Kannappa: కన్నప్ప రిలీజ్ డేట్ ఫిక్స్ - వ‌చ్చే ఏడాది థియేట‌ర్ల‌లోకి రానున్న మంచు విష్ణు పాన్ ఇండియ‌న్ మూవీ!
Tollywood:మంచు విష్ణు కన్నప్ప మూవీ రిలీజ్ డేట్‌ను ప్ర‌క‌టించారు. 25 ఏప్రిల్ 2025 విడుద‌ల‌కాబోతున్న‌ట్లు మంచు విష్ణు ప్ర‌క‌టించాడు. ఈ సినిమాలో ప్రభాస్, మోహ‌న్‌లాల్‌, అక్ష‌య్ కుమార్ కీల‌క పాత్ర‌ల్లో న‌టించారు.
Tollywood: విష్ణు మంచు కన్నప్ప మూవీ రిలీజ్ డేట్ ఫిక్స‌యింది. ఈ సినిమా విడుద‌ల తేదీనిఉజ్జయినీ మహాకాళేశ్వర్ దేవాలయంలో ప్ర‌క‌టించారు. 25 ఏప్రిల్ 2025న పాన్ ఇండియ‌న్ లెవెల్‌లో తెలుగు, త‌మిళం, మ‌ల‌యాళం, క‌న్న‌డ, హిందీ భాష‌ల్లో రిలీజ్ చేయ‌బోతున్న‌ట్లు ప్ర‌క‌టించారు.
మంచు విష్ణు, మోహ‌న్‌బాబు ప్ర‌ధాన పాత్ర‌ల్లో న‌టిస్తోన్న ఈ మూవీలో ప్రభాస్, మోహ‌న్‌లాల్‌, అక్ష‌య్ కుమార్, కాజ‌ల్ అతిథి పాత్ర‌ల్లో క‌నిపించ‌బోతున్నారు. మైథ‌లాజిక‌ల్ మూవీకి ముఖేష్ కుమార్ సింగ్ ద‌ర్శ‌క‌త్వం వ‌హిస్తోన్నాడు. మోహ‌న్‌బాబు ఈ సినిమాను ప్రొడ్యూస్ చేస్తోన్నాడు.
వంద కోట్ల బ‌డ్జెట్‌...
కన్నప్ప టీం ప్ర‌స్తుతం ద్వాదశ జ్యోతిర్లింగాలను దర్శించుకుంటోంది. . కన్నప్ప రిలీజ్ అయ్యేలోపు ఈ పన్నెండు జ్యోతిర్లింగాలను దర్శించుకుంటామని విష్ణు మంచు చెప్పారు. ఈ క్రమంలో ఉజ్జయినీ మహాకాళేశ్వర్ దేవాలయంలో కన్నప్ప రిలీజ్ డేట్‌ను సోమ‌వారం వెల్ల‌డించారు. కన్నప్ప మూవీకి మంచు విష్ణు ర‌చ‌యిత‌గా వ్య‌వ‌హ‌రిస్తున్నాడు. దాదాపు వంద కోట్ల బ‌డ్జెట్‌తో ఈ సినిమా తెర‌కెక్కుతోన్న‌ట్లు ప్ర‌చారం జ‌రుగుతోంది.
ప్రభాస్ వ‌ర్కింగ్ స్టిల్ లీక్...
కన్నప్ప సినిమాకు హాలీవుడ్ టెక్నీషియన్లు పని చేసిన‌ట్లు మంచు విష్ణు చెప్పారు. న్యూజిలాండ్‌లో ఈ సినిమాను షూట్ చేశారు. ఈ విజువ‌ల్స్‌, లోకేష‌న్స్ ఆక‌ట్టుకుంటాయ‌ని పేర్కొన్నారు. ఇటీవ‌లే ఈ మూవీ నుంచి ప్రభాస్ వ‌ర్కింగ్ స్టిల్ లీకైంది. ఈ లీక్‌పై పోలీసుల‌ను ఆశ్ర‌యించిన‌ట్లు మంచు విష్ణు ప్ర‌క‌టించారు. ప్రభాస్ లుక్ లీక్ చేసిన వారిని ప‌ట్టిస్తే ఐదు ల‌క్ష‌లు బ‌హుమ‌తిగా అందిస్తాన‌ని ప్ర‌క‌టించాడు.
బ్రహ్మానందం….
కన్నప్ప మూవీలో శరత్ కుమార్, మధుబాల, దేవరాజ్, ముఖేష్ రిషి, మంచు అవ్రామ్, అర్పిత్ రంకా, బ్రహ్మానందం కీల‌క పాత్ర‌ల్లో క‌నిపించ‌బోతున్నారు. ముఖేష్ కుమార్ గ‌తంలో మ‌హాభార‌త్ సీరియ‌ల్‌కు ద‌ర్శ‌క‌త్వం వ‌హించాడు.
మంచు విష్ణు స‌క్సెస్ అందుకొని చాలా కాల‌మైంది. అత‌డి గ‌త సినిమాలు జిన్నా, మోస‌గాళ్లుతో పాటు ప‌లు సినిమాలు బాక్సాఫీస్ వ‌ద్ద ప‌రాజ‌యాలుగా నిలిచాయి.
టాపిక్