Bigg Boss Finalist: మొన్న రోహిణి, నిన్న అవినాష్.. నోరు జారినోడిపైనే గెలిచారు.. బిగ్ బాస్ ఫైనల్స్‌కి వెళ్లారు!
28 November 2024, 6:44 IST
Share
- Bigg Boss Telugu 8 Ticket To Finale Finalists: బిగ్ బాస్ తెలుగు 8 టికెట్ టు ఫినాలే రేస్‌లో ఊహించని కంటెస్టెంట్స్ అర్హత సాధిస్తున్నారు. దాంతో అప్పటివరకు కండబలం ఉందని విర్రవీగి నోరు జారిన వారు చతికిల పడిపోతున్నారు. అలా మొన్న రోహిణి, నిన్న అవినాష్ టికెట్ టు ఫినాలే సాధించి బిగ్ బాస్ ఫైనల్స్‌కు వెళ్లారు.
మొన్న రోహిణి, నిన్న అవినాష్.. నోరు జారినోడిపైనే గెలిచారు.. బిగ్ బాస్ ఫైనల్స్‌కి వెళ్లారు!
Bigg Boss 8 Telugu Ticket To Finale Finalists: బిగ్ బాస్ షోలోని కంటెస్టెంట్స్‌కు ఎంతోమందికి గుణపాఠంగా మారుతుంది. కొంతమందికి విశ్వాసం నింపితే ఓవర్ కాన్ఫిడెన్స్‌తో రెచ్చిపోయే మరికొంతమందికి ఊహించని గుణపాఠం రుచి చూపిస్తుంది. అలా బిగ్ బాస్ తెలుగు 8లో ఊహించని సంఘటలను ఎదురయ్యాయి.
రోహిణిపై బాడీ షేమింగ్
బిగ్ బాస్ 8 తెలుగుకి ఒక కంటెస్టెంట్‌గా వచ్చిన పృథ్వీ ఎంత యారగంట్‌గా, పొగరుగా ఉంటాడో షో చూసినవాళ్లందరికి తెలుసు. ముఖ్యంగా రోహిణి, బేబక్క లాంటి వాళ్లను దాదాపుగా బాడీ షేమింగ్ చేశాడు. ఓ వారం నామినేషన్స్‌లో అయితే రోహిణిని జీరో అని, ఎక్కువ పరుగెత్తలేవు, నీ వల్ల కాదు అంటూ కింది నుంచి పై దాకా చూసి బాడీ షేమింగ్ చేశాడు.
కోటింగ్ ఇవ్వని నాగార్జున
అలాంటి పృథ్వీపైనే రోహిణి బిగ్ బాస్ తెలుగు 8 ఆఖరి మెగా చీఫ్‌గా గెలిచింది. చివరి వరకు అతనిపైనే పోటీ పడి తానేం తక్కువ కాదని నిరూపించి పృథ్వీ మేల్ ఇగోను చంపేసింది. రోహిణి విజయంతో ఒక్కసారిగా కుప్పకూలిపోయి కుమిలిపోయాడు పృథ్వీ. ఆ తర్వాత పృథ్వీ ఏమైనా మారాడా అంటే లేదు. పృథ్వీ మారడానికి హోస్ట్ నాగార్జున ఏమైనా కోటింగ్ ఇస్తే కదా. గౌతమ్ గొడవను హైలెట్ చేస్తూ అతనిపైన పడ్డాడు.
రెండు సార్లు మెగా చీఫ్
ఇదిలా ఉంటే, బిగ్ బాస్ 8 తెలుగు 13వ వారం నామినేషన్స్‌లో అవినాష్‌పై కూడా నోరు జారాడు పృథ్వీ. అప్పటికే రెండు సార్లు మెగా చీఫ్ అయిన అవినాష్‌ను అతను కేవలం ఎంటర్టైన్మెంట్ మాత్రమే ఇస్తున్నాడని, ఎప్పుడో ఎలిమినేట్ కావాల్సింది నబీల్ వల్ల, లక్ వల్ల హౌజ్‌లో ఉన్నావని తక్కువ చేసి మాట్లాడాడు పృథ్వీ. కట్ చేస్తే ఏమైంది, అదే పృథ్వీపై టికెట్ టు ఫినాలే టాస్క్ గెలిచి బిగ్ బాస్ ఫైనల్స్‌కు వెళ్లిన రెండో కంటెస్టెంట్‌గా నిలిచాడు అవినాష్.
టికెట్ టు ఫినాలేలోకి
టికెట్ టు ఫినాలే రేస్‌లో వరుసగా టాస్క్‌లు గెలిచి మొదటి ఫైనలిస్ట్‌గా మొన్న రోహిణి సత్తా చాటింది. ఇక నిన్న వరుసగా సుడోకు, క్రికెట్ బోర్డ్ రెండు టాస్క్‌ల్లో విజయం సాధించి అవినాష్ రెండో టికెట్ టు ఫినాలే కంటెస్టెంట్‌గా నిలిచాడు. ఈ రేస్‌లో అవినాష్, ప్రేరణ, పృథ్వీ, నబీల్ పాల్గొన్నారు. వీరితో అంటే పృథ్వీతో కూడా పోటీ పడి బిగ్ బాస్ తెలుగు 8 టికెట్ టు ఫినాలే సాధించాడు అవినాష్.
ఇద్దరు కమెడియన్స్
కమెడియన్స్‌గా వినోదం అందించడమే కాదు ఫిజికల్ టాస్క్‌ల్లో సత్తా చాటి అతి ముఖ్యమైన మెగా చీఫ్, టికెట్ టు ఫినాలేను అందుకున్నారు రోహిణి, అవినాష్. అది కూడా తమపై చిన్నచూపు చూస్తూ తప్పుగా నోరు జారిన పృథ్వీపైనే గెలిచి కర్మ రిటన్స్ అనేదానికి జస్టిఫికేషన్ ఇచ్చారు. బిగ్ బాస్ 8 తెలుగు ఫైనల్స్‌కు వెళ్లిన కంటెస్టెంట్స్‌గా నిలిచారు. ఇక టికెట్ టు ఫినాలేలో పాల్గొనకుండా విష్ణుప్రియ, నబీల్‌కు బ్లాక్ బ్యాడ్జీలు వచ్చాయి.
టాపిక్