How to reduce loan burden : అప్పుల ఊబి నుంచి త్వరగా బయటపడాలా? ఇలా చేయండి..!

How to get rid of Loan burden : 'ధనం మూలం ఇధం జగత్​' అన్న మాటపై ఈ ప్రపంచం నడుస్తోందన్న విషయం అందరికి తెలిసిందే. నిత్య జీవితాన్ని సాగించేందుకు డబ్బు చాలా అవసరం. డబ్బు లేకపోవడంతో కొంతమంది అప్పులు చేస్తుంటారు. కొద్ది కాలంలో ఆ అప్పులు ఎక్కువైపోతాయి. అప్పుల ఊబిలో కూరుకుపోయి చాలా బాధలు పడుతుంటారు. అయితే.. అప్పులను తగ్గించుకునేందుకు కొన్ని టిప్స్​/ మార్గాలు ఉంటాయి. వాటిని ఇప్పుడు తెలుసుకుందాము..

పెద్ద 'అప్పు' భారాన్ని తీర్చుకోండి..

ముందుగా మీ ఒత్తిడికి కారణమైన పెద్ద అప్పుపై ఫోకస్​ చేయండి. దానిని తీర్చుకునేందుకు కృషిచేయండి. మీ అప్పుల్లో ఏది ఎక్కువగా ఉందొ గుర్తించి, దానిని తగ్గించుకునేందుకు ప్లాన్​ చేయండి. ఇలా చేస్తే.. పెద్ద అప్పు భారం నుంచి బయటపడతారు. మీ మనస్సు కాస్త కుదుటపడుతుంది.

లోన్​ తీసుకోండి..

అప్పు తీర్చడం కోసం లోన్​ తీసుకోండని అంటున్నారేంటి? అని అనుకుంటున్నారా? ఇక్కడ ఒక టిప్​ ఉంది. మీకు వేరువేరుగా అప్పులు ఉన్నటైతే.. వాటిని ఒకేసారి క్లియర్​ చేసేందుకు మరో లోన్​ తీసుకోండి. అయితే.. ఆ లోన్​పై వడ్డీ తక్కువగా ఉండాలన్న విషయం గుర్తుపెట్టుకోండి. దీనినే డెట్​ కన్సాలిడేషన్​ అంటారు. వేరువేరు లోన్స్​ను వేరువేరుగా కట్టకుండా.. వాటిని ఒకే లోన్​ తీర్చేసి, దానికి తక్కువ వడ్డీలు కట్టడం బెటర్​ అని నిపుణులు చెబుతుంటారు.

ఇదీ చదవండి:- How to payoff car loan : మీ కారు లోన్​ను 'స్మార్ట్'​గా క్లియర్​ చేసేయండి ఇలా..!

కొత్త లోన్​లు ఆపేయండి..

సింగిల్​ లోన్​తో అప్పులన్నీ తీర్చేసిన తర్వాత.. ఇక ఇప్పట్లో కొత్తవి తీసుకోకుండా జాగ్రత్త పడండి. మీకు మీరు టైమ్​ తీసుకోండి. మీ ఆర్థిక పరిస్థితులను లెక్కవేసుకోండి.

ఆదాయం పెరగాలి..

Tips to reduce loan burden : అప్పులు తీర్చుకోవాలంటే మీ ఆదాయం పెరగాలి. ఈ మధ్య చాలా మంది సెకండ్​ ఇన్​కమ్​పై ఫోకస్​ పెంచారు. మీకు ఏవైనా ఎక్స్​ట్రా స్కిల్స్​ ఉంటే.. వాటితో డబ్బులు ఎలా సంపాదించుకోవాలో ప్లాన్​ చేసుకోండి.

బడ్జెట్​ ముఖ్యం..

ఆర్థికపరమైన విషయాల్లో 'బడ్జెట్​' చాలా అవసరం. మన సంపాదన ఎంత, ఎంత ఖర్చు చేయాలి, ఎంత పొదుపు చేయాలి వంటివాటిపై పట్టు ఉండాలి. అప్పుడే డబ్బులు ఎటెళుతున్నాయి వంటి విషయాలపై అవగాహన ఉంటుంది. కాస్త సేవ్​ చేసినా.. అప్పులు తీర్చుకోవచ్చు.

ఇక్కడే జీవనశైలిని మార్చుకోవాల్సి ఉంటుంది. విలాసవంతంగా ఉండటం కోసం సామర్థ్యానికి మించి ఖర్చు చేయడం, అప్పులు చేయడం అస్సలు మంచి విషయం కాదు.

పెట్టుబడలను ఉపయోగించుకోండి..!

Tips to reduce home loan burden : మీ అప్పులు చాలా ఎక్కువగా ఉన్నాయంటే.. మీ వద్ద ఉన్న పెట్టుబడులను ఉపయోగించుకోవడం బెటర్​. ఉదాహరణకు.. మీ వద్ద పీపీఎఫ్​ అకౌంట్​ ఉంటే.. దానిపై (మూడేళ్ల తర్వాత) లోన్​ తీసుకోవచ్చు. బ్యాలెన్స్​పై గరిష్ఠంగా 25శాతం వరకు లోన్​ లభిస్తుంది. లైఫ్​ ఇన్ష్యూరెన్స్​ పాలసీపైనా లోన్​ దొరుకుతుంది. మీ వద్ద బంగారం ఉంటే.. దానిపైనా లోన్​ లభిస్తుంది.

ఈ విధంగా మీరు మీ అప్పులను తీర్చుకుని, కాస్త ప్రశాంతతను పొందవచ్చు.