Viral : పిడకలు కొట్టడం ఒక ఆర్ట్ అయితే​.. ఈ మహిళ అద్భుతమైన ఆర్టిస్ట్​!

Viral : ఓ మహిళ.. ఆవు పేడతో గోడకు పిడకలు కొడుతున్న వీడియో ఒకటి సామాజిక మాధ్యమాల్లో వైరల్​గా మారింది. ఇందులో కొత్త విషయం ఏముంది? అని అంటారా? పిడకలు కొట్టడం విషయం కాదు.. కొడుతున్న తీరులోనే ఉంది విషయం అంతా!

ఛత్తీస్​గఢ్​కు చెందిన ఐఏఎస్​ అధికారి అవనీష్​ శరన్​ ఈ వీడియోను ట్వీట్​ చేశారు. వీడియోలో ఓ మహిళ పిడకలు కొడుతోంది. పెద్ద గోడలో పైకి పిడకలు కొడుతోంది. సరైన క్రమంలో ఆ పిడకలు గోడకు అంటుకుపోతున్నాయి. అచ్చం.. బాస్కెట్​ బాల్​లో ప్లేయర్లు చేసినట్టే! అయితే ఇక్కడ ఎత్తు మాత్రం ఇంకా ఎక్కువగానే ఉండటం ఆశ్చర్యకరం.

'భారత్​ బాస్కెట్​ బాల్​ టీమ్​.. ఈ మహిళ కోసం వెతుకుతోంది,' అని ఫన్నీగా కామెంట్​ పెట్టారు ఆ ఐఏఎస్​ అధికారి.

ఈ వీడియో సామాజిక మాధ్యమాల్లో వైరల్​గా మారింది. ట్విట్టర్​లో ఈ వీడియోకు 1.5మిలియన్​ వ్యూస్​, 48000 లైక్స్​ వచ్చాయి.

'అద్భుతం','ఇలాంటి టాలెంట్లు ఇంకా చాలా ఉన్నాయి. వాటిని వెలికితీయాలి' అని కామెంట్లు పెడుతున్నారు నెటిజన్లు.

సామాజిక మాధ్యమాల్లో వైరల్​గా మారిన వీడియోను ఇక్కడ చూడండి:

దేశంలో పిడకలను అనాదిగా ఉపయోగిస్తూనే ఉన్నారు. కర్ణాటకలో ఏకంగా ఓ పండుగే ఉంది. గోరెహబ్బ ప్రాంతంలో పండుగ సమయంలో ప్రజలు పిడకలతో ఒకరిని ఒకరు కొట్టుకుంటారు!