Army Recruitment Rally : ఇండియన్ ఆర్మీలో చేరాలనుకుంటున్నారా?

తెలంగాణ(Telangana), ఆంధ్రప్రదేశ్(Andhra Pradesh) నుంచి ఇండియన్ ఆర్మీ(Indian Army)లో చేరాలి అనుకునేవారి కోసం శుభవార్త. ఆర్మీ రిక్రూట్మెంట్ ర్యాలీలో పాల్గొని తమ అదృష్టాన్ని పరీక్షించుకోవచ్చు. ఆన్ లైన్ దరఖాస్తు చేసుకోవాల్సి ఉంటుంది. దేశ సేవ చేయాలనుకునే అర్హత కలిగిన అభ్యర్థులు www.indianarmy.nic.in వెబ్‌సైట్లో ఆన్‌లైన్(Online) ద్వారా అప్లికేషన్ పంపించాలి.

ఆర్మీ రిక్రూట్‌మెంట్ ర్యాలీ(Army Recruitment Rally)లకు ఆంధ్రప్రదేశ్, తెలంగాణ రాష్ట్రాల అభ్యర్థులు నవంబర్ 15 నుంచి నవంబర్ 29వ తేదీలోపు తమ పేరు నమోదు చేసుకోవాలని డిఫెన్స్ విభాగం తెలిపింది. అభ్యర్థులు www.joinindianarmy.nic.inలో సంబంధిత ర్యాలీ నోటిఫికేషన్‌లో జాబితా చేసిన పత్రాలను తీసుకురావాలని కోరారు.

రిక్రూట్‌మెంట్ ప్రక్రియ పూర్తిగా పారదర్శకంగా ఉంటుందని అధికారులు చెప్పారు. అభ్యర్థులు ఎవరైనా ఉత్తీర్ణత సాధించడానికి లేదా నమోదు చేసుకోవడానికి సహాయం చేస్తామని చెప్పే మోసగాళ్ల నుండి తప్పనిసరిగా జాగ్రత్త వహించాలి.

చెన్నై(Chennai)లోని ఇండియన్ ఆర్మీ రిక్రూటింగ్ కార్యాలయం తమిళనాడులోని వేలూరు(Veluru)లోని జిల్లా క్రీడా సముదాయంలో ర్యాలీలను నిర్వహిస్తుంది. అభ్యర్థులను అగ్నివీర్ (పురుషులు), అగ్నివీర్ (మహిళా మిలిటరీ పోలీసులు) ఇతర పోస్టులలో చేర్చుకుంటారు.