How to become crorepati : రోజుకు రూ. 500 పొదుపు చేసి కోటీశ్వరులు అవ్వండి! ఎలా అంటే..!

How to become crorepati : డబ్బుతో నడిచే ఈ ప్రపంచంలో చాలా మంది భారీగా సంపదన సృష్టించుకోవాలని కలలుకంటుంటారు. దీర్ఘకాలంలో సంపదను సృష్టించుకోవడంలో మ్యూచువల్​ ఫండ్స్​ మంచి ఆప్షన్​ అని అందరికి తెలిసిందే. అయితే.. ఇందులోనూ కొన్ని ట్రిక్స్​ ఉంటాయి! కొన్ని రూల్స్​ పాటిస్తే.. అనుకున్న దాని కన్నా తక్కువ సమయంలోనే కోటీశ్వరులు కూడా కావొచ్చు! ఇలాంటి వాటిల్లో ఒకటే ఈ '15X15X15' రూల్​. ఈ రూల్​తో 15ఏళ్లకే మీరు కోటీశ్వురు అవ్వొచ్చు! ఎలా అంటే..

15X15X15 రూల్​ అంటే ఏంటి..?

మ్యూచువల్​ ఫండ్​లో ఈ రూల్​కు చాలా ప్రాముఖ్యత ఉంది! మీరు.. 15ఏళ్ల పాటు, నెలకు రూ. 15వేలను.. 15శాతం యాన్యువల్​ రిటర్నులు వచ్చే మ్యూచువల్​ ఫండ్​లో సిప్​ ద్వారా ఇన్​వెస్ట్​ చేయడమే.. ఈ రూల్​ సారాంశం. అంటే.. మీరు రోజుకు రూ. 500 పొదుపు చేసి, పెట్టుబడి చేస్తున్నట్టే!

15 x 15 x 15 rule of mutual funds : ఇప్పుడు దీని లెక్కలను అర్థం చేసుకుందాము. ఇక్కడే మనకి 'కాంపౌండింగ్​'కి ఉన్న శక్తి అర్థం అవుతుంది. మీరు 15ఏళ్ల పాటు.. నెలకు రూ. 15వేలు సిప్​ చేస్తే.. దాని విలువ రూ. 27,00,000 అవుతుంది. ఇక 15శాతం కాంపౌండింగ్​ యాన్యువల్​ రిటర్నులతో మీరు రూ. 1కోటి సంపాదించుకోగలరు!

ఇదీ చదవండి:- నెలకు రూ. 1,000 పెట్టుబడితో మిలియనీర్‌గా మారే ఛాన్స్.. వివరాలివే!

మీ రూ. 27లక్షలపై రూ. 74,52,946 రిటర్ను వస్తుంది. ఈ రెండింటినీ కలిపితే.. మీ ఇన్​వెస్ట్​మెంట్​ విలువ రూ. 1,01,52,946కి చేరుతుంది. ఈ వివరాలను ఎస్​ఏజీ ఇన్ఫోటెక్​ ఎండీ అమిత్​ గుప్తా తెలిపారు.

15X15X30 రూల్​..

ఇదే ఇన్​వెస్ట్​మెంట్​ను మీరు మరో 15ఏళ్లు కొనసాగిస్తే.. కని,విని ఎరుగని రీతిలో మీరు సంపదను సృష్టించుకోవచ్చు! అంటే.. మీరు 30ఏళ్ల పాటు.. నెలకు రూ. 15వేలను 15శాతం యాన్యువల్​ రిటర్నులు వచ్చే మ్యూచువల్​ ఫండ్​లో ఇన్​వెస్ట్​ చేశారు అనుకుందాము. మీ పెట్టుబడి విలువ రూ. 54లక్షలుగా ఉంటుంది. దానిపై మీకు రూ. 9,97,47,309 లాభం వస్తుంది. ఈ రెండింటినీ కలిపితే.. మీ ఇన్​వెస్ట్​మెంట్​ విలువ ఏకంగా రూ. 10,51,47,309 అవుతుంది!

15 x 15 x 30 rule in mutual funds : ఈ లెక్కల బట్టి మనం ఒకటి అర్థం చేసుకోవచ్చు. ఇన్​వెస్ట్​మెంట్​కి టైమింగ్​ కాదు.. టైమ్​ చాలా ముఖ్యమని! చిన్న వయస్సు నుంచే డబ్బులు పోగేసి, వాటిని ఇన్​వెస్ట్​ చేయడంతో తక్కువ కాలంలోనే భారీ సంపదను సృష్టించుకుని కోటీశ్వరులు అవ్వొచ్చు!

(గమనిక:- మ్యూచువల్​ ఫండ్​లో పెట్టుపడి కూడా రిస్క్​తో కూడుకున్న వ్యవహారం అని గుర్తుపెట్టుకోవాలి. ఏదైనా ఇన్​వెస్ట్​మెంట్​ చేసే ముందు మీ ఫైనాన్షియల్​ ఎడ్వైజర్​ను సంప్రదించడం శ్రేయస్కరం.)