Afternoon Exercise : ఎక్కువకాలం జీవించాలా? మధ్యాహ్నం వ్యాయామం చేయాల్సిందే

వ్యాయామం చేయడానికి ఉత్తమ సమయం మధ్యాహ్నం అని తాజా అధ్యయనం వెల్లడించింది. ఎందుకంటే ఇది సుదీర్ఘ జీవితాన్ని నిర్ధారిస్తుంది. ఎక్కువ కాలం జీవించేందుకు ఆస్కారం ఉంది. ఈ సమయం ప్రజలు గుండెపోటు(Heart Attack)కు గురయ్యే అవకాశం తగ్గిస్తుందని తెలిసింది. వ్యాయామం(Exercise) చేయడానికి ఉత్తమ సమయం గురించి చర్చ కొంతకాలంగా ఉంది.

ఉదయం లేదా సాయంత్రం వ్యాయామాల కంటే లంచ్ సమయంలో వ్యాయామం చేయడం వల్ల అకాల మరణం నుండి మిమ్మల్ని రక్షించవచ్చు. యూకేకు సంబంధించిన జర్నల్ నేచర్ కమ్యూనికేషన్స్‌లో ఓ అధ్యయనం ప్రచురించారు. UK బయోమెడికల్ డేటాబేస్ నుండి 92,000 మంది వ్యక్తుల నుండి ఆరోగ్యం(Health), జనాభా డేటాను విశ్లేషించారు. అధ్యయనంలో భాగంగా ఏడు రోజుల వ్యవధిలో వారు ఎప్పుడు, ఎంత తీవ్రంగా పని చేస్తారో కొలిచే యాక్సిలరోమీటర్లు ఇచ్చారు. దీనిద్వారా మరణాల రికార్డులను పరిశీలించించారు. సుమారు 3,000 మంది పాల్గొన్నవారు మరణించారని, సుమారు 1,000 మంది గుండె జబ్బులు, 1,800 మంది క్యాన్సర్‌తో మరణించారని కనుగొన్నారు.

పరిశోధకుల బృందం కనుగొన్న ఆశ్చర్యకరమైన విషయం ఏంటంటే.. శక్తివంతమైన శారీరక శ్రమలో (చురుకైన నడక వంటివి) చేసే పురుషులు, మహిళలు చాలా అరుదుగా పని చేసే వ్యక్తుల కంటే ఎక్కువ కాలం జీవించారు. మధ్యాహ్న సమయంలో శారీరక శ్రమ చేసిన వారు ఎక్కువ కాలం జీవిస్తున్నారని గుర్తించారు. మధ్యాహ్నం వ్యాయామం(Afternoon Exercise) చేస్తే.. ప్రజలు గుండెపోటుకు గురయ్యే అవకాశం తక్కువగా ఉంది. దీనిద్వారా మధ్యాహ్న వ్యాయామాలు ఉదయం లేదా రాత్రిపూట వ్యాయామాల కంటే మంచిదని తేలింది. చనిపోయే అవకాశాలను తగ్గించవచ్చని అధ్యయనం చెబుతోంది. యాక్సిలరోమీటర్లు.. పాల్గొనేవారు ఎప్పుడు, ఎంత కష్టపడి పనిచేశారో ట్రాక్ చేశాయి.

సాయంత్రం, ఉదయం వ్యాయామం చేసే వ్యక్తులతో పోలిస్తే, మధ్యాహ్న సమయంలో పని చేసే వ్యక్తులు గుండె జబ్బుల నుండి అంతేగాకుండా వారికి మరణాల ప్రమాదం తక్కువగా ఉంటుంది. గత సంవత్సరం ఒక చిన్న అధ్యయనం ప్రకారం, ఉదయం వ్యాయామం(Morning Exercise) చేయడం వల్ల మహిళల్లో పొట్ట కొవ్వును తగ్గించడంలో, రక్తపోటును ట్యూన్‌లో ఉంచడంలో సహాయపడుతుందని కనుగొన్నారు. మరోవైపు, మధ్యాహ్నం వ్యాయామాలు కండరాల బలాన్ని మెరుగుపరుస్తాయి.