12 year old boy raped : 12ఏళ్ల బాలుడిపై సామూహిక అత్యాచారం..
25 September 2022, 18:34 IST
- Boy raped in Delhi : 12ఏళ్ల బాలుడు.. అత్యాచారానికి గురైన ఘటన ఢిల్లీలో వెలుగులోకి వచ్చింది. నలుగురు.. అతడిపై అఘాయిత్యానికి పాల్పడ్డారు.
ఢిల్లీలో బాలుడిపై అత్యాచారం
12 year old Boy raped in Delhi : ఢిల్లీలో అత్యంత దారుణ ఘటన వెలుగులోకి వచ్చింది. 12ఏళ్ల బాలుడు అత్యాచారానికి గురయ్యాడు. అతని పరిస్థితి ప్రస్తుతం విషమంగా ఉంది.
ఢిల్లీలో బాలుడిపై అత్యాచారం!
ఢిల్లీ మహిళా కమిషన్ ఛైర్మన్ స్వాతి మలివాల్.. ఆసుపత్రిలో చికిత్స పొందుతున్న బాలుడికి సంబంధించిన ఫొటోను ట్వీట్ చేశారు. అతనికి జరిగిన అన్యాయాన్ని వివరించారు.
Boy raped in Delhi : "ఢిల్లీలో మహిళలే కాదు.. అబ్బాయిలకు కూడా భద్రత లేదు. 12ఏళ్ల బాలుడిపై నలుగురు సామూహిక అత్యాచారానికి పాల్పడ్డారు. అతడిని కర్రలతో దారుణంగా కొట్టారు. అతడు ప్రస్తుతం ఆసుపత్రిలో చికిత్స పొందుతున్నాడు. అతని పరిస్థితి విషమంగా ఉంది. మా టీమ్ ఎఫ్ఐఆర్ నమోదు చేసింది," అని స్వాతి మలివాల్ ట్వీట్ చేశారు.
ఘటనపై కేసు నమోదు చేసుకున్న పోలీసులు.. నిందితులను పట్టుకునేందుకు గాలింపు చర్యలు చేపట్టారు. కేసుకు సంబంధించి ఓ నిందితుడిని అరెస్ట్ చేశారు. మరో ముగ్గురి కోసం వెతుకుతున్నారు.
ఘటనపై పోలీసులకు నోటీసులు జారీ చేసింది ఢిల్లీ మహిళా కమిషన్.
ఢిల్లీలో నేరాలు అత్యంత తీవ్రం..!
Delhi crime news : దేశవ్యాప్తంగా నేరాలు పెరుగుతూనే ఉన్నాయి. అయితే.. ఢిల్లీలో ఈ పరిస్థితులు అత్యంత తీవ్రంగా ఉన్నాయి. మహిళలు, అమ్మాయిలు, బాలికలు.. అత్యాచారాలకు గురవుతున్న ఘటనలు నిత్యం వార్తల్లో వస్తూనే ఉంటాయి. చిన్నా, పెద్దా, అనే తేడా లేకుండా నేరాలు జరుగుతూనే ఉంటాయి. ఇక ఇప్పుడు.. ఓ బాలుడిపై అత్యాచారం జరగడం.. ఢిల్లీలో భద్రతాపరమైన పరిస్థితులపై సర్వత్రా చర్చకు దారితీసింది.