Love Yourself | మిమ్మల్ని మీరు ప్రేమించుకోండి.. మీ జీవితంలో ఆనందానికి ఇదే మూలం!
15 February 2023, 20:01 IST
- Love Yourself: మీరు ఒకరిని ప్రేమించే ముందు మిమ్మల్ని మీరు ప్రేమించుకోండి. తమని తాము ప్రేమించుకునే వ్యక్తులు జీవితంలో ఎలా ఆనందంగా ఉంటారో తెలుసుకోండి.
Love Yourself
Love Yourself: ఒకరిని ప్రేమించడం గొప్ప అనుభూతి అయితే, వారి ప్రేమను తిరిగి పొందటం అనేది నిజంగా గొప్ప అదృష్టం. ఇద్దరూ కలిసి ఒక్కటిగా జీవించాలకోవడంలో తప్పులేదు, కానీ ఇద్దరి మధ్య ఆరోగ్యకరమైన బంధం అనేది ఏర్పడాలి. అందుకోసం ఇద్దరూ ఒకరినొకరు అమితంగా ప్రేమించుకోవాలి, ఒకరిపై ఒకరు శ్రద్ధ వహించాలి, ఒకరి మంచి చెడులపై ఒకరికి అవగాహన కలిగి ఉండాలి, కష్టసుఖాల్లో పాలు పంచుకోవాలి, కష్టనష్టాలు ఎలాంటివి ఎదురైనా వెరవకుండా సమిష్టిగా ముందుకు సాగాలి. అప్పుడే ఏ బంధం అయినా దీర్ఘకాలం పాటు కొనసాగుతుంది.
కానీ మీరు మరొకరిని ప్రేమించే ముందు మిమ్మల్ని మీరు ప్రేమించుకోవడం మొదలుపెట్టాలి. ఏ మనిషి అయినా, తనని తాను ప్రేమించుకోవడం మొదలుపెట్టినప్పుడే జీవితంలో నిజంగా ప్రేమ అంటే ఏమిటో అర్థం చేసుకోగలడు.
మనల్ని మనం ప్రేమించుకున్నప్పుడు మన అవసరాలకు ప్రాధాన్యతనిస్తాం, మన తప్పొప్పులపై మనకు అవగాహన ఉంటుంది. మనల్ని మనం ఎక్కడ మార్చుకోవాలో గుర్తించడం సులభం అవుతుంది. మనకోసం మనం ఏం చేస్తే ఆనందంగా ఉండగలమో తెలుస్తుంది. ఇంకా మనకు ఏ విధంగా ప్రయోజనం చేకూరుతుంది? Self Love Benefits తెలుసుకోండి ఇక్కడ.
ఆనందానికి మూలం
మన యోగక్షేమాలు మన ఆనందానికి కీలకం. మనసు ఆరోగ్యంగా ఉంటే మిగతావన్నీ తేలికవుతాయి. ఇది మనల్ని మనం అంగీకరించడానికి, మనపై మనమే ప్రేమ, కరుణ భావాలను పెంపొందించడానికి సహాయపడుతుంది. ఇది ఇతరులపై అంచనాలు పెట్టుకోకుండా మీకు సహాయపడుతుంది. ఇతరుల నుంచి ప్రేమ లభించడం లేదని మీరు నిందించరు. ఎందుకంటే మీరు ఆత్మసంతృప్తితో ఉంటారు.
స్వతంత్రంగా జీవించాలి
మనం ఏ సంబంధంలో ఉన్నా, మనల్ని మనం స్వతంత్రంగా ఉంచుకోవడం ముఖ్యం, మనం స్వతంత్రంగా భావించినప్పుడు మాత్రమే ఇతర సంబంధాలతో మనల్ని మనం ఎలా ఫ్రేమ్ చేసుకోవాలో అర్థం అవుతుంది. మీరు ఎదుటి వారికి కూడా ఆ స్వేచ్ఛ, స్వతంత్రాలను కల్పించగలుగుతారు. దీంతో మీ భాగస్వామి కూడా ఏ విషయమైనా మీతోనే పంచుకుంటారు. ఏదీ మీ వద్ద దాచిపెట్టరు.
లక్ష్యాన్ని రూపొందించడానికి
మీరు సంతోషంగా ఉంటే, మీతో ఉన్నవారు సంతోషంగా ఉండగలుగుతారు. మీరు మీ భాగస్వామికి సంతోషంగా ఉంచుతున్నపుడు మిమ్మల్ని ఏ శక్తి ఆపలేదు. మన అంతరాత్మకు ఏది సరైనదో దానినే ఏ మాత్రం సంకోచం లేకుండా ఎంచుకుంటాం. జీవితంలో మన లక్ష్యాలను చేరుకోకుండా ఎవరూ అడ్డుకోలేరు. ఇది మనలోని డైనమిక్ భావాన్ని మేల్కొలిపి బాహ్య ప్రవర్తనలో మార్పుకు దారితీస్తుంది.
అర్థవంతమైన సంబంధాలు
మన సామర్థ్యాన్ని, మన భావోద్వేగాలను గ్రహించినపుడు మనం ఎంచుకునే బంధాలపైన స్పష్టత వస్తుంది. మీకు స్పష్టత ఉంటే మీ జీవితంలోకి సరైన వారే వస్తారు. మీ జీవిత భాగస్వామి, మీ స్నేహితులు, మీ శ్రేయోభిలాషులు ఇలా అందరితో అర్థవంతమైన సంబంధాలను కొనసాగించవచ్చు.