Where to watch WTC Final: హాట్‌స్టార్, స్టార్ స్పోర్ట్స్ లేదా.. డబ్ల్యూటీసీ ఫైనల్ ఇలా ఫ్రీగా చూసేయండి

Where to watch WTC Final: ఇండియా, ఆస్ట్రేలియా మధ్య బుధవారం (జూన్ 7) నుంచి ప్రారంభం కాబోయే డబ్ల్యూటీసీ ఫైనల్ స్టార్ స్పోర్ట్స్, హాట్‌స్టార్ లలో బ్రాడ్‌కాస్ట్ కానుంది. అయితే ఈ రెండింటికీ మీకు యాక్సెస్ లేదా? మ్యాచ్ ఎలా చూడాలో తెలియక అయోమయానికి గురవుతున్నారా? అయితే ఈ రెండూ లేకపోయినా ఫ్రీగా ఈ మ్యాచ్ చూసే అవకాశం ఉంది.

ఎందుకంటే ఇండియా, ఆస్ట్రేలియా డబ్ల్యూటీసీ ఫైనల్ ను దూరదర్శన్ కు చెందిన డీడీ స్పోర్ట్స్ ఛానెల్ కూడా ప్రత్యక్ష ప్రసారం చేయనుంది. ఐసీసీ రిలీజ్ చేసిన ఓ నోట్ లో ఈ విషయాన్ని వెల్లడించింది. "ఇండియాలో ఇంగ్లిష్ తోపాటు హిందీ, తెలుగు, కన్నడ, తమిళం భాషల్లో స్టార్ స్పోర్ట్స్ లైవ్ కవరేజ్ చేయనుంది. వాళ్ల డిజిటల్ పార్ట్‌నర్ హాట్‌స్టార్ కూడా ఈ మ్యాచ్ ప్రసారం చేస్తుంది. ఇక ఇండియాకు చెందిన పబ్లిక్ బ్రాడ్‌కాస్టర్ దూరదర్శన్ కూడా తమ డీడీ స్పోర్ట్స్ ఛానెల్ ద్వారా ప్రతి రోజూ లైవ్ ఇస్తుంది" అని ఐసీసీ స్పష్టం చేసింది.

ప్రపంచవ్యాప్తంగా సుమారు 70 కోట్ల మందికి ఈ డబ్ల్యూటీసీ ఫైనల్ మ్యాచ్ లైవ్ చేరుతుందని కూడా ఐసీసీ తెలిపింది. ప్రపంచంలోని 100 దేశాల్లో ఈ మ్యాచ్ చూడొచ్చు. రెండేళ్ల కిందట తొలి డబ్ల్యూటీసీ ఫైనల్లోనూ ఇండియన్ టీమ్ న్యూజిలాండ్ తో తలపడిన విషయం తెలిసిందే. అప్పుడు ఆ ఫైనల్ ఓడిపోగా.. ఇప్పుడు ఆస్ట్రేలియాతో మరోసారి తాడోపేడో తేల్చుకోనుంది.

ఈ ఫైనల్ మ్యాచ్ బుధవారం నుంచి ఐదు రోజుల పాటు భారత కాలమానం ప్రకారం ప్రతి రోజూ మధ్యాహ్నం 3 గంటలకు ప్రారంభమవుతుంది. స్టార్ స్పోర్ట్స్, డిస్నీ ప్లస్ హాట్ స్టార్, డీడీ స్పోర్ట్స్ లలో ఈ లైవ్ చూడొచ్చు. లండన్ లోని ఓవల్ మైదానంలో ఈ మ్యాచ్ జరుగుతుంది.