Raw Garlic: ఖాళీ కడుపుతో పచ్చి వెల్లుల్లిని నమిలితే ఈ అద్భుతమైన ప్రయోజనాలు

వెల్లుల్లి కూర రుచి పెంచే సింపుల్ మసాలా మాత్రమే కాదు. ఇది భోజనానికి రుచి ఇవ్వడంతో పాటే ఆరోగ్యాన్ని పెంచే పవర్‌ఫుల్ పదార్థం. దీంట్లో ఉండే శక్తివంతమైన పోషకాలు దీర్ఘకాలిక ఆరోగ్య పరిస్థితులను నివారిస్తాయి. దీన్ని వంటల్లో వాడటం కన్నా పచ్చిగా తింటే అనేక ఉపయోగాలుంటాయి. పచ్చి వెల్లుల్లిలో అల్లిసిన్ అనే ఎంజైమ్ ఉంటుది. ఇది శోథ నిరోధక, యాంటీఆక్సిడేటివ్, యాంటీ బాక్టీరియల్, యాంటిక్యాన్సర్ లక్షణాలను కలిగి ఉంటుంది. పచ్చి వెల్లుల్లిని నమలడం వల్ల సల్ఫర్ కలిగిన సమ్మేళనాలను ప్రేరేపితం చేస్తుంది.  ఇది అనేక ప్రయోజనాలకు కలిగిస్తుంది.

అధ్యయనం ప్రకారం, వెల్లుల్లి నమిలిన తర్వాత సర్వేలో పాల్గొన్న వ్యక్తుల్లో సిస్టోలిక్, డయాస్టోలిక్ రక్తపోటులో 5%, 8% తగ్గుదల కనిపించిందట. అదేవిధంగా కొలెస్ట్రాల్, ట్రైగ్లిజరైడ్ 4-10 శాతానికి తగ్గాయి. వెల్లుల్లిని నమలడం లేదా దంచి తినడం ద్వారా  కొలెస్ట్రాల్, ట్రైగ్లిజరైడ్, సిస్టోలిక్, డయాస్టొలిక్ రక్తపోటు తగ్గుతుంది. 

ఎన్ని పచ్చి వెల్లుల్లి తినవచ్చు?

1-2 వెల్లుల్లి రెబ్బలు దాని అనేక ప్రయోజనాలను పొందడానికి తీసుకోవచ్చు. సిఫార్సు చేసిన కన్నా ఎక్కువగా  తినడం ఎసిడిటీ, గుండెలో మంట లేదా రక్తస్రావానికి దారితీస్తుంది.

పచ్చి వెల్లుల్లి రెబ్బలో మాంగనీస్, విటమిన్ సి, సెలీనియం, ఫైబర్, కాల్షియం, రాగి, ఫాస్ఫరస్, ఐరన్, విటమిన్ బి 1, విటమిన్ బి 6, పొటాషియం ఉంటాయి.

పచ్చి వెల్లుల్లి వల్ల కలిగే ప్రయోజనాలు

పచ్చి వెల్లుల్లిని పరగడుపున నమలడం వల్ల అనేక ఆరోగ్య ప్రయోజనాలు కలుగుతాయి. అవేంటో చూద్దాం.

1. రోగనిరోధక శక్తిని పెంచుతుంది: 

పచ్చి వెల్లుల్లిలో యాంటీఆక్సిడెంట్లు, సల్ఫర్ కలిగిన సమ్మేళనాలు పుష్కలంగా ఉన్నాయి. ఇవి రోగనిరోధక శక్తిని బలోపేతం చేయడానికి సహాయపడతాయి. క్రమం తప్పకుండా తీసుకోవడం అంటువ్యాధులు, అనారోగ్యాల నుండి రక్షించడంలో సహాయపడుతుంది.

2. యాంటీ ఇన్ఫ్లమేటరీ లక్షణాలు: 

వెల్లుల్లిలో డయలైల్ డైసల్ఫైడ్ వంటి శోథ నిరోధక సమ్మేళనాలు ఉన్నాయి. ఇవి శరీరంలో మంటను తగ్గించడంలో సహాయపడతాయి. ఆర్థరైటిస్ వంటి అనారోగ్యాల లక్షణాలను తగ్గిస్తాయి.

3. గుండె ఆరోగ్యాన్ని మెరుగుపరుస్తుంది: 

వెల్లుల్లి రక్తపోటును తగ్గించడం, కొలెస్ట్రాల్ స్థాయిలను తగ్గించడం ద్వారా హృదయ ఆరోగ్యాన్ని మెరుగుపరుస్తుంది. ఈ ప్రయోజనాలు గుండె జబ్బులు , స్ట్రోక్ ప్రమాదాన్ని తగ్గిస్తాయి.

4. శరీరాన్ని డిటాక్స్ చేస్తుంది: 

వెల్లుల్లిలోని సల్ఫర్ సమ్మేళనాలు శరీరాన్ని డిటాక్స్ చేయడానికి సహాయపడతాయి. ఇది కాలేయ పనితీరుకు మద్దతు ఇస్తుంది. మొత్తం ఆరోగ్యాన్ని ప్రోత్సహిస్తుంది.

5. జీర్ణ ఆరోగ్యాన్ని మెరుగుపరుస్తుంది:

 ఖాళీ కడుపుతో వెల్లుల్లి తినడం వల్ల జీర్ణక్రియను ఉత్తేజపరుస్తుంది. పేగు ఆరోగ్యాన్ని మెరుగుపరుస్తుంది. ఇది జీర్ణ ఆమ్లాల ఉత్పత్తిని ప్రోత్సహిస్తుంది. 

6. యాంటీమైక్రోబయల్, యాంటీవైరల్ లక్షణాలు: 

వెల్లుల్లి శక్తివంతమైన యాంటీమైక్రోబయల్, యాంటీవైరల్ లక్షణాలను కలిగి ఉంటుది. పచ్చి వెల్లుల్లి నమలడం బ్యాక్టీరియా, వైరస్, ఫంగస్ సహా వ్యాధికారక కారకాలతో పోరాడటానికి సహాయపడుతుంది. అంటువ్యాధుల ప్రమాదాన్ని తగ్గిస్తుంది. నోటి ఆరోగ్యాన్ని పెంచుతుంది.

ఈ ప్రయోజనాలు చాలా ముఖ్యమైనవే అయినప్పటికీ, పచ్చి వెల్లుల్లిని అధిక మొత్తంలో తీసుకోవడం కొంతమందికి జీర్ణశయంలో అసౌకర్యం, ఇతర దుష్ప్రభావాలను కలిగించొచ్చు. కాబట్టి మీ ఆహారం లేదా ఆరోగ్య నియమావళిలో  మార్పులు చేసే ముందు వైద్యుల్ని సంప్రదించడం మంచిది. ముఖ్యంగా ఏవైనా అనారోగ్యాలుంటే ప్రత్యేక జాగ్రత్త అవసరం.