Hurricane Ian: సౌత్ కరోలినాను ముంచెత్తిన హరికేన్

Hurricane Ian: హరికేషన్ ఇయాన్ శుక్రవారం తీర ప్రాంతంలోని సౌత్ కరోలినా వీధులను ముంచెత్తింది. ఈ తుపాను కారణంగా ఫ్లోరిడాలో 17 మంది చనిపోయినట్టు అసోసియేట్ ప్రెస్ నివేదించింది. గణనీయమైన నష్టాన్ని కలిగించిందని తెలిపింది.

అమెరికాను తాకిన అత్యంత ఖరీదైన హరికేన్లలో ఇది ఒకటిగా అంచనా వేస్తున్నారు. ఇది ఈ వారం కూడా క్యూబాలో విధ్వంసానికి కారణమైంది.

హరికేన్ ఇయాన్ చార్లెస్‌టన్‌లోని అనేక ప్రాంతాలను నీట ముంచింది. గార్డెన్ సిటీ పరిసరాల్లోకి సముద్రపు నీరు వచ్చి చేరింది.

ఫ్లోరిడాలో ఈ హరికేన్ ఇళ్లను నేలమట్టం చేసింది. విద్యుత్తు సరఫరా వ్యవస్థ దెబ్బతిని 20 లక్షల మందికి విద్యుత్తు అంతరాయం ఏర్పడింది.

ఇయాన్ హరికేన్ ‘100 బిలియన్ డాలర్లకు పైగా నష్టాన్ని కలిగించింది. .’ అని విపత్తు అంచనా సంస్థ కరెన్ క్లార్క్ అండ్ కంపెనీ తెలిపింది.

ప్రాణాలను రక్షించడానికి, ప్రాణాలతో బయటపడిన వారికి సహాయం చేయడానికి సాధ్యమైన ప్రతి చర్యను తీసుకోవాలని నిర్దేశిస్తున్నట్లు అమెరికా అధ్యక్షుడు జో బిడెన్ చెప్పారు. ‘దీని పునర్నిర్మాణానికి నెలలు, సంవత్సరాలు పడుతుంది,..’ అని జో బిడెన్ వివరించారు.

మొన్న మంగళవారం క్యూబాను అతలాకుతలం చేసి, గంటల తరబడి విద్యుత్తు లేకుండా చేసిన హరికేన్ ఇయాన్ బుధవారం నుంచి ఫ్లోరిడాపై పడగ విప్పడంతో సముద్ర జలాలతో నిండిపోతూ అతలాకుతలమైంది.