Menstruation : కూతురు పీరియడ్స్ గురించి తల్లి తప్పకుండా తెలుసుకోవాల్సిన విషయాలివి

ఏ సమయంలో ఏది చేయాలో.. ఏం చేయకూడదో తల్లికి తెలిసి ఉండాలి. పిల్లల విషయంలో పూర్తిగా జాగ్రత్త వహించాలి. యుక్తవయసులో ఉన్న కుమార్తె ఋతుక్రమంలో ఉన్నప్పుడు కచ్చితంగా అన్ని మాట్లాడాలి. ఆరోగ్యం(Healthy)గా ఉండేందుకు బిడ్డకు అవసరమైన సలహాలు ఇవ్వాలి.

బాలికలు సాధారణంగా 10 నుండి 15 సంవత్సరాల మధ్య వయస్సులో రజస్వల అవుతుంది. అమ్మాయికి 16 సంవత్సరాల కంటే ముందు మెనార్చ్ కలుగుతుంది. అయితే 15 ఏళ్ల తర్వాత కూడా మీ కుమార్తెకు ఋతుక్రమం రాకపోతే మీరు ఆమెను తప్పకుండా డాక్టర్ వద్దకు తీసుకెళ్లాలి. పిల్లలు ఆరోగ్యంగా(Children Health) ఉంటే ఇలా జరగదు. కొన్ని ఆరోగ్య సమస్యలు ఉన్నప్పుడే ఈ సమస్య వస్తుంది.

15 ఏళ్ల తర్వాత కూడా మీ కుమార్తెకు ఋతుక్రమం(Periods) రాకపోతే ఆమె అమినోరియాతో బాధపడుతున్నట్లు అర్థం. వారికి ఈ సమస్య ఉన్నప్పుడు 15 ఏళ్లలోపు ఋతుక్రమం రాదు. దీనికి చాలా కారణాలు ఉండవచ్చు. మొదటిది వంశపారంపర్యత, రెండోది శరీర నిర్మాణ సంబంధమైన సమస్యలు. కాబట్టి వైద్యుడిని సంప్రదించడం చాలా ముఖ్యం.

టీనేజర్లకు రుతుక్రమం గురించి పెద్దగా తెలియదు. తల్లి తన కూతురిలో స్వేచ్ఛగా మాట్లాడాలి. ఆమె సమస్యను తెలుసుకోవాలి. మీ కుమార్తె ఋతుస్రావం సమయంలో తీవ్రమైన నొప్పిని అనుభవించి.. రక్తస్రావం లేదు అంటే.. కచ్చితంగా ఆరోగ్య సమస్య ఉందని అర్థం. అండోత్సర్గము, పెల్విక్ ఇన్ఫ్లమేటరీ వ్యాధి, ఎండోమెట్రియోసిస్ వంటి తీవ్రమైన సమస్యలను కలిగి ఉండవచ్చు. అలాంటప్పుడు ఆలస్యం చేయకుండా వైద్యుడిని సంప్రదించండి. లేదంటే పెను ప్రమాదాన్ని ఎదుర్కోవాల్సి వస్తుంది.

సాధారణంగా ఋతుస్రావం సమయంలో రక్తస్రావం 7 రోజులు ఉంటుంది. లేదంటే అంతకుముందే ఆగిపోతుంది. కానీ 7 రోజుల తర్వాత కూడా ఋతుస్రావం అయితే కచ్చితంగా సాధారణం కాదు. ఈ పరిస్థితిని మెనోరాగియా అంటారు. రోజూ విపరీతంగా రక్తస్రావం అవుతోంది. ఇది మీ కుమార్తెకు తీవ్రమైన ఆరోగ్య సమస్య(Health Problems) ఉందని కూడా సూచిస్తుంది. కాబట్టి వైద్యుడిని సంప్రదించడం మంచిది.

స్త్రీలు ప్రతి 28 రోజులకు ఋతుస్రావం కలిగి ఉండటం మంచిది. కానీ సాధారణంగా, కొంతమందికి 21 మరియు 35 రోజుల మధ్య పీరియడ్స్(Periods) ఉండవచ్చు. ఇది సాధారణ ఋతుచక్రం. కానీ 21 రోజుల ముందు లేదా 45 రోజుల తర్వాత రక్తస్రావం కచ్చితంగా సాధారణమైనది కాదు. మీ కుమార్తెకు ఇలా జరుగుతుంటే, తగిన పరిష్కారాన్ని కనుగొనడానికి వైద్యుడిని సంప్రదించడం మంచిది.

ఆరోగ్యవంతమైన వ్యక్తులలో 21 మరియు 35 రోజుల మధ్య ఋతుక్రమం జరుగుతుంది. కానీ కొందరికి 90 రోజుల తర్వాత కూడా మళ్లీ రాదు. ఇప్పటికీ కొందరికి ఏడాదికి రెండుసార్లు లేదా ఏడాదికి ఒకసారి ఋతుక్రమం వస్తుంది. ఇది మంచిది కాదు. ఇలాంటి సమస్య ఉంటే చాలా మంది ఇంట్లోనే మందు వేసుకుంటారు. కానీ ఇది తప్పు, వీలైనంత త్వరగా వైద్యుడిని సంప్రదించండి.

యుక్తవయసులో ఋతుక్రమానికి సంబంధించిన అనేక సమస్యలు ఉంటాయి. తల్లి ఈ విషయంలో శ్రద్ధ వహించాలి. తన కుమార్తె ఆరోగ్యాన్ని కాపాడుకోవాలి.. అది బాధ్యత.