Bigg Boss Vishnupriya: నిఖిల్‌తో అవ్వలేదని పృథ్వీకి ట్రై చేశానన్నావ్.. విష్ణుప్రియ బండారం బయటపెట్టిన రోహిణి (వీడియో)

Bigg Boss 8 Telugu Today Episode Highlights: బిగ్ బాస్ తెలుగు 8 సీజన్ మరింత ఆసక్తికరంగా సాగుతోంది. హౌజ్‌లో ఫైనల్ మెగా చీఫ్ ఛాలెంజ్ ఇంకా జరుగుతూనే ఉంది. బిగ్ బాస్ తెలుగు 8 ఆఖరి మెగా చీఫ్ టాస్క్ మూడో రోజుకు చేరుకుంది. ఈ క్రమంలో ఇచ్చిన ఛాలెంజ్‌లో యాంకర్ విష్ణుప్రియ లవ్ ట్రాక్ బండారన్ని బయటపెట్టేసింది జబర్దస్త్ రోహిణి.

విశ్వక్ సేన్ తీసుకొచ్చిన ఆటో

బిగ్ బాస్ తెలుగు 8 నవంబర్ 22 ఎపిసోడ్‌ ప్రోమో వీడియోలో మెగా చీఫ్ అవ్వడానికి బిగ్ బాస్ ఇస్తున్న టాస్క్ ఆటోలో ప్రయాణం అని అనౌన్స్‌మెంట్ వినిపించింది. గత ఎపిసోడ్‌లో విశ్వక్ సేన్ తీసుకొచ్చిన ఆటోలో మెగా చీఫ్ కంటెండర్స్‌గా ఉన్న యష్మీ, పృథ్వీ, టేస్టీ తేజ, విష్ణుప్రియ, రోహిణి పోటీ పడ్డారు.

వీరంతా ఆటోలో ఉంటారు. "ఈ టాస్క్‌లో గెలవడానికి మిమ్మల్మి మీరు రక్షించుకుంటూ చివరి వరకు ఆటోలో నుంచి దిగకుండా ఉండటం" అని బిగ్ బాస్ చెప్పాడు. దీనికి సంచాలక్‌గా నబీల్ వ్యవహరించాడు. ముందు రోహిణిని తోసేయ్ అని పృథ్వీతో అరిచింది విష్ణుప్రియ. కానీ, తేజ ఈజీగా ఉండటంతో అతన్ని ఆటోలో నుంచి నెట్టారు. దాంతో తేజ టాస్క్ నుంచి అవుట్ అయిపోయాడు.

ఎమోషనల్ అవ్వకు

తర్వాత యష్మీ, విష్ణుప్రియ, పృథ్వీ కలిసి రోహిణిని ఆటోలో నుంచి దిగేలా చేశారు. దాంతో రోహిణి అవుట్ అయింది. మీ ముగ్గురిలో ఎవరు ఎవరిని తోసుకుంటారో చూస్తాను అంటూ రోహిణి వెళ్లిపోయింది. తర్వాత విష్ణుప్రియ, పృథ్వీ కలిసి యష్మీని తోసేసారు. దాంతో యష్మీ తెగ ఫీల్ అయిపోయింది. "నేను నిన్ను తోయకుండా సపోర్ట్ చేశా" అని యష్మీ అంటే.. "ఎమోషనల్ అవ్వకు ఇది జస్ట్ గేమ్" అని పృథ్వీ చెప్పాడు.

"నీకు కృతజ్ఞత ఉంది. హెల్ప్ చేస్తాను అన్నావ్. మరి ఆ మాట ఎందుకు అన్నావ్. నీకు తెలియదా అది గేమ్ అని. ఆడండి గేమ్. నన్ను ఎలా పుష్ చేశావో బయటకు. తనను కూడా పుష్ చేసి తీసుకో పాయింట్ నువ్. హౌజ్ మొత్తం చూడాలి మీ ఇద్దరి గేమ్" అని యష్మీ అంది. ఆ వెంటనే "వాళ్లిద్దరు ఎందుకు ఆడతారు" అని రోహిణి అంది. దాంతో విష్ణుప్రియ ఫైర్ అయింది.

వేలు చూపిస్తూ

"రోహిణి ఇందాకటి నుంచి మాట్లాడుతున్నావ్. నీది నువ్ చూసుకో" అని విష్ణుప్రియ అంది. "ఏం చేశాను నేను" అని రోహిణి అడిగింది. "నీ క్యారెక్టర్ ఏంటో తెలుస్తుంది ఇలా మాటలు మాట్లాడేటప్పుడు" అని విష్ణుప్రియ అంది. దాంతో రోహిణి ట్రిగ్గర్ అయింది. "క్యారెక్టర్ గురించి మాట్లాడకు చెబుతున్నా" అని వేలు చూపిస్తూ వార్నింగ్ ఇచ్చింది రోహిణి.

వర్కౌట్ కాలేదని

"నువ్వే చెప్పావ్. నువ్వే చెప్పావ్. ఫస్ట్ నిఖిల్‌కు ట్రై చేశా అవ్వలేదు. తర్వాత పృథ్వీకి ట్రై చేశాను అని. ఎవరు ప్లాన్ చేస్తున్నారు" అని అసలు విషయం బయటపెట్టింది రోహిణి. "ఇష్టమొచ్చినట్లు మాట్లాడకు" అని విష్ణుప్రియ అంటే.. "నువ్ మాట్లాడావ్. చెప్పింది గుర్తు తెచ్చుకో" అంటూ రోహిణి వెళ్లిపోయింది. అదంతా విన్న నిఖిల్ బిత్తరపోయి చూశాడు.

కట్ చేస్తే దీని గురించి విష్ణుప్రియ, రోహిణి గొడవ పెట్టుకున్నారు. "నామినేషన్స్‌లో లేవు. నువ్ దేని వల్ల ఇక్కడ ఉన్నావో నాకు తెలుసు అన్నావ్" అని విష్ణుప్రియ అంది. "నామినేషన్స్‌లో లేవు అన్నానా. అలా అనలేదు. క్యారెక్టర్ దగ్గర నన్ను డిస్టర్బ్ చేశావ్. క్యారెక్టర్ తెలుస్తుంది ఇక్కడ అన్నావ్. ఏం మాట్లాడుతున్నావో నోరు దగ్గర పెట్టుకుని మాట్లాడు. నేను ఏది క్రియేట్ చేయలేదు. నువ్ చెప్పిందే అలాగే మాట్లాడాను. నువ్ నోరు జారుతున్నావ్" అని రోహిణి గట్టిగా ఇచ్చుకుంది.

అసలు గేమ్ ఇదా?

దాంతో విష్ణుప్రియ వెళ్లిపోయింది. అయితే, ఇన్నిరోజులు పృథ్వీతో విష్ణుప్రియ నడిపిన లవ్ ట్రాక్ అంతా ప్లాన్ అని బండారం బయటపెట్టింది రోహిణి. ఇన్నాళ్లు పృథ్వీపై పిచ్చి ప్రేమతో విష్ణుప్రియ ఆటను పాడు చేసుకుంటుందని ఫీల్ అయిన ఆమె ఫ్యాన్స్‌కు ఇదే విష్ణుప్రియ అసలు గేమ్ అని తెలియడం పెద్ద షాకింగ్ న్యూస్ అని చెప్పొచ్చు.