Tiger Nageswara Rao concept video: పులుల్ని వేటాడే పులిని చూశారా.. టైగర్ నాగేశ్వర రావు కాన్సెప్ట్ వీడియో అదుర్స్
24 May 2023, 15:49 IST
- Tiger Nageswara Rao concept video: పులుల్ని వేటాడే పులిని చూశారా.. టైగర్ నాగేశ్వర రావు కాన్సెప్ట్ వీడియో అదుర్స్ అనిపించేలా ఉంది. రవితేజ ఫస్ట్ లుక్ కూడా మేకర్స్ రిలీజ్ చేశారు.
టైగర్ నాగేశ్వర రావు మూవీలో రవితేజ
Tiger Nageswara Rao concept video: ప్రతిష్టాత్మకంగా తెరకెక్కుతున్న మరో పాన్ ఇండియా మూవీ టైగర్ నాగేశ్వరరావు. ఈ మధ్య విలన్లను హీరోలుగా చూపించే సినిమాలు ఎక్కువవుతున్న నేపథ్యంలో ఈ మూవీ కూడా ఇండియాలోనే అతి పెద్ద దొంగ జీవిత కథ ఆధారంగా తెరకెక్కింది. స్టువర్ట్ పురంలో ఒకప్పుడు గడగడలాడించిన టైగర్ నాగేశ్వరరావు పాత్రలో రవితేజ నటించాడు.
తాజాగా ఈ మూవీ నుంచి బుధవారం (మే 24) రవితేజ ఫస్ట్ లుక్, కాన్సెప్ట్ వీడియో రిలీజైంది. కార్తికేయ 2, ది కశ్మీర్ ఫైల్స్ లాంటి సూపర్ డూపర్ హిట్ సినిమాలు అందించిన అభిషేక్ అగర్వాల్ ఆర్ట్స్ బ్యానరే ఈ సినిమాను తెరకెక్కించింది. ఈ తాజాగా వీడియోను కూడా చాలా పవర్ఫుల్ గా ప్రేక్షకుల ముందుకు తీసుకొచ్చారు. రాజమండ్రిలోని హ్యావెలాక్ బ్రిడ్జ్ పై ఈ మూవీ కాన్సెప్ట్ వీడియోలో రిలీజ్ చేయడం విశేషం.
దీనికోసమే ప్రత్యేకంగా ఓ రైలును కూడా అద్దెకు తీసుకున్నారు. ఈ కాన్సెప్ట్ వీడియోతోపాటు ఫస్ట్ లుక్ లో రవితేజ కూడా అసలుసిసలు టైగర్ లా ఉన్నాడు. మూవీ తెరకెక్కుతున్న స్టువర్ట్పురంలోని టైగర్ నాగేశ్వర రావు గురించి చెబుతూ ఈ కాన్సెప్ట్ వీడియో సాగుతుంది. ఈ సందర్భంగా సౌతిండియా క్రైమ్ క్యాపిటల్ గా స్టువర్ట్పురంను పరిచయం చేశారు.
మేకల్ని వేటాడు పులులను చూసుంటారు.. కానీ పులుల్నే వేటాడే పులిని చూశారా అనే రవితేజ డైలాగ్ తో ఈ వీడియో ముగుస్తుంది. కానీ కాన్సెప్ట్ వీడియలో మాత్రం చాలా ఇంట్రెస్టింగ్ గా ఉంది. ఈ వీడియోకు తెలుగులో వెంకటేశ్ వాయిస్ ఓవర్ ఇచ్చాడు. ఇక హిందీలో జాన్ అబ్రహాం, కన్నడలో శివ రాజకుమార్, తమిళంలో కార్తీ, మలయాళంలో దుల్కర్ సల్మాన్ లు వాయిస్ అందించారు.
ఈ ఐదు భాషల్లో టైగర్ నాగేశ్వరరావు రిలీజ్ కాబోతోంది. 1970ల్లో స్టువర్ట్పురంలో ఇండియాలోనే అతిపెద్ద దొంగగా పేరుగాంచిన వ్యక్తి చుట్టూ తిరిగే కథ ఇది. చీకటి కూడా ఆ ఊరి వాళ్లను చూసి జడుసుకుంటుందంటూ వాయిస్ ఓవర్ సాగుతుంది. దానినే టైగర్ జోన్ అని కూడా పిలుస్తారని చెబుతారు. ఈ మూవీ అక్టోబర్ 20న రిలీజ్ కానుంది.