18 Pages Heart touching Song: 18 పేజీస్ నుంచి హార్ట్ టచింగ్ సాంగ్.. అదిరిపోయిన ఎమోషనల్ మెలోడీ

18 Pages Heart touching Song: టాలీవుడ్ యంగ్ హీరో నిఖిల్ ఈ ఏడాది కార్తికేయ-2 లాంటి సూపర్ హిట్ చిత్రాన్ని తన ఖాతాలో వేసుకుని మంచి జోరు మీదున్నాడు. దీంతో వరుస చిత్రాలు చేసుకుంటూ దూసుకెళ్తున్నాడు. ప్రస్తుతం అతడు నటించిన 18 పేజీస్ చిత్రం క్రిస్మస్ కానుకగా డిసెంబరు 23న ప్రేక్షకుల ముందుకు రానుంది. ఇప్పటికే విడుదలైన ఈ సినిమా పాటలు శ్రోతలను విపరీతంగా అలరించాయి. తాజాగా ఈ సినిమా నుంచి మరో పాట విడుదలైంది.

నీ వల్ల ఓ పిల్ల అంటూ సాగే ఈ సాంగ్ హార్ట్ టచింగ్ ఎమోషనల్‌గా ఉంది. ఫోక్ సాంగ్ మాదిరిగా ఉన్న ఈ పాట హృదయ విదారకరంగా మంచి ఫీల్‌ను అందిస్తుంది. ఈ సాంగ్‌ను తిరుపతి మాట్ల ఆలపించడమే కాకుండా.. అతడే రాశాడు. గోపీ సుందర్ ఈ పాటకు స్వరాలు సమకూర్చారు.

వచ్చే వారం క్రిస్మస్ కానుకగా ప్రేక్షకుల ముందుకు రానున్న18 పేజీస్ చిత్రం తాజాగా సెన్సార్ కార్యక్రమాలను కూడా పూర్తి చేసుకుంది. ఈ చిత్రానికి సెన్సార్ బృందం యూ/ఏ సర్టిఫికేట్‌ను ఇచ్చింది. దీంతో సినిమా విడుదల మాత్రమే బాకీ ఉంది. డిసెంబరు 23న ప్రపంచ వ్యాప్తంగా విడుదల కానుంది.

నిఖిల్ సరసన ఈ చిత్రంలో అనుపమ పరమేశ్వరన్ హీరోయిన్‌గా చేస్తోంది. కార్తికేయ 2తో సక్సెస్‌ఫుల్ పెయిర్‌గా గుర్తింపు తెచ్చుకున్న ఈ జోడీ 18 పేజీస్‌తో మరోసారి అలరించనున్నారు. జీఏ 2 పిక్చర్స్, సుకుమార్ రైటింగ్స్ బ్యానర్లు సంయుక్తంగా తెరకెక్కిస్తున్నాయి. బన్ని వాసు నిర్మాతగా వ్యవహరిస్తున్నారు. మెగా నిర్మాత అల్లు అరవింద్ సమర్పిస్తుండగా.. పల్నాటీ సూర్యప్రతాప్ దర్శకత్వం వహిస్తున్నారు. పాన్ఇండియా దర్శకులు సుకుమార్ కథను అందించారు. డిసెంబరు 23న ప్రపంచ వ్యాప్తంగా ప్రేక్షకుల ముందుకు రానుందీ చిత్రం.