RBI nod to Amazon Pay: ‘ఆమెజాన్ పే’ కు ఆర్బీఐ అనుమతులు; ఇకపై ఆ సేవలు కూడా..
15 February 2023, 20:38 IST
RBI nod to Amazon Pay: ఆమెజాన్ పే (Amazon Pay) సహా 32 కంపెనీలకు పేమెంట్ అగ్రిగేటర్స్ (payment aggregators) గా కార్యకలాపాలు నిర్వహించడానికి రిజర్వ్ బ్యాంక్ ఆఫ్ ఇండియా (RBI) అనుమతులు ఇచ్చింది.
ప్రతీకాత్మక చిత్రం
RBI nod to Amazon Pay: భారత్ లో డిజిటల్ పేమెంట్ విధానం విజయవంతంగా కొనసాగుతున్న నేపథ్యంలో ఆమెజాన్ పే (Amazon Pay) సహా 32 కంపెనీలకు పేమెంట్ అగ్రిగేటర్స్ (payment aggregators) గా కార్యకలాపాలు నిర్వహించడానికి రిజర్వ్ బ్యాంక్ ఆఫ్ ఇండియా (RBI) అనుమతులు ఇచ్చింది.
RBI nod to Amazon Pay: ఆర్బీఐ అనుమతి పొందిన సంస్థలు ఇవే..
ఆమెజాన్ పే తో పాటు జొమాటో పేమెంట్ (Zomato Payment), సీఏఎంఎస్ (CAMS), క్యాష్ ఫ్రీ పేమెంట్స్ (Cashfree Payments), గూగుల్ ఇండియా డిజిటల్ సర్వీసెస్ (Google India Digital Services), ఎన్ఎస్డీఎల్ డేటాబేస్ మేనేజ్ మెంట్ (NSDL Database Management), రేజర్ పే సాఫ్ట్ వేర్ (Razorpay Software) రిలయన్స్ పేమెంట్ సొల్యూషన్స్ (Reliance Payment Solutions) తదితర 32 సంస్థలకు పేమెంట్ అగ్రిగేటర్స్ (payment aggregators) గా కార్యకలాపాలు నిర్వహించుకోవడానికి ఆర్బీఐ అనుమతులు ఇచ్చింది.
RBI nod to Amazon Pay: పెండింగ్ లో 18 సంస్థలు
అలాగే, పేమెంట్ అగ్రిగేటర్ (payment aggregators) గా అనుమతులు కోరుతూ దరఖాస్తు చేసుకున్న 18 సంస్థల దరఖాస్తులను ఆర్బీఐ పరిశీలిస్తోంది. అలా పరిశీలన దశలో ఉన్న సంస్థల్లో భారతి పే సర్వీసెస్ (Bhartipay Services), గ్లోబల్ పేమెంట్స్ (Global Payments), లెట్జ్ పే సొల్యూషన్ (Letzpay Solution), ఫోన్ పే ప్రైవేట్ లిమిటెడ్ (PhonePe Private Limited) మొదలైనవి ఉన్నాయి.