Hyderabad Top 10 Billionaires : హైదరాబాద్‌లోని టాప్ 10 బిలియనీర్లు వీళ్లే

తెలంగాణ, ఆంధ్రప్రదేశ్(Andhra Pradesh) నుండి 79 మంది వ్యక్తులు ఈ జాబితాలో స్థానాలను కైవసం చేసుకున్నారు. వీరిలో 64 మంది హైదరాబాద్‌కు చెందిన వారు. మురళీ దివి, దివీస్ లేబొరేటరీస్‌కు చెందిన కుటుంబ ప్రమోటర్లు రూ.56,200 కోట్ల సంపదతో ఏపీ, తెలంగాణ(Telangana)లో అగ్రస్థానంలో ఉన్నారు. హెటిరోకు చెందిన పార్థసారధి రెడ్డి రూ. 39,200 కోట్లతో తర్వాతి స్థానంలో ఉన్నారు. రూ. 16,000 కోట్లతో ఎంఎస్‌ఎన్ ల్యాబ్‌లకు చెందిన ఎం.సత్యనారాయణ రెడ్డి జాబితాలో ఉన్నారు..

బయోలాజికల్ ఈ(Biological E)కి చెందిన మహిమ దాట్ల తెలంగాణ, ఆంధ్రప్రదేశ్‌లలో అత్యంత ధనిక మహిళగా ఉన్నారు. రూ.8,700 కోట్లతో ఆమె తెలంగాణ, ఆంధ్రప్రదేశ్‌లలో బిలియనీర్ల జాబితాలో 10వ స్థానాన్ని కైవసం చేసుకున్నారు. హురున్, ఐఐఎఫ్ఎల్(IIFL) సంపద చేసిన విశ్లేషణ ప్రకారం ఆంధ్రప్రదేశ్ మరియు తెలంగాణలలో రిచ్ లిస్టర్ల సంపద రూ. 3,90,500 కోట్లుగా ఉంది.

మై హోమ్ ఇండస్ట్రీస్(My Home Industries) అధినేత జూపల్లి రామేశ్వరరావు, ఆయన కుటుంబం రూ.13,300 కోట్లతో ఐదో స్థానంలో ఉన్నారు. మేఘా ఇంజినీరింగ్ అండ్ ఇన్ఫ్రాస్ట్రక్చర్స్ పీపీ.రెడ్డి రూ.12600 కోట్లతో ఆరోస్థానంలో ఉన్నారు. మేఘా ఇంజినీరింగ్ అండ్ ఇన్ఫ్రాస్ట్రక్చర్స్ పీవీ కృష్ణారెడ్డి(PV Krishna Reddy) రూ.12100 కోట్లతో ఏడో స్థానం దక్కింది. డాక్టర్ రెడ్డీస్ లాబోరేటరీస్ కే.సతీశ్ రెడ్డి, ఆయన కుటుంబం రూ.11300 కోట్లతో ఎనిమిదో స్థానంలో ఉన్నారు. సువెన్ ఫార్మాసూటికల్స్(Suven pharmaceuticals) వెంకటేశ్వర్లు జాస్తి, ఆయన కుటుంబం తొమ్మిదో స్థానంలో రూ.9000 కోట్లతో కొనసాగుతున్నారు.