Kids Height: మీ పిల్లలు పొడవు పెరగాలంటే వారికి కచ్చితంగా తినిపించాల్సిన నట్స్ ఇవే
పిల్లల డైట్ లో కొన్ని విషయాలు చేర్చుకుంటే వారి ఎత్తు ఎదుగుదలకు ఎంతగానో సహాయపడుతుంది. పొడవు పెంచడంతో పాటు వారి ఆరోగ్యాన్ని పూర్తిగా కాపాడే అలాంటి 5 విత్తనాల గురించి ఈ రోజు మనకు తెలుసు.
ఏ వ్యక్తి ఎత్తు అయినా అతని వ్యక్తిత్వంపై చాలా ప్రభావాన్ని చూపుతుంది. పొడవుగా ఉన్న వ్యక్తుల్లో బలమైన వ్యక్తిత్వం ఉంటుందని అధ్యయనాలు కూడా చెబుతున్నాయి. ఎత్తు వ్యక్తిత్వాన్ని ప్రభావితం చేయడమే కాదు, ఆత్మవిశ్వాసాన్ని కూడా పెంచుతుంది. అలాగని, ఎత్తు పెరగడం అనేది మన చేతుల్లో లేదు. ఇది శరీరంలోని హార్మోన్లపై, వారసత్వంపై ఆధారపడి ఉంటుంది. ఎవరి ఎత్తు ఎంత ఉంటుంది అనేది వారి తినే ఆహారం, వారి తల్లిదండ్రుల ఎత్తుపై కూడా ఆధారపడి ఉంటుంది. అయితే కొన్ని రకాల ఆహారాలను చిన్నప్పట్నించే పిల్లలకు తినిపిస్తే వారు ఎత్తు పెరిగే అవకాం ఉంది. పిల్లల ఎత్తును పెంచడంలో ఎంతగానో సహాయపడే కొన్ని నట్స్ గురించి ఇక్కడ చెప్పాము. వీటిని అయిదేళ్ల వయసు నుంచే తినిపించడ ప్రారంభించాలి.
చియా సీడ్స్
కాల్షియం, భాస్వరం, మెగ్నీషియం వంటి పోషకాలు అధికంగా ఉండే చియా విత్తనాలు ఆరోగ్య పరంగా అనేక విధాలుగా ప్రయోజనకరంగా ఉంటాయి. చియా విత్తనాలు పిల్లల ఎత్తును పెంచడానికి కూడా సహాయపడతాయి. పిల్లల ఆహారంలో చిన్నప్పటి నుండి చియా విత్తనాలను భాగం చేస్తే వారి ఎత్తు పెరగడానికి సహకరిస్తాయి. ఈ ఆరోగ్యకరమైన నట్స్ తినడం వల్ల ఎముకలు బలపడతాయి, అలాగే చర్మం మెరుస్తుంది.
సోయా బీన్స్
సోయాబీన్ మన శరీరానికి చాలా ఆరోగ్యకరమైనవి. వీటిలో ప్రోటీన్, కార్బోహైడ్రేట్, ఫైబర్, కాల్షియం పుష్కలంగా ఉన్నాయి. దీన్ని తీసుకోవడం వల్ల ఎముకలు బలపడతాయి. దీనితో పాటు, ఇవి ఎత్తు పెరగడానికి కూడా సహాయపడుతుంది. పిల్లలు మంచి ఎదుగుదల కోసం, వారు రోజంతా కనీసం 40 గ్రాముల సోయాబీన్ విత్తనాలను తినాలి.
నువ్వులు
నువ్వులు ఆరోగ్యానికి ఎంతో మేలు చేస్తాయి. దీన్ని అనేక విధాలుగా తినవచ్చు. ఇవే కాకుండా నువ్వుల నూనెను ఆహారంలో కూడా ఉపయోగిస్తారు. నువ్వుల్లో ప్రోటీన్, కాల్షియం, మెగ్నీషియం వంటి పోషకాలు పుష్కలంగా ఉండటం వల్ల శరీరాన్ని బలోపేతం చేస్తుంది. ఇవి ఎర్ర రక్త కణాలను పెంచుతాయి. అంతేకాకుండా నువ్వులు తినడం వల్ల శరీర రోగనిరోధక శక్తి కూడా బలపడుతుంది. నువ్వులను రెగ్యులర్ గా తీసుకోవడం వల్ల ఎత్తు కూడా పెరుగుతుంది.
గుమ్మడికాయ గింజలు
ప్రతి ఒక్కరూ గుమ్మడికాయ గింజలు తింటారు. కానీ గుమ్మడికాయ గింజలతో సంబంధం ఉన్న ప్రయోజనాల గురించి చాలా తక్కువ మందికి తెలుసు. వాస్తవానికి, గుమ్మడికాయ విత్తనాలలో కాల్షియం, మెగ్నీషియం పుష్కలంగా ఉంటాయి. ఇది శరీరంలోని ఎముకలకు చాలా ప్రయోజనకరంగా ఉంటుంది. ఇది కాకుండా, గుమ్మడికాయ విత్తనాలు ఎత్తు పెరగడానికి కూడా సహాయపడతాయి.
అవిసె గింజలు
ప్రోటీన్, ఫైబర్, ఒమేగా 3 ఆమ్లాలు అవిసె గింజల్లో పుష్కలంగా ఉన్నాయి. ఇవి మన శరీరానికి అలాగే చర్మం, జుట్టుకు చాలా ప్రయోజనకరంగా ఉంటాయి. అంతేకాదు పెరుగుతున్న వయస్సులో ఉన్న పిల్లలకు అవిసె గింజలు చాలా ప్రయోజనకరంగా ఉంటాయి. అవిసె గింజల నూనెతో శరీరానికి మర్దనా చేసినా ఎంతో ప్రయోజనకరంగా ఉంటుంది. ఇది ఎముకలను బలోపేతం చేస్తుంది. పిల్లల శారీరక అభివృద్ధిని వేగవంతం చేస్తుంది.
