Sensex Sinks | ‘బేర్‌’మన్న స్టాక్ మార్కెట్లు

paragraph

గురువారం భారతీయ స్టాక్ మార్కెట్లు కుదేలయ్యాయి. ట్రేడింగ్ ముగిసే సమయానికి నిఫ్టీ 5% వరకు క్షీణించింది. సెన్సెక్స్ 4.7% పడిపోయింది. కోవిడ్ మహమ్మారి వ్యాప్తి నేపథ్యంలో మార్చి 2020లో భారీగా కుప్పకూలిన మార్కెట్లు తాజాగా ఉక్రెయిన్‌పై రష్యా దాడితో మళ్లీ విలవిలలాడాయి. ఏడు రోజుల నష్టాలతో సుదీర్ఘమైన నష్టాలను చవిచూశాయి.

గురువారం ఫిబ్రవరి డెరివేటివ్‌ల గడువు ముగియడంతో తీవ్ర తగ్గుదల ఏర్పడింది. ఎన్ఎస్ఈ అస్థిరత సూచిక 30% పెరిగింది. రూపాయి 1.4% పడిపోయింది.&nbsp;

ఉక్రెయిన్‌లో పాశ్చాత్య దేశాల సైనికులను నిర్వీర్యం చేస్తామని, ఈ దిశగా సైనిక చర్య ప్రారంభమైందని రష్యా అధ్యక్షుడు గురువారం ఉదయం ప్రకటించగానే స్టాక్ మార్కెట్లు కుప్పకూలడం ప్రారంభమైంది. ఉదయం 11 గంటలకు కాస్త కుదుటపడ్డట్టు అనిపించినప్పటికీ, సైనిక చర్య ఉక్రెయిన్ అంతటా విస్తరించనుందన్న వార్తలతో స్టాక్ మార్కెట్లు మధ్యాహ్నం మరింతగా భీతిల్లాయి. చమురు ధర పెరుగుతండడంతో గ్లోబల్ స్టాక్స్ పతనమయ్యాయి. ఆసియా స్టాక్ బెంచ్‌మార్క్ నవంబర్ 2020 నుంచి కనిష్ట స్థాయికి పడిపోయింది.

రిలయన్స్ ఇండస్ట్రీస్ లిమిటెడ్ సెన్సెక్స్ క్షీణతకు అత్యధికంగా కారణమైంది. 5% పడిపోయింది. తర్వాత హెచ్‌డీఎఫ్‌సీ బ్యాంక్ లిమిటెడ్‌లో 5.5% తగ్గుదల కనిపించింది. సెన్సెక్స్‌లోని మొత్తం 30 స్టాక్‌లు పడిపోయాయి.

ఇటీవలే స్టాక్ మార్కెట్లలో లిస్టయిన స్టార్ హెల్త్, పేటీఎం వంటి స్టాక్‌లు భారీగా నష్టపోయాయి.&nbsp;

అత్యధికంగా నష్టపోయిన స్టాక్స్‌లో టాటా మోటార్స్, యూపీఎల్, ఇండస్ ఇండ్ బ్యాంక్, గ్రాసిమ్, రిలయన్స్, ఇన్ఫోసిస్, ఇండస్ టవర్స్, వోడాఫోన్ ఇండియా, పీఎన్‌బీ, &nbsp;యెస్ బ్యాంక్, రెయిన్ ఇండస్ట్రీస్, ఎన్బీసీసీ, ఆర్బీఎల్ బ్యాంక్, అమరరాజ బ్యాటరీస్, జీఎంఆర్ ఇన్ ఫ్రా, ఎల్ అంట్ టీ ఫైనాన్స్, బెల్, సెయిల్, ఇండిగో, ఐడీఎఫ్‌సీ ఫస్ట్ బ్యాంక్, ఇండియా సిమెంట్స్ వంటి సంస్థలు ఉన్నాయి. ఇవన్నీ దాదాపు పది శాతం నష్టపోయాయి.

NEET PG 2023: నీట్ పీజీ 2023 విద్యార్థులకు శుభవార్త; ఆ కటాఫ్ డేట్ పొడగింపు

నీట్ పీజీ 2023కి ప్రిపేర్ అవుతున్న విద్యార్థులకు కేంద్ర ఆరోగ్య, కుటుంబ సంక్షేమ శాఖ శుభవార్త తెలిపింది. నీట్ పీజీ 2023 (NEET PG-2023) కి అప్లై చేసుకోవడానికి వీలుగా, ఎంబీబీఎస్ విద్యార్థులు తమ ఇంటర్న్ షిప్ ను కంప్లీట్ చేసే తేదీని మరోసారి పొడగించింది.

Rail Coach Factory Recruitment 2023: రైల్ కోచ్ ఫాక్టరీలో అప్రెంటిస్ ఉద్యోగాలు

Rail Coach Factory Apprentice Recruitment 2023

Rail Coach Factory Recruitment 2023: అప్రెంటిస్ ఉద్యోగాల కోసం రైల్ కోచ్ ఫ్యాక్టరీ నోటిఫికేషన్ జారీ చేసింది. మొత్తం 550 అప్రెంటిస్ ఉద్యోగాలను ఈ నోటిఫికేషన్ ద్వారా రైల్ కోచ్ ఫాక్టరీ భర్తీ చేయనున్నది.

Indigo flight emergency landing: ఇండిగో ఫ్లైట్ ఎమర్జెన్సీ ల్యాండింగ్; మహిళ మృతి

Indigo flight emergency landing: సౌదీ అరేబియాలోని జెడ్డా నుంచి ఢిల్లీ వెళ్తున్న ఇండిగో విమానాన్నిమంగళవారం ఉదయం జోధ్ పూర్ లో అత్యవసరంగా దింపేశారు.

Shraddha murder: ‘గ్రైండర్ తో ఎముకలను పొడిచేసి’.. శ్రద్ధ హత్యలో ఆఫ్తాబ్ దారుణాలు

Shraddha murder case: దేశవ్యాప్తంగా సంచలనం సృష్టించిన శ్రద్ధ వాల్కర్ (Shraddha Walkar) హత్య కేసులో నిందితుడు ఆఫ్తాబ్ (Aaftab Poonawala) పాల్పడిన మరిన్ని దారుణాలు వెలుగు చూస్తున్నాయి.

<ul><li>రష్యా దళాలు ఉక్రెయిన్ అంతటా దాడి చేయడంతో భారతీయ స్టాక్ మార్కెట్లు ప్రపంచ మార్కెట్లలాగే కుదేలయ్యాయి. రెండో ప్రపంచ యుద్ధం తర్వాత ఐరోపాలో అత్యంత ఘోరమైన భద్రతా సంక్షోభాన్ని రేకెత్తించిన తాజా పరిస్థితి వల్ల మార్కెట్లు విలవిల్లాడాయి.</li></ul>

Russia-Ukraine crisis | కుప్పకూలిన మార్కెట్లు

ముంబై: ఉక్రెయిన్‌లో సైనిక చర్య ప్రారంభిస్తున్నట్టు రష్యా అధ్యక్షుడు వ్లాదిమిర్ పుతిన్ ప్రకటించగానే ఈక్విటీ మార్కెట్లు కుప్పకూలడం ప్రారంభించాయి.

మార్కెట్లు ప్రారంభం కాగానే సెన్సెక్స్ 1432.50 పాయింట్లకు, నిఫ్టీ 410.70 పాయింట్లకు పడిపోయాయి. ఉదయం 9.51 సమయంలో సెన్సెక్స్ 1950 పాయింట్లు కోల్పోయి 55,282 పాయింట్ల వద్ద ట్రేడవుతోంది.

అదేవిధంగా ఎన్‌ఎస్‌ఇ నిఫ్టీ ఉదయం 9.52 గంటలకు 552 పాయింట్లు కోల్పోయి 16552 వద్ద ట్రేడవుతోంది.

తూర్పు ఉక్రెయిన్‌లోని వేర్పాటువాదుల ఆధీనంలో ఉన్న డాన్‌బాస్‌ను రక్షించడానికి రష్యా అధ్యక్షుడు వ్లాదిమిర్ పుతిన్ ఈరోజు తెల్లవారుజామున ప్రత్యేక ‘సైనిక ఆపరేషన్’ ప్రకటించారు.

అత్యవసర సందేశాన్ని అందించిన పుతిన్, ఉక్రెయిన్ దేశంలో పాశ్యాత్య దేశాల సేనలను నిర్వీర్యం చేయడానికి ఆపరేషన్ ప్రారంభించినట్లు చెప్పారు.&nbsp;

ఉక్రెయిన్-రష్యా సంక్షోభ ఫలితంగా 8 సంవత్సరాలలో మొదటిసారి బ్రెంట్ ముడి చమురు బ్యారెల్ 100 డాలర్లకు పెరిగింది.

విదేశీ సంస్థాగత పెట్టుబడిదారులు తమ అమ్మకాల జోరును కొనసాగిస్తూ బుధవారం భారత క్యాపిటల్ మార్కెట్లలో రూ. 3,417.16 కోట్ల విలువైన షేర్లను ఆఫ్‌లోడ్ చేసినట్లు ఎక్స్ఛేంజ్ డేటా వెల్లడించింది.

<ul><li>రష్యా అధ్యక్షుడు వ్లాదిమిర్ పుతిన్ తూర్పు ఉక్రెయిన్‌లో ప్రత్యేక ‘మిలిటరీ ఆపరేషన్’ ప్రకటించడంతో ఈక్విటీ సూచీలు కుప్పకూలాయి.</li></ul>

Ukraine Russia Crisis | యుద్ధ ప్రకటనతో పెరిగిన బంగారం ధర

రష్యా అధ్యక్షుడు వ్లాదిమిర్ పుతిన్ ఉక్రెయిన్‌పై గురువారం తెల్లవారుజామున దాడి ప్రకటన చేశారు. రష్యా దళాలు ఉక్రెయిన్‌పై దాడి చేయడంతో పెట్టుబడిదారులు సురక్షితమైన స్వర్గధామానికి తరలివెళ్లడంతో గురువారం బంగారం ధరలు 2% పైగా పెరిగాయి. ఫిబ్రవరిలో ఇప్పటివరకు 8 శాతం పెరిగింది.

బంగారం 1.6% పెరిగి ఔన్సుకు $1,937.82 వద్దకు చేరింది. &nbsp;అమెరికాలో గోల్డ్ ఫ్యూచర్స్ 2% పెరిగి $1,937.10కి చేరుకుంది.

రష్యా దళాలు పలు ఉక్రెయిన్ నగరాలపై క్షిపణులను ప్రయోగించాయి. దాని దక్షిణ తీరంలో దళాలను మోహరించాయి. రష్యా ఉక్రెయిన్‌పై పూర్తి స్థాయి దండయాత్ర ప్రారంభించిందని, ఆయుధ దాడులతో నగరాలను లక్ష్యంగా చేసుకుంటోందని ఉక్రెయిన్ విదేశాంగ మంత్రి డిమిట్రో కులేబా ఒక ట్వీట్‌లో తెలిపారు.

ఈ విలువైన లోహం విలువలో జూలై 2020 నుంచి క్రమమైన పెరుగుదల కనిపించింది. ‘అమెరికా డాలర్‌తో పాటుగా బంగారం ఒక స్వర్గధామ ఆస్తి. అనివార్యంగా బంగారంలో కొత్త ఆల్ టైమ్ గరిష్టాలను చూడొచ్చు..’ అని సీనియర్ మార్కెట్ విశ్లేషకుడు జెఫ్రీ హాలీ అన్నారు.

ధరలు ఔన్స్‌కి $1,960 వరకు ర్యాలీని కొనసాగించవచ్చని, తదుపరి కొన్ని సెషన్‌లలో $ 2,000ని తాకవచ్చని హాలీ అన్నారు.

రష్యా ప్రపంచంలో మూడో అతిపెద్ద బంగారం ఉత్పత్తిదారుగా ఉంది. దేశంలోని నార్నికెల్ కూడా పల్లాడియం, ప్లాటినం లోహాల ప్రధాన ఉత్పత్తిదారు.

ఇక వెండి ఔన్స్‌కు 1.6% పెరిగి $ 24.91కి, ప్లాటినం 0.9% పెరిగి $1,101.56కి, పల్లాడియం 1.4% పెరిగి $2,516.39 వద్దకు చేరుకుంది.

డాలర్, చమురు ధరలు కూడా పెరిగాయి. అయితే గ్లోబల్ స్టాక్‌లు, యుఎస్ బాండ్ ఈల్డ్‌లు తగ్గాయి.

‘పశ్చిమ దేశాలు విధించే ఏవైనా ఆంక్షలు నిజంగా రష్యాను ఆశించిన విధంగా ప్రభావితం చేయవు. బంగారం పెరగడానికి ఇది మరొక కారణం..’ అని సిటీ ఇండెక్స్‌లో సీనియర్ మార్కెట్ విశ్లేషకుడు మాట్ సింప్సన్ అన్నారు.

Ukraine Russia Crisis | ఉక్రెయిన్‌లో రష్యా సైనిక చర్య ప్రకటించడంతో బంగారం ధర పెరుగుతోంది. బంగారం ధర 13 నెలల గరిష్టానికి చేరింది. ఉక్రెయిన్‌లో సైనిక కార్యకలాపాలకు పుతిన్ అనుమతి ఇవ్వడంతో బంగారం ధర పెరుగుతూ పోతోంది. మరోవైపు బ్రెంట్ ధరలు 2014 తర్వాత మొదటిసారిగా బ్యారెల్‌కు వంద డాలర్ల ధర దాటింది.

Russia Ukraine Conflict | ఆరేళ్ల కనిష్టానికి రూబుల్, నిలిచిపోయిన ట్రేడింగ్

రష్యా దళాలు ఉక్రెయిన్ నగరాలపై దాడికి దిగాక రూబుల్ 2016 నాటి కనిష్ట స్థాయికి క్షీణించింది.

బ్లూమ్‌బర్గ్ సంకలనం చేసిన డేటా ప్రకారం గురువారం ఆన్‌షోర్ ట్రేడింగ్‌లో రష్యన్ కరెన్సీ డాలర్ విలువతో పోల్చితే 3.5% తగ్గి 84.1కి పడిపోయింది.

ట్రేడింగ్ బ్యాండ్ పరిమితులను తాకడంతో మాస్కో ఎక్స్ఛేంజ్‌లో రూబుల్, షేర్లు, ఫ్యూచర్‌లలో ట్రేడింగ్ నిలిచిపోయింది.

అమెరికా ప్రెసిడెంట్ జో బిడెన్ ఈ చర్యను ‘ఇది అన్యాయమైన దాడి. ఎలాంటి రెచ్చగొట్టే పరిస్థితులు లేకున్నప్పటికీ జరిగిన దాడి..’ అని అభివర్ణించారు.&nbsp;

మరోవైపు భారతీయ మార్కెట్లు యుద్ధ వార్తలు విని కుప్పకూలడం మొదలై.. చివరకు 10.15 గంటల సమయానికి కాస్త కుదుటపడ్డాయి. మొత్తంగా సెన్సెక్స్ 1614 పాయింట్లు కోల్పోయి 55,617 పాయింట్ల వద్ద ట్రేడవుతుండగా, నిఫ్టీ 466 పాయింట్లు కోల్పోయి 16,596 పాయింట్ల వద్ద ట్రేడవుతోంది.

రష్యా కరెన్సీ రూబుల్ మారకం విలువ పడిపోతూ వస్తోంది. పుతిన్ తాజా ప్రకటనతో 2016 నాటి కనిష్టానికి చేరుకుంది.

Gold and Silver rates Today| పడిపోయిన పసిడి ధరలు.. స్థిరంగా కొనసాగుతున్న వెండి

గత కొన్నిరోజులుగా బంగారం, వెండి ధరలు రోజు రోజుకు క్రమంగా పెరుగుతూ షాక్ ఇస్తున్నాయి. ముఖ్యంగా పసిడి ఇటీవల కాలంలో నిత్యం పెరుగుతూ వినియోగదారులకు అందని ద్రాక్షగా మారింది. అయితే నిన్నటితో(బుధవారం) పోలిస్తే నేడు(గురువారం-2022 ఫిబ్రవరి 24) బంగారం ధర కాస్త తగ్గింది. ప్రస్తుతం 22 క్యారెట్ల 10 గ్రాముల పసిడి ధర రూ.46,000లుగా ఉంది. ఇదే 8 గ్రాముల బంగారం అయితే రూ.36,800లుగా ఉంది. 24 క్యారెట్ల 10 గ్రాముల బంగారం ధర వచ్చేసి 50,180లుగా ఉంది. 8 గ్రాముల 24 క్యారెట్ల పసిడి వచ్చేసి రూ.40,144లుగా కొనసాగుతుంది. మొత్తం మీద 22 క్యారెట్ల 10 గ్రాముల బంగారంపై రూ.2250లు, 24 క్యారెట్ల పసిడిపై రూ.280 వరకు ధర తగ్గింది.

<h2>నగరాల వారీగా బంగారం ధర..</h2>దేశ రాజధానీ దిల్లీలో 22 క్యారెట్ల 10 గ్రాముల పసిడి ధర రూ.46,260లుగా ఉండగా.. 24 క్యారెట్ల పసిడి రూ.50,180లుగా ఉంది. ముంబయిలో 22 క్యారెట్ల 10 గ్రాముల బంగారం 46,000లు ఉండగా.. 24 క్యారెట్ల పసిడి రూ.50,180లుగా ఉంది. చెన్నై నగరంలో 22 క్యారెట్ల 10 గ్రాముల పసిడి 47,350లు ఉండగా.. 24 క్యారెట్ల 10 గ్రాముల ధర వచ్చేసి రూ.51,660లుగా ఉంది. మిగిలిన నగరాలతో పోలిస్తే చెన్నైలో కాస్త ఎక్కువగా ఉంది. బెంగళూరులో 22 క్యారెట్ల 10 గ్రాముల బంగారం రూ.46,000లు ఉండగా.. 24 క్యారెట్ల ధర రూ.50,280లుగా ఉంది.

తెలుగు రాష్ట్రాల్లో బంగారం ధర ఈ విధంగా ఉంది. హైదరాబాద్‌లో 22 క్యారెట్ల 10 గ్రాముల ధర రూ.46,000లుగా ఉండగా.. 24 క్యారెట్ల ధర వచ్చేసి రూ.50,180ల వద్ద కొనసాగుతుంది. విజయవాడలో 22 క్యారెట్ల 10 గ్రాముల పసిడి రూ.46,000లు ఉండగా.. 24 క్యారెట్ల ధర రూ.50,180లుగా ఉంది. విశాఖపట్నంలో 22 క్యారెట్ల ధర రూ.45,000లు ఉండగా.. 24 క్యారెట్ల ధర రూ.50,180లుగా కొనసాగుతుంది.

దేశీయంగా కిలో వెండి ధర స్థిరంగా కొనసాగుతోంది. దిల్లీలో కేజీ వెండి ధర రూ.64,300ల వద్ద కొనసాగుతుంది. చెన్నైలో కిలో రూ.69,000లు ఉండగా.. బెంగళూరులో మాత్రం కిలో వెండి రూ.70,000లుగా ఉంది. హైదరాబాద్‌లో కిలో వెండి ధర రూ.70,000లు, విజయవాడలో రూ.70,000లు, విశాఖపట్నంలోనూ రూ.70,000లుగా ఉంది.

<ul><li>ఈ రోజు(ఫిబ్రవరి 24) బంగారం ధర కాస్త తగ్గింది. ఇదే సమయంలో వెండి మాత్రం స్థిరంగా కొనసాగుతోంది. 22 క్యారెట్ల 10 గ్రాముల బంగారంపై రూ.250 తగ్గి 46,000లు చేరుకోగా.. 24 క్యారెట్ల బంగారంపై రూ.284లు తగ్గి రూ.50,180లకు చేరింది.</li></ul>

Business

జాతీయ మరియు అంతర్జాతీయ వార్తలు : Get all National and international news in Telugu related to Sports, Crime, Entertainment, Social, Politics, etc., only at Hindustan Times Telugu.