Kawasaki electric bikes : కవాసకి నుంచి రెండు కొత్త ఎలక్ట్రిక్ బైక్స్.. లాంచ్ ఎప్పుడంటే!
11 November 2022, 12:05 IST
- Kawasaki Z and Ninja electric bike : రెండు కొత్త ఎలక్ట్రిక్ బైక్స్తో మార్కెట్లోకి రానుంది కవాసకి. వచ్చే ఏడాదిలో వీటిని లాంచ్ చేసేందుకు ప్రణాళికలు రచిస్తోంది.
కవాసకి జెడ్, నింజా ఎలక్ట్రిక్ బైక్స్
Kawasaki electric bikes : 2022 ఈఐసీఎంఏలో.. రెండు కొత్త ఎలక్ట్రిక్ బైక్స్ని ఆవిష్కరించింది కవాసకి. వచ్చే ఏడాదిలో వీటిని లాంచ్ చేయనుంది. ఈ రెండు ఎలక్ట్రిక్ బైక్స్.. జెడ్, నింజా మోడల్స్కు చెందినవి. యూరోపియన్ ఏ1 వెహికిల్ లైసెన్స్ రెగ్యులేషన్స్కు తగ్గట్టుగా ఈ రెండు ఎలక్ట్రిక్ బైక్స్ని రూపొందిస్తున్నట్టు సంస్థ పేర్కొంది.
ఈ జెడ్, నింజా ఎలక్ట్రిక్ బైక్స్.. ప్రస్తుతానికి ప్రోటోటైప్ దశలో ఉన్నాయి. ఈ రెండింటికి ఒకటే పవర్ట్రైన్ ఉంటుందని తెలుస్తోంది. 3కేడబ్ల్యూహెచ్ కెపాసిటీతో కూడిన డ్యుయెల్ బ్యాటరీ సెటప్ వీటిల్లో ఉండొచ్చు. ఈ ప్రోటోటైప్స్ ఆధారంగానే ప్రొడక్షన్ను ప్రారంభిస్తారు. కవాసకి నుంచి వస్తున్న ఈ రెండు ఎలక్ట్రిక్ బైక్స్కు 125సీసీ పెట్రోల్ ఇంజిన్ ఉండే అవకాశం ఉంది.
Kawasaki Z electric bike : వీటికి సంబంధించిన ఫీచర్స్, స్పెసిఫికేషన్స్ వంటి అంశాలపై ప్రస్తుతానికి స్పష్టత లేదు. వీటిపై సంస్థ అధికారిక ప్రకటన చేయాల్సి ఉంది.
కాగా.. రేర్ వీల్ను స్పిన్ చేసేందుకు చెయిన్ డ్రైవ్తో కూడిన ఎలక్ట్రిక్ మోటార్ ఉంటుందని తెలుస్తోంది. రెండువైపులా డిస్క్ బ్రేక్స్ ఉండొచ్చు. ఫ్రంట్లో టెలిస్కోపిక్ ఫోర్క్స్, రేర్లో మోనో షాక్తో బైక్ సస్పెన్షన్ యాక్టివిటీ జరగొచ్చు.
కవాసకి జెడ్250 నేకిడ్ స్ట్రీట్ మోటర్సైకిల్ స్ఫూర్తితో ఈ జెడ్ ఎలక్ట్రిక్ బైక్ను రూపొందిస్తున్నట్టు తెలుస్తోంది. ఈ జెడ్250 ఇప్పటికే అంతర్జాతీయ మార్కెట్లో అందుబాటులో ఉంది. ఫ్యుయెల్ ట్యాంక్, హెడ్ల్యాంప్తో పాటు పూర్తి డిజైన్ చాలా ఆకర్షణీయంగా ఉంటుంది.
Kawasaki Ninja electric bike : కవాసకి నింజా ఎలక్ట్రిక్ బైక్ను.. నింజా ఫ్యామిలీ ఆధారంగా రూపొందించనున్నారు. కానీ సైజు విషయానికొస్తే.. ఈ ఎలక్ట్రిక్ బైక్.. నింజా 250లాగా కనిపిస్తోంది. ఫ్రంట్లో అగ్రెసివ్ హెడ్ల్యాంప్ ఉంది.
కానీ ప్రొటోటైప్ చూసి ఎలక్ట్రిక్ బైక్ల డిజైన్ ఎలా ఉంటుందో చెప్పడం కష్టం. అందుకే.. కవాసకి ఎలక్ట్రిక్ బైక్స్ గురించి పూర్తిగా తెలుసుకోవాలంటే మరికొంత కాలం ఎదురుచూడక తప్పదు!