JEE Advanced 2024 : నేడు జేఈఈ అడ్వాన్స్​డ్​ రిజిస్ట్రేషన్​ ప్రక్రియ షురూ- ఇలా అప్లై చేసుకోండి..

JEE advanced 2024 registration date : జేఈఈ అడ్వాన్స్​డ్​ 2024 రిజిస్ట్రేషన్​ ప్రక్రియను.. శనివారం, ఏప్రిల్ 27, 2024న ప్రారంభించనుంది ఐఐటీ మద్రాస్. ఐఐటీ జేఈఈకి దరఖాస్తు చేసుకోవాలనుకునే అభ్యర్థులు jeeadv.ac.in జేఈఈ అడ్వాన్స్ డ్ అధికారిక వెబ్​సైట్​లో డైరెక్ట్ లింక్​ను చూడవచ్చు. సాయంత్రం 5 గంటలకు రిజిస్ట్రేషన్ లింక్ యాక్టివేట్ అవుతుందని అభ్యర్థులు గుర్తుపెట్టుకోవాలి.

ఐఐటీ జేఈఈ పరీక్షకు దరఖాస్తు చేసుకోవడానికి.. జేఈఈ (మెయిన్) 2024 బీఈ/బీటెక్ పేపర్​లో టాప్ 2,50,000 మంది (అన్ని కేటగిరీలతో సహా) అభ్యర్థుల్లో ఒకరుగా ఉండాలి. అభ్యర్థులు అక్టోబర్ 1, 1999 తర్వాత జన్మించి ఉండాలి. ఎస్సీ, ఎస్టీ, దివ్యాంగులకు ఐదేళ్ల వయోపరిమితి సడలింపు ఉంటుంది. అంటే ఈ అభ్యర్థులు 1994 అక్టోబర్ 1 లేదా ఆ తర్వాత జన్మించి ఉండాలి.

జేఈఈ అడ్వాన్స్ డ్ 2024: ఇలా రిజిస్టర్ చేసుకోడి..

JEE advanced 2024 application last date : ఆన్​లైన్​లో దరఖాస్తు చేసుకోవాలనుకునే అభ్యర్థులు.. ఈ కింద చెప్పిన స్టెప్స్ ఫాలో అవ్వాల్సి ఉంటుంది.

• స్టెప్​ 1:- jeeadv.ac.in జేఈఈ అడ్వాన్స్​డ్​ అధికారిక వెబ్​సైట్​ని సందర్శించండి.
• స్టెప్​ 2:- హోమ్ పేజీలో అందుబాటులో ఉన్న జేఈఈ అడ్వాన్స్​డ్​ 2024 లింక్​పై క్లిక్ చేయండి.
• స్టెప్​ 3:- అభ్యర్థులు ఆన్​లైన్​ రిజిస్టర్ చేసుకునేందుకు కొత్త పేజీ ఓపెన్ అవుతుంది.

ఇదీ చూడండి:- Two CBSE board exams: 2025 నుంచి రెండు సార్లు సీబీఎస్ఈ బోర్డు పరీక్షలు!; విధివిధానాలపై కసరత్తు

• స్టెప్​ 4:- రిజిస్ట్రేషన్ పూర్తయిన తర్వాత అకౌంట్లోకి లాగిన్ అవ్వాలి.
• స్టెప్​ 5:- అప్లికేషన్ ఫామ్ నింపి అప్లికేషన్ ఫీజు చెల్లించాలి.
• స్టెప్​ 6:- సబ్మిట్​పై క్లిక్ చేసి పేజీని డౌన్​లోడ్ చేసుకోండి.
• స్టెప్​ 7:- తదుపరి అవసరాల కోసం దాని హార్డ్ కాపీని తీసి పెట్టుకోండి.

JEE advanced 2024 exam date : మహిళా అభ్యర్థులు, ఎస్సీ, ఎస్టీ, దివ్యాంగులకు రిజిస్ట్రేషన్ ఫీజు రూ.1600. భారతీయులైన ఇతర అభ్యర్థులకు రూ.3200. ఆన్​లైన్​లోనే ఫీజును చెల్లించాల్సి ఉంటుంది.

ఆన్​లైన్​ ద్వారా దరఖాస్తులు పూర్తి చేసేందుకు చివరి తేదీ 7 మే 2024. రిజిస్టర్ చేసుకున్న అభ్యర్థులు ఫీజు చెల్లించడానికి చివరి తేదీ మే 10, 2024. మరిన్ని వివరాలకు అభ్యర్థులు జేఈఈ అడ్వాన్స్​డ్ అధికారిక వెబ్ సైట్ ను చూడవచ్చు.

త్వరలో సీబీఎస్​ఈ ఫలితాలు..!

CBSE results 2024 : సీబీఎస్​ఈ 10వ తరగతి పరీక్షల ఫలితాలు, సీబీఎస్​ఈ 12వ తరగతి పరీక్షల ఫలితాల కోసం విద్యార్థుల నిరీక్షణ కొనసాగుతోంది. ఫలితాల విడుదలపై సెంట్రల్​ బోర్డ్​ ఆఫ్​ సెకండరీ ఎడ్జ్యుకేషన్​ సీబీఎస్​ఈ.. ఇంకా ఎలాంటి అధికారిక ప్రకటన చేయనప్పటికీ.. త్వరలోనే ఫలితాలు వెలువడే అవకాశం ఉన్నట్టు తెలుస్తోంది. పాత ట్రెండ్స్​ని పరిశీలిస్తే.. సీబీఎస్​ఈ ఫలితాలు.. ఏప్రిల్​- మేలో విడుదలవుతాయి. డేట్​, టైమ్​ వివరాలను సీబీఎస్​ఈ ప్రకటించాల్సి ఉంది. ఈ నేపథ్యంలో సీబీఎస్​ఈ క్లాస్​ 10, క్లాస్​ 12 ఫలితాలకు సంబంధించిన పూర్తి వివరాలను తెలుసుకునేందుకు ఇక్కడ క్లిక్​ చేయండి.