Andhra Pradesh News Live October 13, 2024: Rapaka Vara Prasadarao : వైసీపీ నన్ను అవమానించింది, ఇక ఆ పార్టీలో కొనసాగను- ట్విస్ట్ ఇచ్చిన రాజోలు మాజీ ఎమ్మెల్యే రాపాక
13 October 2024, 22:25 IST
ఆంధ్ర ప్రదేశ్ లైవ్ న్యూస్ అప్‌డేట్స్, తాజా వార్తలు, బ్రేకింగ్ న్యూస్, పొలిటికల్ స్టోరీలు, క్రైమ్ న్యూస్, ప్రభుత్వ స్కీములు, ఇంకా మరెన్నో వార్తలు విశేషాలతో ఎప్పటికప్పుడు ఇక్కడ లైవ్ బ్లాగులో చూడొచ్చు.
- Rapaka Vara Prasadarao : రాజోలు మాజీ ఎమ్మెల్యే రాపాక వరప్రసాదరావు వైసీపీకి రాజీనామా చేస్తున్నట్లు ప్రకటించారు. ఆయన త్వరలో వేరే పార్టీలో చేరుతున్నట్లు ప్రచారం జరుగుతోంది. వైసీపీ పెద్దలు చెప్పినట్లు చేసినా... తనకు రాజోలు టికెట్ కేటాయించలేదని ఆయన ఆవేదన చెందారు.
AP KGBV Notification : ఏపీ కేజీబీవీల్లో 729 నాన్ టీచింగ్ పోస్టుల దరఖాస్తులకు మరో రెండు రోజులు మాత్రమే గడువు ఉంది. ఈ నెల 15 వరకు అభ్యర్థులు ఆఫ్ లైన్ విధానంలో దరఖాస్తు చేసుకోవచ్చు. మహిళా అభ్యర్థులు మాత్రమే దరఖాస్తు చేసుకోవాలి.
AP Roads PPP Model : ఏపీలో రోడ్లను ప్రభుత్వ, ప్రైవేట్ భాగస్వామ్యంతో పీపీపీ మోడల్ నిర్మించాలని ప్రభుత్వం భావిస్తుంది. ఈ మేరకు 100 రోజుల ఖరారు చేయడానికి నిపుణుల కమిటీని ఏర్పాటు చేసింది. ఈ కమిటీ ప్రణాళికను ఖరారు చేసి రెండు నెల‌ల్లో ప్రభుత్వానికి రిపోర్టు స‌మ‌ర్పించాల్సి ఉంటుంది.
AP Rains Update : రాగల 24 గంటల్లో ఏపీలో భారీ వర్షాలు కురిసే అవకాశం ఉందని వాతావరణ శాఖ తెలిపింది. నైరుతి బంగాళాఖాతంలో శనివారం ఏర్పడిన ఉపరితల ఆవర్తనం రేపటికి అల్పపీడనంగా మారే అవకాశం ఉందని పేర్కొంది. అలాగే మరో రెండు రోజుల్లో నైరుతి రుతుపవనాలు బలహీనపడే పరిస్థితులు ఉన్నాయని తెలిపింది.
- AP DSC: ఏపీలో మెగా డీఎస్సీ ప్రకటన వెలువడబోతోంది. దీంతో అభ్యర్థులు సీరియస్‌గా ప్రిపేర్ అవుతున్నారు. ఈ నేపథ్యంలో.. డీఎస్సీ అభ్యర్థులకు సర్కారు గుడ్ న్యూస్ చెప్పింది. ఉచిత శిక్షణ అందించేందుకు ఏర్పాట్లు చేస్తోంది. దీనికి సంబంధించి.. దరఖాస్తులను ఆహ్వానిస్తోంది.
Chilamathur Gang Rape Case : శ్రీసత్యసాయి జిల్లా చిలమత్తూరు మండలంలో అత్తాకోడలిపై సామూహిక అత్యాచారం ఘటనలో పోలీసులు ఆరుగురిని అదుపులోకి తీసుకున్నారు. వీరిలో ముగ్గురు మైనర్లు ఉన్నట్లు తెలుస్తోంది. వీరిని ఓ రహస్య ప్రదేశంలో ఉంచి విచారిస్తున్నారు.
- AP Wine Shop Tenders 2024 : ఏపీలో మద్యం దుకాణాల లైసెన్స్‌ల కోసం దరఖాస్తు చేసుకునే గడువు ముగిసింది. రేపు అధికారులు డ్రా తీయనున్నారు. ఇటు వైన్ షాపులను దక్కించుకోవడానికి భారీగా దరఖాస్తులు వచ్చాయి. మొత్తం 89 వేల 882 అప్లికేషన్లు వచ్చినట్టు అధికారులు వెల్లడించారు.
Valmiki Jayanti 2024 : ఏపీ ప్రభుత్వం వాల్మీకి జయంతిని రాష్ట్ర పండుగగా ప్రకటించింది. ఈ నెల 17న అన్ని జిల్లాల్లో వాల్మీకి జయంతిని నిర్వహించాలని ప్రభుత్వం ఆదేశించింది. అనంత‌పురంలో రాష్ట్ర స్థాయి వాల్మీకి జ‌యంతి వేడుక‌ను జ‌ర‌పాల‌ని ప్రభుత్వం నిర్ణయించింది.
- Konaseema : కోనసీమ రాజకీయాల్లో కొత్త సీన్ కనిపించింది. జనసేన మీటింగ్‌లో రాపాక వరప్రసాద్ ప్రత్యక్షమయ్యారు. దీంతో ఒక్కసారిగా అందరూ ఆశ్చర్యపోయారు. 2024లో వైసీపీ తరఫున అమలాపురం ఎంపీగా పోటీచేసిన నేత.. జనసేన మీటింగ్‌లో కనిపించడం హాట్ టాపిక్‌గా మారింది.
AP Liquor Privilege Fee : భారత్ లో తయారయ్యే విదేశీ మద్యం ఎమ్మార్పీపై అదనపు ప్రివిలేజ్ ఫీజు విధిస్తూ ఏపీ సర్కార్ ఉత్తర్వులు జారీ చేసింది. ఎమ్మార్పీలో చిల్లర కాకుండా తదుపరి పది రూపాలకు రౌండాఫ్ చేస్తూ ఆదేశాలు జారీ చేసింది. అయితే క్వార్టర్ బాటిల్ ధర మాత్రం రూ.99 లకే నిర్థారించింది.
- AP Wine Shop Tenders 2024 : ఏపీలో మద్యం దుకాణాల కోసం దరఖాస్తు చేసుకునే గడువు ముగిసింది. సోమవారం 14వ తేదీన లాటరీ తీయనున్నారు. దీంతో దరఖాస్తు చేసుకున్న వారిలో ఉత్కంఠ నెలకొంది. ఈ నేపథ్యంలో దరఖాస్తులపై ప్రభుత్వానికి వచ్చిన ఆదాయం గురించి చర్చ జరుగుతోంది.
- Andhra Pradesh : రాష్ట్రంలో రేప‌టి నుంచి ప‌ల్లె పండుగ- పంచాయ‌తీ వారోత్స‌వాలను నిర్వ‌హించ‌నున్నారు. అక్టోబర్ 14 నుంచి 20 వరకు 7 రోజుల పాటు జ‌రిగే వారోత్స‌వాల్లో.. 13,326 గ్రామాల్లో రూ.4,500 కోట్ల‌తో 30 ర‌కాల ప‌నుల‌కు శంకుస్థాపాలు చేయనున్నారు. సంక్రాంతి వరకు పూర్తి చేయనున్నారు.
- Dwaraka Tirumala : ద్వారకా తిరుమ‌లలో వెంక‌టేశ్వ‌ర‌స్వామి ఆశ్వ‌యుజమాస దివ్య తిరుక‌ల్యాణ ఉత్స‌వాలను.. వైభవంగా నిర్వహించేందుకు ఏర్పాట్లు చేస్తున్నారు. ఇవాళ్టి నుంచి నుంచి అక్టోబర్ 20 వరకు ఈ ఉత్స‌వాలు జరగనున్నాయి. భ‌క్తుల‌కు ఎటువంటి అసౌక‌ర్యం క‌ల‌గ‌కుండా ఏర్పాట్లు చేసిన‌ట్లు ఆలయ అధికారులు చెప్పారు.
- తిరుమల శ్రీవారి ఆలయంలో తొమ్మిది రోజుల పాటు జరిగిన శ్రీవారి సాలకట్ల బ్రహ్మోత్సవాలు శనివారం రాత్రి ధ్వజావరోహణంతో ముగిశాయి. శ్రీవారి బ్రహ్మోత్సవాలు విజ‌య‌వంతంగా పూర్తి అయ్యాయని టీటీడీ ఈవో శ్యామలరావు ప్రకటించారు. సామాన్య భ‌క్తుల‌కు పెద్దపీట వేసినట్లు తెలిపారు.
- ఆంధ్ర‌ప్ర‌దేశ్‌లోని గ్రామీణ స్థానిక సంస్థ‌ల కోసం కేంద్ర ప్రభుత్వం 15 ఆర్థిక సంఘం నిధుల‌ను విడుద‌ల చేసింది. రూ.988 కోట్లకుపైగా మొదటి విడతగా విడుదలైంది. ఈ మేరకు శనివారం కేంద్ర పంచాయ‌తీ రాజ్ మంత్రిత్వ శాఖ వివరాలను వెల్లడించింది.