Bigg Boss Elimination: బిగ్ బాస్‌‌లోకి అడుగుపెట్టిన 6 వైల్డ్ కార్డ్ కంటెస్టెంట్స్.. ఇవాళ మరొకరి ఎలిమినేషన్.. అది ఎవరంటే?

Bigg Boss 8 Telugu Elimination This Week: బిగ్ బాస్ తెలుగు 8 సీజన్ జోరుగా సాగుతోంది. 14 మందితో ప్రారంభమైన బిగ్ బాస్ 8 తెలుగు సీజన్ ప్రస్తుతం 9 మందికి చేరుకుంది. ఇప్పటికీ ఐదు వారాలు పూర్తి చేసుకున్న బిగ్ బాస్ తెలుగు 8 సీజన్‌లో ఒక్కో వారం నుంచి ఒకరు ఎలిమినేట్ అవుతూ వచ్చారు.

రెండు సార్లు ఎలిమినేషన్

మొదటి వారం బేబక్క, రెండో వారం శేఖర్ భాషా, థర్డ్ వీక్ అభయ్ నవీన్, 4వ వారం సోనియా ఆకుల ఎలిమినేట్ అయ్యారు. అయితే, ఐదో వారం మాత్రం రెండు సార్లు ఎలిమినేషన్ జరగనుందన్న విషయం తెలిసిందే. ఈపాటికే బిగ్ బాస్ తెలుగు 8 మిడ్ వీక్ ఎవిక్షన్‌లో భాగంగా గురువారం (అక్టోబర్ 3) హీరో ఆదిత్య ఓం ఎలిమినేట్ అయ్యారు.

కానీ, బిగ్ బాస్ 8 తెలుగు అక్టోబర్ 5వ తేది ఎపిసోడ్ అంటే ఇవాళ్టీ (శనివారం) ఎపిసోడ్‌లో ఆదిత్య ఓం బిగ్ బాస్ స్టేజీపైకి రానున్నాడు. స్టేజీపై ఆదిత్య ఓం బిగ్ బాస్ జర్నీని హోస్ట్ నాగార్జున చూపించనున్నారు. అలాగే, హౌజ్‌లో ఉన్న కంటెస్టెంట్స్‌తో ఆదిత్య ఓంను మాట్లాడించి ఏదైనా టాస్క్ ఇవ్వనున్నట్లు తెలుస్తోంది. అయితే, ఐదో వారం మరొకరు కూడా ఎలిమినేట్ కానున్నారు.

బిగ్ బాస్ ఓటింగ్‌లో

బిగ్ బాస్ ఐదో వారం నామినేషన్స్‌లో నబీల్, నిఖిల్, నాగ మణికంఠ, విష్ణుప్రియ, నైనిక, ఆదిత్య ఆరుగురు ఉండగా.. ఆదిత్య ఓం ఎలిమినేట్ అయ్యారు. ఇక ఇప్పుడు ఐదుగురు మిగిలారు. వారిలో బాటమ్ ఐదో స్థానంలో ఉంది నైనిక ఉందని సమాచారం. ఇది వరకు మిడ్ వీక్ ఎవిక్షన్‌ ప్రక్రియ విష్ణుప్రియ, నైనిక, ఆదిత్య మధ్య జరిగింది. వీరిలో బిగ్ బాస్ ఓటింగ్‌లో విష్ణుప్రియకు ఎక్కువ ఓట్లు పడినట్లు తెలుస్తోంది.

దాంతో ఆదిత్య తర్వాత డేంజర్ జోన్‌లో ఉన్న నైనిక ఎలిమినేట్ కానుందని సమాచారం. నైనిక ఎలిమినేషన్‌తో హౌజ్‌లో ఎనిమింది మిగులుతారు. వారికి పోటీగా ఛాలెంజర్స్‌గా కొత్తగా 8 మంది సెలబ్రిటీలు వైల్డ్ కార్డ్ ద్వారా ఎంట్రీ ఇవ్వనున్నారు. దానికి సంబంధించిన షూటింగ్ ఇవాళ జరుగుతోంది. ఈపాటికే కొంతమంది మాజీ కంటెస్టెంట్స్ డ్యాన్స్ పర్ఫామెన్స్, ఏవీ షూట్‌లు చూపించారని బిగ్ బాస్ వర్గాల నుంచి వచ్చిన సమాచారం.

బిగ్ బాస్ 8 తెలుగు వైల్డ్ కార్డ్స్

బిగ్ బాస్ తెలుగు 8 వైల్డ్ కార్డ్ ఎంట్రీలుగా వస్తున్న వారిలో బిగ్ బాస్ తెలుగు 7 కంటెస్టెంట్ గౌతమ్ కృష్ణ పవన్ కల్యాణ్ డైలాగ్స్‌తో మార్కండేయ పాటకు డ్యాన్స్ చేసి అడుగుపెట్టినట్లు సమాచారం. బిగ్ బాస్ 4 తెలుగు కంటెస్టెంట్ మెహబూబ్ షేక్ కూడా జవాన్ సాంగ్‌కు డ్యాన్స్ చేసి ఎంట్రీ ఇచ్చాడు. బిగ్ బాస్ తెలుగు 3 కంటెస్టెంట్, జబర్దస్త్ లేడి కమెడియన్ రోహిణి ఏవీతో అడుగుపెట్టింది.

బిగ్ బాస్ తెలుగు 4, కమెడియన్ అవినాష్, బీబీ తెలుగు 7 టేస్టీ తేజా కూడా వీడియో ప్రజంటేషన్‌తోనే ఎంట్రీ ఇచ్చారని సమాచారం. ఇక బీబీ మొదటి సీజన్ కంటెస్టెంట్, నటి హరితేజ డ్యాన్స్ పర్ఫామెన్స్‌తో బిగ్ బాస్ 8 తెలుగు హౌజ్‌లోకి అడుగుపెట్టినట్లు సమాచారం.

బిగ్ బాస్ తెలుగు 8 గ్రాండ్ ఫినాలే 2.0

అయితే, వీరి షూటింగ్ పూర్తయినప్పటికీ ఈ ఆరుగురు కంటెస్టెంట్స్ ఎంట్రీని ఆదివారం (అక్టోబర్ 6) బిగ్ బాస్ తెలుగు 8 గ్రాండ్ ఫినాలే 2.0 లాంచ్ ఎపిసోడ్‌లో టెలీకాస్ట్ చేయనున్నారు.