వృషభ రాశిలో బుధాదిత్య యోగం.. ఈ 3 రాశులకు అదృష్ట యోగం

వృషభ రాశిలో సూర్యుడు, బుధుడి కలయిక బుధాదిత్య రాజయోగాన్ని సృష్టిస్తుంది. ఈ రాజయోగం పలు రాశుల జాతకులకు శ్రేయస్సు, సంపద, సంతోషాన్ని ఇస్తుంది. సూర్యుడు ఇప్పటికే మే 15, 2023న వృషభ రాశిలోకి సంచరించాడు. బుధుడు జూన్ 7, 2023న వృషభ రాశిలోకి సంచరిస్తాడు. అందువల్ల వృషభ రాశిలో సూర్యుడు బుధుడి కలయికతో జూన్ 7, 2023న బుధాదిత్య రాజయోగం ఏర్పడుతుంది.

వైదిక జ్యోతిషశాస్త్రం ప్రకారం సూర్యుడు శక్తి, అధికారం, నాయకత్వానికి ప్రతీక. బుధుడు తెలివితేటలు, కమ్యూనికేషన్, నైపుణ్యానికి ప్రతీక. జాతకంలో ఈ రెండు గ్రహాలు కలిసినప్పుడు అవి ఒకరి వృత్తి, వ్యాపార, వ్యక్తిగత జీవితంలో విజయాన్ని తీసుకొస్తాయి.

వృషభ రాశి వారికి బుధాదిత్య యోగ ఫలితాలు

బుధాదిత్య యోగ కాలంలో వృషభ రాశి వారికి అదృష్టం వెన్నంటి ఉంటుంది. ఈ యోగం మీ జాతకం యొక్క మొదటి ఇంటిలో ఏర్పడుతుంది. ఇది మీ పని తీరును మెరుగుపరుస్తుంది. ఆత్మవిశ్వాసం పెరుగుతుంది. ఈ యోగం మీ వ్యక్తిత్వంలో సానుకూల మార్పులను తెస్తుంది. అంతేకాకుండా మీ జాతకంలోని ఏడో ఇల్లు కూడా ఈ యోగం ద్వారా ప్రభావితమవుతుంది. దీని ఫలితంగా మీ భాగస్వామితో సంబంధం మెరుగ్గా ఉంటుంది. మీ కుటుంబంలో ఆనందం వెల్లివిరుస్తుంది. మీరు అవివాహితులైతే వివాహ ప్రతిపాదనలు రావొచ్చు.

సింహ రాశి వారిపై బుధాదిత్య యోగ ఫలితం

సింహ రాశి వారికి బుధాదిత్య యోగం వల్ల వృత్తి వ్యాపారాల పరంగా అదృష్టం వరిస్తుంది. ఈ కాలం ఉద్యోగ, వ్యాపార ప్రయత్నాల్లో సానుకూల ఫలితాలు వస్తాయి. వ్యాపారులు తమ వ్యాపార కార్యకలాపాల్లో విజయం సాధిస్తారు. ఉద్యోగులు అనేక స్థాయిల్లో సహోద్యోగుల నుంచి మద్దతు పొందుతారు. అలాగే మీ పై అధికారులు మీ నైపుణ్యాలను గుర్తించి అభినందిస్తారు. ఉద్యోగార్థులు ఈ కాలంలో కొత్త జాబ్ ఆఫర్లు పొందుతారు. ఈ కాలం కెరీర్ ఎదుగుదలకు కూడా అవకాశాలు వస్తాయి. రాజకీయాలతో సంబంధం ఉన్న వారు ప్రయోజనం పొందుతారు.

కర్కాటక రాశి వారిపై బుధాదిత్య యోగ ఫలితం

కర్కాటక రాశి జాతకులు బుధాదిత్య యోగం వల్ల ఆర్థికంగా, రిలేషన్స్ విషయంలో అదృష్టం వెన్నంటి ఉంటుంది. ఇది మీ రాశి చక్రంలోని ఆదాయ గృషంలో ఏర్పడుతుంది. ఈ కాలంలో మీ ఆదాయం మెరుగుపడుతుంది. కొత్త ఆదాయ మార్గాలు పెరిగే అవకాశం ఉంది. మీరు గత పెట్టుబడుల నుంచి ప్రయోజనం పొందుతారు. కుటుంబ సభ్యులతో మీ సంబంధం సానుకూలంగా ఉంటుంది. ధార్మిక, శుభకార్యాల్లో పాల్గొంటారు. ఇది కాకుండా మీరు ఈ సమయంలో స్టాక్ మార్కెట్, లాటరీ నుండి లాభం పొందే అవకాశం ఉంటుంది.