Foods To Avoid Before Sleep : మంచి నిద్ర రావాలంటే ఈ ఆహారాలు రాత్రిపూట తినకూడదు
15 March 2023, 20:01 IST
- Foods To Avoid Before Sleep : ఆరోగ్యంగా ఉండాలంటే ప్రతిరోజూ ఎనిమిది గంటల నిద్ర చాలా ముఖ్యం. దీంతో మానసికంగా, శారీరకంగా ఆరోగ్యంగా ఉండొచ్చు. నిద్రలేమి ఆరోగ్యంపై చెడు ప్రభావం చూపుతుంది.
మంచి నిద్రకు చిట్కాలు
ఆరోగ్యంగా ఉండాలంటే ప్రతిరోజూ కనీసం ఎనిమిది గంటలు(8 Hours Sleep) నిద్రపోవాలి. దీంతో మానసికంగా, శారీరకంగా ఆరోగ్యంగా ఉండొచ్చు. నిద్రలేమి ఆరోగ్యంపై చెడు ప్రభావం చూపుతుంది. ఆరోగ్య నిపుణుల అభిప్రాయం ప్రకారం, రాత్రి నిద్రపోకపోవడానికి అనేక కారణాలు ఉండవచ్చు. వాటిలో మొబైల్ వాడకం(Mobile Using) ప్రధానమైనది. అంతే కాకుండా పడుకునే ముందు టీ, కాఫీ, ఆల్కహాల్ వంటివి తీసుకోవడం వల్ల కూడా నిద్ర పట్టదు. మీరు కూడా రాత్రిపూట ప్రశాంతంగా నిద్రపోవాలనుకుంటే ఈ ఆహారాలను తినకండి .
రాత్రిపూట టమోటా(Tomato) తినకూడదని ఆరోగ్య నిపుణులు అంటున్నారు. ఇందులో యాసిడ్ పుష్కలంగా ఉంటుంది. ఈ ఆమ్లాన్ని ఆక్సాలిక్ ఆమ్లం అంటారు. దీనివల్ల ఎసిడిటీ(Acidity) సమస్య వస్తుంది. రాత్రిపూట టమోటాలు తినవద్దు. రాత్రిపూట వెన్న లేదా చీజ్ తినకూడదు. దీని వినియోగం రాత్రి నిద్రలో ఆటంకాలు కలిగించవచ్చు. వెన్నను పగటిపూట మాత్రమే తినాలి. రాత్రి పడుకునేటప్పుడు సిట్రస్ పండ్లను కూడా తినకూడదు. వీటిలో ఉండే ఆక్సాలిక్ యాసిడ్ నిద్రలేని రాత్రులను కలిగిస్తుంది. అలాగే కెచప్, ఫ్రైస్ తినకూడదు.
చాలా మందికి రాత్రి పడుకునే ముందు కాఫీ(Coffee) తాగే అలవాటు ఉంటుంది. మీరు కూడా రాత్రి పడుకునే ముందు కాఫీ తాగితే, కాఫీకి దూరంగా ఉండండి. కాఫీ తాగడం వల్ల నిద్రలేని రాత్రులు ఉంటాయి. ప్రశాంతంగా నిద్రపోవాలంటే రాత్రిపూట ఐస్ క్రీం(Ice Cream) తినకూడదు. దీని వినియోగం కార్టిసాల్ హార్మోన్ను పెంచుతుంది. ఈ కారణంగా, రాత్రి నిద్ర, ప్రశాంతత రెండూ ఉండవు.
రాత్రిపూట వేయించిన పదార్థాలు తినడం వల్ల జీవక్రియ పెరుగుతుంది. అయితే, ఇది నిద్ర భంగానికి దారితీస్తుంది. దీని కోసం, మీరు రాత్రిపూట ప్రశాంతంగా నిద్రపోవాలనుకుంటే, వేయించిన ఆహారాలకు దూరంగా ఉండండి. రాత్రి పూట పిజ్జా(Pizza) తినడం మానుకోండి. పిజ్జాను వెన్న, టమోటాతో తయారు చేస్తారు. ఇందులో ఆక్సాలిక్ యాసిడ్ ఉంటుంది. ఇది నిద్రలేని రాత్రులకు దారి తీస్తుంది.
నిద్రను ప్రేరేపించే ఆహారాలు తీసుకోవడం పెంచాలి. చెర్రీస్, బాదం, కివి, వెచ్చని పాలు(Milk) వంటి కొన్ని ఆహారాలు సహజమైన నిద్రను ప్రేరేపించే లక్షణాలను కలిగి ఉంటాయి. వాటిని మీ ఆహారంలో చేర్చుకోవడం వల్ల నిద్రను మెరుగుపరుస్తుంది.