోంది. యుద్ధానికి ఇప్పటిల్లో ముగింపు పడే సూచనలు కనిపించడం లేదు. కాగా.. ఉక్రెయిన్పై దండయాత్ర కోసం రష్యా ఇప్పటివరకు ఎంత ఖర్చు చేసింది? అన్న విషయంపై ఓ డేటా బయటకొచ్చింది. ఫోర్బ్స్ ప్రకారం.. ఉక్రెయిన్పై దండయాత్ర కోసం రష్యా ఇప్పటివరకు 82బిలియన్ డాలర్లను ఉపయోగించింది.
ట్రెండింగ్ వార్తలు
గతేడాది రష్యా బడ్జెట్ రెవెన్యూ 340బిలియన్ పౌండ్లు. అంటే.. యుద్ధం కోసం రష్యా.. ఇప్పటివరకు తన బడ్జెట్లో పావు(క్వార్టర్) వంతు నిధులను ఉపయోగించింది. ఈ అంచనాలు కేవలం రష్యా మిలిటరీ కార్యకలాపాల కోసం వెచ్చించిన నిధులు మాత్రమే. డిఫెన్స్ కోసం చేసిన ఖర్చులు, పాశ్చాత్య దేశాల ఆంక్షలతో జరిగిన నష్టం వంటి అంశాలను ఇందులో పరిగణలోకి తీసుకోలేదు.
Russia expenses on war : దళాలకు ఇవ్వాల్సిన జీతాలు, మృతులు- క్షతగాత్రులైన సైనికుల కుటుంబాలకు ఇచ్చే పరిహారాలు, ఆయుధా ఉత్పత్తి లేదా కొనుగోళ్లు, నష్టపోయిన పరికరాలను తిరిగి భర్తీ చేసే ప్రక్రియ.. మిలిటరీ కార్యకలాపాల ఖర్చుల కిందకు వస్తాయి. ఫోర్బ్స్ ప్రకారం.. ఇటీవలి కాలంలో ఖర్చులు విపరీతంగా పెరిగాయి. మొదలైన నాటి కన్నా.. ఇప్పుడు రెట్టింపు ఖర్చు అవుతోంది.
గత నెలలో మృతుల కుటుంబాలు, క్షతగాత్రులకు.. రష్యా 3.5బిలియన్ డాలర్లు ఇచ్చినట్టు ఫోర్బ్స్ నివేదిక పేర్కొంది. అదే సమయంలో ఆర్టిలరీ సప్లై కోసం రష్యా 5.5బిలియన్ డాలర్లను ఖర్చు చేసినట్టు వివరించింది.
యుద్ధం నేపథ్యంలో.. రష్యా బడ్జెట్ రెవెన్యూలో.. చమురు, గ్యాస్ ఎగుమతుల ద్వారా వచ్చే ఆదాయం భారీగా తగ్గింది. అనేక యూరోపియన్ దేశాలు.. రష్యా నుంచి చమురు కొనుగోలు చేయకపోవడమే ఇందుకు కారణం.
'పుతిన్.. భయపడుతూ జీవిస్తున్నారు..'
Russia president Putin : రష్యా అధ్యక్షుడు వ్లాదిమిర్ పుతిన్.. భయంలో జీవిస్తున్నారని ఆరోపించారు ఉక్రెయిన్ మిలిటరీలోని సీనియర్ అధికారి ఒలెక్సే అరెస్టోవిచ్. ఖార్సన్ ప్రాంతం నుంచి రష్యా సైన్యం వెనుతిరుగుతోందని ఆ దేశం ప్రకటన చేసిన నేపథ్యంలో ఒలెక్సే ఈ వ్యాఖ్యలు చేశారు.
"ఇది పుతిన్కు భంగపాటు లాంటి ఘటన. యుద్ధం ఓడిపోయిన వారిని రష్యన్ ప్రజలు క్షమించారు. ఇప్పుడు పుతిన్ భయపడుతున్నారు. ప్రాణ భయంతో జీవిస్తున్నారు. యుద్ధం ఓడిపోతున్నామని రష్యన్లు మనసులో అనుకున్నా చాలు.. పుతిన్ కథ ముగిసినట్టే. ఆయన రాజకీయ ప్రస్థానం ముగిసిపోతుంది. ప్రాణాలు కాపాడుకోవడం కూడా కష్టమే," అని ఒలెక్సే తెలిపారు.
సంబంధిత కథనం