Diesel in Petrol Car: పెట్రోల్ ఇంజిన్ ఉన్న కారులో డీజిల్ పోస్తే ఏమవుతుంది?
28 May 2023, 6:15 IST
- Diesel in Petrol Car: పెట్రోల్ కారులో డీజిల్ పోస్తే ఏమవుతుంది? అని మీకు ఎప్పుడైనా సందేహం కలిగిందా? అయితే సమాధానం ఇదే..!
పెట్రోల్ ఇంజిన్ ఉన్న కారులో డీజిల్ పోస్తే ఏమవుతుంది?
Diesel in Petrol Car: మీరు పెట్రోల్ ఇంజిన్ కారును వాడుతున్నారా? అందులో డీజిల్ పోస్తే ఏమవుతుంది? అని ఎప్పుడైనా ఆలోచించారా? అయితే దానికి సమాధానం ఇక్కడ తెలుసుకోండి..
ఫ్యూయెల్ కంబషన్ ప్రక్రియ ఏంటి?
పెట్రోల్ ఇంజిన్ వాహనాల్లో డీజిల్ పోస్తే ఏమవుతుంది? అని తెలుసుకునే ముందు.. అసలు వాటి పనితీరు గురించి తెలుసుకోవడం ముఖ్యం. సాధారణంగా ఐసీఈ (ఇంటర్నల్ కంబషన్ ఇంజిన్స్)లో పెట్రోల్ లేదా డీజిల్ని వినియోగిస్తారు. వీటి ప్రభావం ఒకే విధంగా ఉన్నప్పటికీ, వీటి కంబషన్ (కాలే ప్రక్రియ) ప్రక్రియలు మాత్రం చాలా భిన్నంగా ఉంటాయి. అందుకే ఇంధనం మారకూడదు.
పవర్ను జనరేట్ చేసేందుకు పెట్రోల్ ఇంజిన్ సిలిండర్స్లో 4 స్ట్రోక్ సైకిల్ ప్రక్రియ జరుగుతుంది. ఇంజిన్లోని ఇంటేక్ మేనిఫోల్డ్లో లేదా కంబషన్ ఛాంబర్లోకి ఫ్యూయెల్ ఇంజెక్ట్ చేస్తారు. అక్కడ అది గాలితో కలవడంతో కంబషన్ ప్రక్రియ జరుగుతుంది. ఆ మిశ్రమం చివరికి స్పార్క్ ప్లగ్తో ఇగ్నైట్ అవుతుంది. అలా జనరేట్ అయిన పవర్తో క్రాంక్షాఫ్ట్ తిరుగుతుంది.
పెట్రోల్- డీజిల్కు ఉన్న తేడా ఏంటి?
పెట్రోల్, డీజిల్లలో రసాయనాల కూర్పు, ఇగ్నీషన్ ప్రక్రియ, కంబషన్ లక్షణాలు, డెన్సిటీలు వేరువేరుగా ఉంటాయి. పెట్రోల్లో పవర్ను జనరేట్ చేయడం కోసం స్పార్క్ ప్లగ్ను వాడతారు. డీజిల్లో కంప్రెషన్ ఇగ్నీషన్ వాడతారు. దీని ఎనర్జీ ఔట్పుట్ ఎక్కువగా ఉంటుంది. ఫలితంగా ఎనర్జీ డెన్సిటీ ఎక్కువగా ఉంటుంది.
ఇదీ చూడండి:- How to minimize fuel bills : ఇంధన ఖర్చులు తగ్గించుకోవాలంటే.. ఇవి ట్రై చేయండి!
పెట్రోల్ కారులో డీజిల్ పోస్తే..
పెట్రోల్ కారులో డీజిల్ కలవడం సాధారణంగా జరగదు. కొన్నిసార్లు పొరపాటుగా అలా జరిగితే.. ఫ్యూయెల్ ఫిల్టర్ మూసుకుపోతుంది. డీజిల్కు ఉన్న థిక్నెస్ (మందం), గ్రీజీ ప్రాపర్టీని తట్టుకునే సామర్థ్యం పెట్రోల్ ఇంజిన్లకు ఉండకపోవడం ఇందుకు కారణం. ఇగ్నీషన్ పాయింట్ చాలా రెట్లు అధికంగా ఉండటంతో ఫ్యూయెల్కు కంబషన్ ప్రక్రియ జరగదు. ఫలితంగా అది ఇంజిన్ సిలిండర్లోనే ఉండిపోతుంది.
పెట్రోల్ కారులో డీజిల్ కలిస్తే ఏం చేయాలి?
Petrol car diesel car difference: ఫ్యూయెల్ ట్యాంక్ కెపాసిటీలో 5శాతం వరకు డీజిల్ కలిస్తే పర్లేదు! మిగిలిన ట్యాంక్ను పెట్రోల్తో నింపుకోవచ్చు. డీజిల్ పెట్రోల్లో కలిసిపోతుంది. కానీ మీరు వెంటనే సమీప సర్వీస్ సెంటర్కు వెళ్లాల్సి ఉంటుంది.
అయితే.. ఫ్యూయెల్ ట్యాంక్లో 5శాతం కన్నా ఎక్కువ డీజిల్ కలిస్తే మాత్రం కారును ఆపేయాల్సి ఉంటుంది. కారును స్టార్ట్ చేయకపోవడం ఉత్తమం. వెంటనే టోయింగ్ సర్వీస్ లేదా రోడ్సైడ్ అసిస్టెన్స్ సర్వీస్కు ఫోన్ చేయాల్సి ఉంటుంది. వారు మీ కారును సర్వీస్ సెంటర్కు తీసుకెళతారు.