Karthika deepam 2 serial july 25th: కార్తీక్ ఇచ్చిన షాక్ కి కుప్పకూలిన పారిజాతం.. శౌర్య కిడ్నాప్ కి ముహూర్తం ఫిక్స్

Karthika deepam 2 serial today july 25th episode: కార్తీక్ తన జీవితానికి సంబంధించిన ముఖ్యమైన విషయం చెప్పాలంటూ అందరితో అంటాడు. కార్తీక్ మాటలకు జ్యోత్స్న, దీప, పారిజాతం టెన్షన్ తోనే చచ్చేలా ఉంటారు. బావ దీప పేరు చెప్పాలి ఏం చేస్తానో నాకే తెలియదు అనుకుంటూ పక్కన ఉన్న కత్తిని తీసుకుంటుంది.

కార్తీక్ మాట విని కుప్పకూలిన పారు 

జ్యోత్స్నను పెళ్లి చేసుకోవడం ఇష్టం లేదని చెప్తే తన పరిస్థితి ఏంటా అని దీప భయంతో వణికిపోతుంది. నేను ఇప్పుడు జరిగిపోయిన నా పెళ్లి గురించి మాట్లాడుతున్నాను. పెళ్ళైన జంటకు మళ్ళీ పెళ్లి చేస్తారు. ఆ పెళ్ళైన జంట ఎవరు అనుకుంటున్నారా?

నేను జ్యోత్స్న అనేసరికి అందరూ ఊపిరి పీల్చుకుంటారు. జ్యోత్స్న ఎమోషనల్ అవుతుంది. పారిజాతం అయితే గుండె పట్టుకుని కూలబడిపోతుంది. ఏమైందని అందరూ టెన్షన్ పడుతుంటే కార్తీక్ వచ్చి తనని లేపుతాడు. నేను విన్నది నిజమేనా అంటే అవును అంటాడు.

సిగ్గుమొగ్గలేస్తున్న జ్యోత్స్న 

వీళ్లిద్దరికీ రేపు నిశ్చితార్థం అదే విషయం కాస్త పోయిటిక్ గా చెప్పాడు దానికే గుండె ఆగిపోయినట్టు పడిపోవడం ఏంటని శివనారాయణ అంటాడు. మరి బ్యాండ్ మేళంతో ఎందుకు వచ్చావు అని సుమిత్ర అడుగుతుంది. ముహూర్తాలు పెట్టిన తర్వాత మొదటి సారి ఇంటికి వస్తున్నాం కదా అందుకే అంతా శుభమే జరగాలని మంగళ వాయిద్యాలతో వచ్చానని చెప్తాడు.

జ్యోత్స్న పట్టరాని ఆనందంతో తెగ సిగ్గుపడిపోతుంది. నిశ్చితార్థానికి షాపింగ్ చేద్దామని అంటే అవసరం లేదు షాపింగ్ మన ఇంటికి వస్తుందని చెప్తాడు. కార్తీక్ అమ్మ దగ్గర కూర్చుని నువ్వు ఇప్పుడు హ్యాపీనా అంటాడు. చాలా సంతోషం ఇదే నా జీవితానికి ఉన్న ఒకే ఒక కల అది నువ్వు తీరుస్తున్నావని కాంచన ఎమోషనల్ అవుతుంది.

శౌర్య కిడ్నాప్ కి ముహూర్తం ఫిక్స్ 

నువ్వు ఎప్పుడు సంతోషంగా ఉండాలని కార్తీక్ అంటాడు. నిశ్చితార్థానికి బావ ఒప్పుకున్నాడని జ్యోత్స్న చాలా సంతోషపడుతుంది. కార్తీక్ బాబు చాలా మంచి వాళ్ళు అని దీప అనుకుంటుంది. అనసూయ దగ్గరకు శోభ వచ్చి మళ్ళీ వెటకారంగా మాట్లాడుతుంది.

అత్తా కోడళ్ళు ఇద్దరూ కాసేపు వాదులాడుకుంటారు. బుడ్డ దాన్ని తీసుకోద్దామని అన్నారు కదా ఎప్పుడు తీసుకొస్తున్నారని ఇన్ డైరెక్ట్ గా అడుగుతుందని అనసూయ చెప్తుంది. రేపు చాలా మంచి రోజు వెళ్ళి బుడ్డ దాన్ని తీసుకొద్దామని కొడుక్కి చెప్తుంది. ఇక మంచి నిర్ణయం తీసుకున్నారంటూ దీప కార్తీక్ ని పిలిచి థాంక్స్ చెప్తుంది.

మీరు ఏ నిర్ణయం తీసుకుంటారోనని చాలా భయపడ్డాను కానీ మీరు అందరి గురించి ఆలోచించారు. ముఖ్యంగా మీ అమ్మ గురించి ఆలోచించారు. ఆవిడ ఇప్పుడు తన కోరిక తీరుతుందని ఆనందంలో ఉందని చెప్తుంది. నేనే మీకు థాంక్స్ చెప్పాలి దీప. నా మనసు ఊగిలాడుతుందని చెప్పారు అది నిజమే.

శౌర్య మా అమ్మ ఒకటే పరిస్థితి 

ఇక్కడ అన్ని నిర్ణయాలు నా గురించి ఆలోచించి తీసుకున్నారు. జీవితం అంటే మన గురించి కాదు మన చుట్టు పక్కల ఉన్న వాళ్ళ గురించి ఆలోచించాలని మిమ్మల్ని చూసే నేర్చుకున్నాను. మీ భర్త మిమ్మల్ని మోసం చేశాడని రైలు పట్టాలు వెతుక్కోలేదు. కూతురు కోసం బతుకుతున్నారు.

నా తండ్రి మమ్మల్ని మోసం చేస్తున్నాడని తెలిసిన తర్వాత కాలర్ పట్టుకుని అడగాలని అనుకున్నాను కానీ చేయలేకపోయాను. నరసింహ స్థానంలో మా అమ్మ ఉంటే శౌర్య స్థానంలో నేను కాదు మా అమ్మ ఉంది. నిజం తెలిస్తే బతకదు. మీరు మీ కూతురు కోసం నిజాలు దాస్తున్నారు నేను నా తల్లి కోసం నిజాలు దాస్తున్నాను.

నా తండ్రి కూడా నేను అసహ్యించుకునే నరసింహ కనిపించాడు. ఎందుకో మా అమ్మలో నాకు జ్యోత్స్న కనిపించింది. మా అమ్మ ప్రేమ నిజం కానీ మా నాన్న ప్రేమ అబద్ధం. ఆ నిజం తెలిస్తే అమ్మ తట్టుకోలేదు. జ్యోత్స్న ప్రేమ నిజం. కానీ నాకు ప్రేమ లేదు. ఆ నిజం తెలిస్తే జ్యోత్స్న తట్టుకోలేదు.

సరికొత్త ప్రయాణం మొదలుపెట్టాను 

మా అమ్మ మనసు ముక్కలైనట్టే జ్యోత్స్న మనసు కూడా ముక్కలవుతుంది కదా. తను ఏం తప్పు చేయకుండా శిక్ష అనుభవించాలి. మా అమ్మ గురించి ఆలోచించకుండా నిజం చెప్పి తనని నిజంగానే ఎందుకు అవిటి దాన్ని చేయాలి. దీని గురించే రాత్రంతా ఆలోచించాను.

ఈరోజు నుంచి నా జీవితం సరికొత్త ప్రయాణం మొదలుపెట్టాను. నేను చేసిన ద్రోహాన్ని మనసులో పెట్టుకుని నిజం చెప్పేవాళ్ళు. కానీ మీరు అలా చేయలేదు. ఇప్పుడు నా వల్ల మీకు ఎలాంటి నిందలు రావు. ఎవరికి భయపడాల్సిన అవసరం లేదు. ఇప్పుడు మనం ఇలాగే ఉండవచ్చు.

ఇప్పుడు మీరు చాలా ఎదిగిపోయారు. నేను నా బిడ్డ కోసం బతుకుతుంటే మీరు మీ అమ్మ కోసం బతుకుతున్నారని దీప అంటుంది. ముందు పెళ్లి జరగాలి అప్పుడే మా నాన్న సంగతి తేలుస్తాను. స్వప్న నా చెల్లిగానే ఉంటుంది. కానీ అందరికీ న్యాయం చేయలేను. మీకు మాత్రం నేను ఎప్పటికీ శ్రేయోభిలాషిగానే ఉంటాను.

కార్తీక్ దగ్గరకు వెళ్లకు 

శౌర్యకు ఫ్రెండ్ గానే ఉంటాను. ఇప్పుడు మన ఇద్దరి పరిస్థితి ఒకేలా ఉంది. నరసింహ వల్ల శౌర్య, మా నాన్న వల్ల మా అమ్మ కంట్లో కన్నీరు రాకుండా చూసుకుందామని చెప్తాడు. కార్తీక్ బాబు పరిస్థితి చూస్తుంటే బాధగా ఉందని దీప అనుకుంటుంది. ముందు ఈ పెళ్లి అయిపోతే నేను నా బిడ్డను తీసుకుని దూరంగా వెళ్లిపోతాను అప్పుడు ఎవరి జీవితాలు వాళ్ళు బతకొచ్చు అని దీప అనుకుంటుంది.

శౌర్య దీపను హగ్ చేసుకుని థాంక్స్ చెప్తుంది. ఎందుకు అంటే మళ్ళీ కార్తీక్ దగ్గరకు తీసుకొచ్చినందుకు అంటుంది. నువ్వు ఇక నుంచి కార్తీక్ బాబు దగ్గరకు వెళ్లకూడదని దీప చెప్తుంది. జ్యోత్స్న, కార్తీక్ కి పెళ్లి అవుతుంది వాళ్ళ దగ్గరకు వెళ్లకూడదు అంటుంది.

నీకు అమ్మ సరిపోదా కార్తీక్ బాబు కావాలా? అంటుంది. నాన్న ఉంటే బాగుండని అనిపించింది. కానీ కార్తీక్ వచ్చాడు. ఇప్పుడు నువ్వు కార్తీక్ ఉంటే చాలని అనిపిస్తుంది. నాన్న ఎక్కడికో వెళ్ళాడు అన్నావ్. ఎప్పుడు అడిగినా ఇదే చెప్పావు. కార్తీక్ చాలా మంచివాడని శౌర్య అంటుంది.

మీ బంధం తెగిపోతుంది

కార్తీక్ లో నువ్వు మీ నాన్నను చూసుకుంటున్నావ్ కానీ అది పెళ్లైతే మీ బంధం తెగిపోతుంది. అప్పుడు నువ్వు ఏమైపోతావోనని దీప ఏడుస్తుంది. కార్తీక్ జరిగిన సంఘటనలు ఆలోచిస్తూ ఉంటాడు. నరసింహ వేరే పెళ్లి చేసుకోవడం నీ జీవితాన్ని తలకిందులు చేసింది.

నా జీవితం అంతే జ్యోత్స్నతో పెళ్లి వద్దని అనుకున్నాను. కానీ మా నాన్న రెండో పెళ్లి చేసుకోకపోయి ఉంటే ఇప్పటికీ పరిస్థితులు వేరేలా ఉండేవి. మా నాన్న చేసిన తప్పు నా నిర్ణయాన్ని, నా జీవితాన్ని మార్చేసింది. రేపు నా నిశ్చితార్థం ఇక దాన్ని ఎవరూ ఆపలేరు. దాన్ని ఆపాల్సిన అవసరం కూడా ఎవరికీ లేదని బాధపడతాడు.