Andhra Pradesh News Live December 4, 2024: AP Weather Report : ఉపరితల ఆవర్తనం ఎఫెక్ట్, ఏపీలో రేపు ఈ జిల్లాల్లో వర్షాలు

AP Weather Report : అరేబియా సముద్రంలోని ఉపరితల ఆవర్తనం ప్రభావంతో ఏపీలో తేలికపాటు నుంచి మోస్తరు వర్షాలు పడే అవకాశం ఉందని వాతావరణ శాఖ తెలిపింది. రేపు పలు జిల్లాల్లో వర్షాలు కురిసే అవకాశం ఉందని పేర్కొంది.

Nandikotkur School Incident : నంద్యాల జిల్లాలో తీవ్ర విషాద ఘటన జరిగింది. పాఠశాల గోడ కూలి ఎనిమిదేళ్ల చిన్నారి మృతి చెందింది. కాసేపట్లో ఇంటికి వెళ్లాల్సిన విద్యార్థిని విగత జీవిగా మారింది. చిన్నారి మృతదేహాన్ని చూసి తల్లిదండ్రులు కన్నీరు మున్నీరుగా విలపించారు.

AP Free Electricity : ఎస్సీ, ఎస్టీలకు అందించే 200 యూనిట్ల ఉచిత విద్యుత్ పై దుష్ప్రచారం చేస్తున్నారని మంత్రి గొట్టిపాటి రవికుమార్ మండిపడ్డారు. అర్హులైన ప్రతి ఒక్కరికీ ఉచిత విద్యుత్ అందిస్తున్నామన్నారు.

Tirumala Laddu : తిరుమల శ్రీవారి లడ్డూ పంపిణీపై టీటీడీ కీలక నిర్ణయం తీసుకుంది. భక్తులు అడిగినన్ని లడ్డూలు ఇచ్చేందుకు టీటీడీ చర్యలు చేపట్టింది. అదనంగా రోజుకు 50 వేల చిన్న లడ్డూలు, 4 వేల పెద్ద లడ్డూలు, 3500 వడలు తయారీకి టీటీడీ సిద్ధమైంది. ఈ మేరకు పోటు సిబ్బందిని నియమించనుంది.

Konaseema News : కోనసీమ జిల్లాలో దారుణం జరిగింగి. ఓ ప్రభుత్వ పాఠశాలలో 3,4 తరగతుల విద్యార్థినిలపై ఉపాధ్యాయుడు మూడు నెలలుగా లైంగిక వేధింపులకు పాల్పడుతున్నాడు. చిన్నారులు ఈ విషయాన్ని తల్లిదండ్రులు చెప్పడంతో అసలు విషయం వెలుగులోకి వచ్చింది.

PIL On Pushpa 2 : పుష్ప 2 టికెట్ల రేట్ల పెంపుపై ఏపీ హైకోర్టులో పిటిషన్ దాఖలైంది. టికెట్ల రేట్లు భారీగా పెంచారని, ఇది చట్ట విరుద్ధమని పిల్ దాఖలైంది. టికెట్ల రేట్ల పెంపుపై కోర్టు కల్పించుకోవాలని కోరారు.