Buttermilk After Meals । భోజనం తర్వాత మజ్జిగ తాగితే, దాని ప్రయోజనాలే వేరప్పా!
02 March 2023, 19:07 IST
- Buttermilk After Meals: మజ్జిగను ఎప్పుడైనా తాగవచ్చు కానీ భోజనం తర్వాత తాగితే దాని ప్రయోజనాలే వేరు. అవేమిటో ఇక్కడ తెలుసుకోండి.
Buttermilk Post Meals:
వేసవి కాలం సమీపిస్తున్న తరుణంలో ఒక గ్లాసు మజ్జిగ మీ కడుపుకు మంచి ఉపశమనం కలిగించే పానీయం. లంచ్ లేదా డిన్నర్ తర్వాత దీన్ని తీసుకోవడం వల్ల జీర్ణక్రియ మెరుగుపడటమే కాకుండా ఎసిడిటీని నివారిస్తుంది. ఈ అద్భుత పానీయం ప్రోబయోటిక్ గుణాలతో నిండి ఉంది, పెరిగుతున్న ఉష్ణోగ్రతల నుంచి మీ పేగు ఆరోగ్యాన్ని ఉన్నత స్థితిలో ఉంచుతుంది. ఎందుకంటే ఇంకా ఇది పొటాషియం వంటి ఎలక్ట్రోలైట్లకు మంచి మూలం, మీ శరీరంలో ద్రవ సమతుల్యతను కాపాడుకోవడంలో ఇది సహాయపడుతుంది.
ఇంకా మీకు తెలియని విషయం ఏమిటంటే.. మజ్జిగలో కాల్షియం, పొటాషియం, విటమిన్ B12, ప్రోటీన్ వంటి పోషకాలు ఉంటాయి. ఇందులో యాంటీమైక్రోబయల్ గుణాలు ఉండే లాక్టిక్ యాసిడ్ కూడా ఉంటుంది, ఇది రోగనిరోధక శక్తిని పెంచడంలో సహాయపడుతుంది. మీ శరీరానికి ఆరోగ్యకరమైన కండరాలు, చర్మం, ఎముకలను నిర్మించడానికి తోడ్పడుతుంది.
మజ్జిగను అలాగే తీసుకోవచ్చు లేదా దాని ఆరోగ్య ప్రయోజనాలను మరింత మెరుగుపరచడానికి అందులో మిరియాలు, ధనియాల పొడి, కల్లుప్పు, శొంఠి వంటి కొన్ని మసాలా దినుసులను కలిపి తీసుకోవచ్చు. మజ్జిగలో కేలరీల తక్కువ ఉంటాయి కాబట్టి అధిక బరువు తగ్గించచుకోవడానికి ఇది మంచి పానీయం.
Buttermilk After Meals Benefits- భోజనం తర్వాత మజ్జిగ తాగండి!
మజ్జిగను ఏ సమయంలోనైనా తీసుకోవచ్చు. అయితే భోజనం తర్వాత మజ్జిగ తాగడం వలన కొన్ని అద్భుతమైన ప్రయోజనాలు ఉన్నాయి. అవేమిటో చూడండి.
1. జీర్ణశక్తిని పెంచుతుంది
మజ్జిగ మన జీర్ణవ్యవస్థకు ఒక వరం. మజ్జిగలో ఉండే ఆరోగ్యకరమైన బ్యాక్టీరియా, లాక్టిక్ యాసిడ్ జీర్ణక్రియను, జీవక్రియను మెరుగుపరచడంలో సహాయపడుతుంది
2, IBS నుంచి రిలీఫ్
మజ్జిగ జీర్ణక్రియలో సహాయపడుతుంది, అందులోని యాసిడ్ కారణంగా అది మీ పొట్టను క్లియర్ చేస్తుంది. రెగ్యులర్గా తీసుకోవడం వల్ల ఇరిటబుల్ బవెల్ సిండ్రోమ్ వంటి జీర్ణ రుగ్మతలను తగ్గించవచ్చు.
3. ఆసిడిటీని నివారిస్తుంది
మజ్జిగ తీసుకోవడం వల్ల ఆసిడిటీని నివారించవచ్చు. మజ్జిగలో శొంఠి లేదా మిరియాలు వంటి మసాలా దినుసులను కలిపి తాగడం వలన ఆసిడిటీని దూరం చేయవచ్చు.
4. యాసిడ్ రిఫ్లక్స్లో సహాయపడుతుంది
ఇది శరీరంపై ప్రత్యేకించి జీర్ణవ్యవస్థపై శీతలీకరణ ప్రభావాన్ని అందిస్తుంది, యాసిడ్ రిఫ్లక్స్ కారణంగా కడుపు లైనింగ్లో ఏర్పడే చికాకును తగ్గిస్తుంది.
5. రోగనిరోధక శక్తిని బలపరుస్తుంది
ఆరోగ్యకరమైన ప్రేగు బలమైన రోగనిరోధక శక్తికి పునాది. మజ్జిగ ఆరోగ్యకరమైన పేగుకు అవసరమయ్యే పోషణ అందిస్తుంది. ఇది జీర్ణక్రియ నుండి రోగనిరోధక శక్తి వరకు అన్నింటిని సెట్ చేస్తుంది.