Wheat Adai: హెల్తీగా గోధుమపిండి అడై.. ఇన్స్టంట్ బ్రేక్‌ఫాస్ట్..

wheat adai

paragraph

<p>ఉదయం అల్పాహారంలోకి గోధుమపిండితో చేసిన అడై ప్రయత్నించి చూడండి. బోలెడు కూరగాయలతో ఇన్స్టంట్ గా చేసుకునే అల్పాహారం ఇది. చిన్నపిల్లలైనా, పెద్దవాళ్లయినా ఇష్టంగా తినేస్తారు. ఏదైనా చట్నీతో, లేదా రైతాతో సర్వ్ చేసుకోవచ్చు. దాని తయారీ ఎలాగో వివరంగా చూసేయండి.</p>

<h3>గోధుమపిండి అడై కోసం కావాల్సిన పదార్థాలు:</h3><p>ఒకటిన్నర కప్పుల గోదుమపిండి</p>

<p>సగం కప్పు సన్నటి ఉల్లిపాయ ముక్కలు</p>

<p>1 చెంచా సాంబార్ పొడి</p>

<p>సగం చెంచా కారం</p>

<p>సగం చెంచా ధనియాల పొడి</p>

<p>పావు చెంచా పసుపు</p>

<p>2 పచ్చిమిర్చి, సన్నటి తరుగు</p>

<p>1 కరివేపాకు రెబ్బ</p>

<p>తగినంత ఉప్పు</p>

<p>పావు టీస్పూన్ జీలకర్ర</p>

<p>కొత్తిమీర తరుగు కొద్దిగా</p>

<p>పావు కప్పు క్యారట్ తురుము</p>

<h3>గోదుమపిండి అడై తయారీ విధానం:</h3><ol><li>ముందుగా ఒక పెద్దగిన్నెలో గోదుమపిండి తీసుకోవాలి. అందులో సన్నగా తరుగుకున్న ఉల్లిపాయ ముక్కలు, పసుపు, సాంబార్ పొడి, ఉప్పు వేసుకోవాలి.</li><li>సన్నగా తరుగుకున్న <a class="manualbacklink" target="_blank" href="https://telugu.hindustantimes.com/web-stories/5-benefits-of-curry-leaves-for-hair-growth-and-health-121698496003830.html">కరివేపాకు</a>, కొత్తిమీర, జీలకర్ర, క్యారట్ తురుము, ధనియాల పొడి కూడా వేసుకుని కొద్దికొద్దిగా నీళ్లు పోసుకోవాలి.</li><li>నీళ్లు పోసుకుంటూ పలుచటి పిండిని ఉండల్లేకుండా కలుపుకోవాలి. పిండి మరీ పలుచగా ఉండకూడదు.</li><li>పెనం పెట్టుకుని వేడెక్కాక కొద్దిగా నూనె రాసుకోవాలి. ఇప్పుడు గరిటెడు పిండి వేసుకుని కాస్త మందంగా <a class="manualbacklink" target="_blank" href="https://telugu.hindustantimes.com/lifestyle/today-breakfast-recipe-how-to-make-bread-dosa-in-telugu-121694769495838.html">దోసె</a>ల్లాగా పోసుకోవాలి.</li><li>అంచుల వెంబడి నూనె వేసుకుంటూ రెండు వైపులా కాల్చుకోవాలి. కాస్త రంగు మారాక తీసుకుని వేడిగా సర్వ్ చేసుకోవడమే.</li><li>వీటిని వేడిగా ఏదైనా చట్నీతో లేదా రైతాతో సర్వ్ చేసుకుంటే చాలు.</li></ol><p> </p>

Weight Loss Tips : ఈ 6 చెత్త అలవాట్లు మానేయండి.. బరువు తగ్గుతారు

Weight loss Tips

<ul><li>Weight Loss Tips In Telugu : చాలా మంది ఎదుర్కొనే సమస్య బరువు ఎక్కువగా ఉండటం. దీని నుంచి బయటపడేందుకు కొన్ని చిట్కాలు పాటించాలి. కొన్ని అలవాట్లను మానుకోవాలి. అవేంటో తెలుసుకుందాం..</li></ul>

Pulao Recipe : హోటల్ స్టైల్ పలావ్ రెసిపీ.. లాగించొచ్చు కమ్మ కమ్మగా

pulao recipe making

<ul><li>Pulao Recipe In Telugu : పలావ్ అత్యంత ప్రాచుర్యం పొందిన రైస్ ఐటమ్‌లలో ఒకటి. రకరకాల కూరగాయలు, మసాలా దినుసులతో చేసే పలావ్ అంటే చాలా మందికి ఇష్టం. ముఖ్యంగా హోటళ్లలో దొరికే పలావ్ రుచి వేరు. అది ఎలా చేయాలో తెలుసుకుందాం..</li></ul>

Types Of Salt : ఉప్పులో 10 రకాలు.. మీ ఆరోగ్యానికి ఏది మంచిది?

types of salt

<ul><li>Salt Types : ఉప్పు మనిషి చాలా అవసరమైనది. అది తక్కువైనా సమస్యే.. ఎక్కువైనా ఇబ్బందే. అయితే ఉప్పులో చాలా రకాలు ఉంటాయి. అందులో మీ ఆరోగ్యానికి ఏంది మంచిదో తెలుసుకోండి.</li></ul>

Dry Clothes Without Sun : ఎండ లేకపోయినా చలికాలంలో బట్టలు ఆరబెట్టుకోవడం ఎలా?

Winter dry Clothes

<ul><li>Dry Clothes Without Sun : శీతాకాలం వచ్చిందంటే చాలా మంది ఎదుర్కొనే ప్రధాన సమస్య బట్టలు ఆరకపోవడం. సూర్యుడు రాకుంటే బట్టలు ఆరకపోవడమే కాదు.. చెడు వాసన కూడా వస్తాయి. దీని నుంచి బయటపడేందుకు కొన్ని చిట్కాలు పాటిస్తే చాలు.</li></ul>

<p>Wheat Adai: ఉదయం అల్పాహరంలోకి గోధుమపిండితో అడై ప్రయత్నించి చూడండి. చాలా సులభంగా రెడీ అయిపోతుంది. రుచిగా ఉంటుంది.&nbsp;</p>

మంచి భాగస్వామి లక్షణాలు

మీ భాగస్వామిది నిజమైన ప్రేమని తెలిపే లక్షణాలు

the true characters of loving partener

slide

మీ భాగస్వామికి మీమీద ఉన్నది నిజమైన ప్రేమని తెలిపే లక్షణాలివే..

మీ భాగస్వామితో ఉన్నప్పుడు నిశ్చింతగా, భద్రంగా ఉన్నామనే భావన ఉంటుంది. భయం అస్సలే ఉండదు.

you will fell safer and secured when you are with partner

మీ భాగస్వామితో ఉన్నప్పుడు నిశ్చింతగా, భద్రంగా ఉన్నామనే భావన ఉంటుంది. భయం ఉండదు.

మీరు వాళ్లతో ఎలాంటి విషయాన్నైనా మాట్లాడగలుగుతారు. ఏదీ దాచకుండా నిజాయతీగా చర్చించగలుగుతారు.

you can share anything without fear with your partner. 

మీ వ్యక్తిగత విషయంలో ఏ సమస్యలొచ్చినా మేమున్నామనే భరోసా ఇస్తారు. సమస్య తీర్చే ప్రయత్నం చేస్తారు. 

he will try to solve the problems in your personal life and tries to understand them

మీ వ్యక్తిగత విషయంలో ఏ సమస్యలొచ్చినా మేమున్నామనే భరోసా ఇస్తారు. సమస్య తీర్చే ప్రయత్నం చేస్తారు. 

మీ ఇష్టాఅయిష్టాలకు సంబంధించిన చిన్న చిన్న విషయాల్ని కూడా గుర్తు పెట్టుకునే ప్రయత్నం చేస్తారు. 

he will remember every small thing about your likes and dislikes

మీ ఇష్టాఅయిష్టాలకు సంబంధించిన చిన్న చిన్న విషయాల్ని కూడా గుర్తు పెట్టుకునే ప్రయత్నం చేస్తారు. 

మిమ్మల్ని మీరున్నట్లుగానే అంగీకరిస్తారు. మీ లోపాల్ని కూడా అర్థం చేసుకొని ఇష్టపడతారు. 

your partner will understand your flaws and accept them

మిమ్మల్ని మీరున్నట్లుగానే అంగీకరిస్తారు. మీ లోపాల్ని కూడా అర్థం చేసుకొని ఇష్టపడతారు. 

మీరు చెప్పే విషయాన్ని వినకుండా వాళ్లు చెప్పిందే వేదం అన్నట్లు ప్రవర్తించరు.  మిమ్మల్నీ ఏ విషయంలోనూ బలవంతం చేయరు.

your partner will listen to your words. he will never force you in anything

మీరు చెప్పే విషయాన్ని వినకుండా వాళ్లు చెప్పిందే వేదం అన్నట్లు ప్రవర్తించరు.  మిమ్మల్నీ ఏ విషయంలోనూ బలవంతం చేయరు.

మీరేపని చేసినా సపోర్టివ్‌గా ఉంటారు. అలాకాకుండా వారితో ఏం మాట్లాడాలన్నా ఇబ్బందిగా ఉంటే మీ బంధం గురించి ఆలోచించుకోవాల్సిందే..

he will support you. or else you should think about your relationship

వివాహ బంధంలో మీ భాగస్వామిలో కొన్ని లక్షణాలు మీమీద వాళ్లకున్న ప్రేమను సూచిస్తాయి. ఆ లక్షణాలు మీ భాగస్వామిలో ఉన్నయో లేదో చూడండి. 

Relation with Husband: భర్త ప్రేమానురాగాలతో ఉండాలంటే.. స్త్రీలు ఏం చేయాలంటే..!

wife and husband relation

<p>భార్యా భర్తల బంధం ఆరోగ్యకరంగా ప్రేమతో నిండి ఉండాలి. అప్పుడే వారిద్దరూ కలిసి జీవన ప్రయాణాన్ని సజావుగా చేయగలుగుతారు. వారిద్దరి మధ్యన పొరపొచ్చాలు వచ్చినా అవి గంటల వ్యవధిలో సర్దుబాటు అయిపోయేలా ఉండాలి. అంతేకాని రోజుల తరబడి వాటికి సంబంధించిన గొడవలు ఉండకూడదు. ఈ విషయంలో ఇద్దరూ సర్దుబాటు ధోరణిలో వ్యవహరించాలి. అయితే భర్త ఎప్పుడూ భార్యపై ఎనలేని ప్రేమను కలిగి ఉండాలంటే భార్యలు కొన్ని రకాల పద్ధతులను అనుసరించాలని మానసిక వైద్య నిపుణులు చెబుతున్నారు. ఆ చిట్కాలు ఏంటంటే..</p>

<h3>నాణ్యమైన సమయం గడపండి:</h3><p><a class="manualbacklink" target="_blank" href="https://telugu.hindustantimes.com/lifestyle/5-things-a-husband-does-when-his-wife-is-not-at-home-every-women-must-read-121701663964961.html">భర్త</a> బయట నుంచి ఇంటికొచ్చిన తర్వాత అలసటగానో, విసుగుగానో ఉండటం సహజంగా జరుగుతూ ఉంటుంది. అలాంటప్పుడు వారికి కొంత సమయాన్ని ఇచ్చి అలా వదిలేయండి. తను కొంత రిఫ్రెష్‌ అయిన తర్వాత ఎక్కువ సేపు తనతో సమయం గడిపేందుకు ప్రయత్నించండి. కలిసి కాఫీ తాగడం, కబుర్లు చెప్పుకోవడం, పిల్లలో కలిసి ఆడుకోవడం లాంటివి చేయండి. భర్త ఇంట్లో ఉన్న కొద్ది సేపట్లో మీరు వంటింటి పనులు లేకుండా చూసుకోండి. కుటుంబ సమేతంగా కలిసి గడిపేందుకు సాయంత్రం కాసేపు సమయాన్ని కేటాయించుకోండి.</p>

<h3>నిజాయతీగా ఉండండి:</h3><p>మీరు చేస్తున్న పనులు, కుటుంబ సమస్యలు లాంటి అన్ని విషయాల్లోనూ నిజాయతీగా ఉండండి. మీ భర్తతో బంధం విషయంలో నమ్మకం అనేది ఇద్దరి మధ్యా కీలకంగా ఉంటుంది. ఒకరిపై ఒకరికి నమ్మకం ఉంటే ఆ బంధం ఎంతో బలంగా ఉంటుంది. అలా నమ్మకం కలిగేందుకు మీ తరఫు నుంచి మీరు ఏంమేం చేయగలరో వాటన్నింటినీ చేయండి. చిన్న చిన్న దాపరికాలు కూడా సమయం కలిసి రాకపోతే ఇద్దరి మధ్య పెద్ద అఘాదాన్ని సృష్టిస్తాయన్న విషయాన్ని గుర్తుంచుకుని ప్రవర్తించండి.</p>

<h3>సర్దుబాటు ధోరణి:</h3><p>భార్య భర్తలు అన్నాక ఏదో ఒక విషయంలో చిన్నచిన్న గొడవలు అవుతూనే ఉంటాయి. అయితే మీరీ విషయంలో సర్దుబాటు ధోరణిలో వ్యవహరించండి. చిన్న విషయాలను పెద్దవి చేసుకుని పోట్లాడుకుంటే మీ విలువైన సమయం <a class="manualbacklink" target="_blank" href="https://telugu.hindustantimes.com/rasi-phalalu/kedareshwara-vratam-a-path-to-marital-bliss-on-kartika-pournami-121700710476248.html">గొడవ</a> గురించి వృధా అవుతుందన్న విషయాన్ని గుర్తుంచుకోండి. గొడవ పడి సమయం వృధా చేసుకోవడం కంటే ప్రేమగా ఉండి ఆక్షణాల్ని ఆస్వాదించేందుకు ఎక్కువగా విలువ ఇవ్వండి. ప్రయత్నించండి.</p>

<h3>నిందలు వేయొద్దు:</h3><p>అవకాశం దొరికినప్పుడల్లా భర్తను నిందించాలని చూడకండి. బదులుగా అవకాశం దొరికినప్పుడల్లా ఆయన చేసిన మంచి పనులను ప్రశంసించండి. అందువల్ల ఎదుటి వారికి కొండంత బలం చేకూరినట్లు అవుతుంది. ఏ పనిని అయినా మీ ప్రోత్సాహంతో చక్కగా చక్కబెట్టగలుగుతానన్న ఆత్మ విశ్వాసం మరింత పెరుగుతుంది. ఇవన్నీ భర్త మీ వైపు ఇంకా ఎక్కువ ఇష్టం చూపించడానికి పరోక్షంగా సహకరిస్తాయి.</p>

<p>Relation with Husband: భర్తతో అనుబంధం ప్రేమనురాగాలు, ఆప్యాయలతో నిండిపోవాలంటే భార్యగా కొన్ని పనులు చేయాల్సిందే. కొన్ని విషయాలు దృష్టిలో ఉంచుకోవాల్సిందే. అవేంటో చూసేయండి.</p>

Achari Alu Brinjal: అచారీ ఆలూ వంకాయ కూర.. ఒక్కసారి తింటే వదలరు..

Achari alu brinjal curry

<p>వంకాయ, బంగాళదుంప కాంబినేషన్‌లో ఎలాంటి కూర చేసినా బాగుంటుంది. చాలా మందికి ఇది ఫేవరైట్ కూడా. కానీ కాస్త కొత్త రుచిలో చేయాలనుకుంటే అచారీ ఆలూ వంకాయ ట్రై చేయండి. ఒక మసాలా ప్రత్యేకంగా తయారు చేసి ఈ కూరలో కలపడం వల్ల కొత్త రుచి వస్తుంది. దీన్ని చపాతీలు, అన్నంలోకి ఎలాగైనా తినేయొచ్చు.</p>

<h3>అచారీ ఆలూ బైంగన్ కోసం కావాల్సిన పదార్థాలు:</h3><p>పావు కేజీ వంకాయలు</p>

<p>3 మీడియం సైజు బంగాళదుంపలు</p>

<p>పావు కప్పు టమటా గుజ్జు (1 టమాటా రసం)</p>

<p>సగం కప్పు ఉల్లిపాయ ముక్కలు</p>

<p>అరచెంచా అల్లం వెల్లుల్లి ముద్ద</p>

<p>పావు టీస్పూన్ పసుపు</p>

<p>చిటికెడు ఇంగువ</p>

<p>అరచెంచా కారం</p>

<p>అరచెంచా ధనియాల పొడి</p>

<p>పావు టీస్పూన్ జీలకర్ర పొడి</p>

<p>2 చెంచాల వంటనూనె</p>

<p>కొద్దిగా కొత్తిమీర</p>

<h3>మసాలా కోసం కావాల్సిన పదార్థాలు:</h3><p>1 టీస్పూన్ సోంపు గింజలు</p>

<p>1 టీస్పూన్ ఆవాలు</p>

<p>1 టీస్పూన్ మెంతులు</p>

<p>1 టీస్పూన్ కలోంజీ</p>

<p>1 టీస్పూన్ జీలకర్ర</p>

<h3>అచారీ ఆలూవంకాయ తయారీ:</h3><ol><li>ముందుగా అచారీ మసాలా సిద్ధం చేసుకోవాలి. దానికోసం మందపాటి కడాయిలో సోంపు, ఆవాలు, మెంతులు, కలోంజీ, జీలకర్ర, ఎండుమిర్చి వేసుకుని వేయించుకోవాలి.</li><li>కాస్త సువాసన వచ్చాక స్టవ్ కట్టేసి. చల్లారాక వీటన్నింటినీ మిక్సీ పట్టుకోవాలి. అచారీ మసాలా సిద్దం అయినట్లే.</li><li>ఇప్పుడు <a class="manualbacklink" target="_blank" href="https://telugu.hindustantimes.com/lifestyle/how-to-make-kashmiri-style-brinjal-recipe-khatte-baingan-121701404279665.html">వంకాయ</a>ల్ని కడుక్కుని పొడవాటి ముక్కల్లాగా కట్ చేసుకోవాలి. అలాగే బంగాళదుంపల్ని కూడా కాస్త పెద్ద ముక్కల్లాగా కట్ చేసుకోవాలి.</li><li>కడాయి పెట్టుకుని వేడెక్కాక వంటనూనె వేసుకోవాలి. అందులో ఉల్లిపాయ, వంకాయ ముక్కల్ని వేసుకొని కలుపుకోవాలి. ఒక నిమిషం ఆగి ఆలూ ముక్కలు కూడా వేసుకోవాలి.</li><li>ముక్కలు కాస్త మెత్తబడ్డాక <a class="manualbacklink" target="_blank" href="https://telugu.hindustantimes.com/lifestyle/know-about-hing-and-its-health-benefits-of-regular-consumption-121700552515542.html">ఇంగువ</a>, అల్లం వెల్లుల్లి ముద్ద, ధనియాల పొడి, జీలకర్ర పొడి వేసుకుని కలుపుకోవాలి.</li><li>మసాలాలు వేగాక టమాటా గుజ్జు కూడా వేసుకుని మూత పెట్టి బాగా ఉడకనివ్వాలి.</li><li>ఇప్పుడు పచ్చివాసన పోయాక ముందుగా సిద్ధం చేసుకున్న అచారీ మసాలా వేసుకోవాలి. చివరగా సగం కప్పు నీళ్లు పోసుకుని మూత పెట్టుకోవాలి.</li><li>కూరగాయల ముక్కలన్నీ మెత్తబడ్డాక చివరగా కొత్తిమీర చల్లుకుని దింపేసుకుంటే రుచికరమైన అచారీ ఆలూ వంకాయ రెడీ అయినట్లే.</li></ol><p> </p>

<p>Achari Alu Brinjal: బంగాళదుంపలు, వంకాయలు కలిపి ఒకసారి అచారీ ఆలూ వంకాయ ట్రై చేసి చూడండి. ఎప్పుడూ చేసేలా కాకుండా కొత్త రుచితో నచ్చేస్తుంది.&nbsp;</p>

Tips to Pick Oranges: జ్యూసీగా, తియ్యగా ఉండేలా ఆరెంజెస్ ఎంపిక, నిల్వ ఎలా చేయాలంటే?

tips to follow to choose oragnges

<p>ఈ కాలంలో కమలాఫలాలు ఎక్కువగా వస్తూ ఉంటాయి. ధర తక్కువకే దొరుకుతూ ఉంటాయి. వీటిని తినడం వల్ల సీ విటమిన్‌ లభిస్తుందని అందరికీ తెలిసిన విషయమే. సీజన్లో దొరికే ఈ పండ్లను తప్పకుండా తినాలని వైద్య నిపుణులు చెబుతుంటారు. అయితే వీటిని ఎంపిక చేసుకోవడం, నిల్వ చేయడం అనే రెండింటిలోనూ కూడా మనం చాలా జాగ్రత్తలు తీసుకోవాలి.</p>

<h3>నారింజ ఎంపికలో జాగ్రత్తలు :</h3><p>నారింజ రంగులో చూస్తేనే నోరూరిపోతూ ఉండే కమలా ఫలాలను ఎంపిక చేసుకోవడానికి కొన్ని విషయాలను మనం దృష్టిలో ఉంచుకోవాలి. వీటిలో కొన్ని తొక్క దళసరిగా ఉండి పెద్దగా, గుల్లగా ఉంటాయి. అవి బరువు కూడా తక్కువగా ఉంటాయి. అలా గుల్లగా ఆకారంలో పెద్దగా ఉన్న వాటిని తీసుకోకూడదు.</p>

<p>కమలాఫలం బరువుగా ఉండాలి. కాస్త మెత్తగా ఉండాలి. అప్పుడు అందులో ఎక్కువ రసం ఉన్నట్లు అర్థం. అలా ఉన్నవి ఎక్కువ జ్యూసీగా రుచిగా ఉంటాయి. అలా కాకుండా బరువు తక్కువగా ఉండే వాటిలో రసం ఉండకుండా పొడి పొడిగా ఉంటాయి. తినడానికి అంత మంచిగా అనిపించవు.</p>

<p>తొక్క పల్చగా ఉన్న కాయలు ఎక్కువగా రుచిగా ఉండే అవకాశం ఉంటుంది. కొంత మంది నారింజ రంగులో పండు ఉంటేనే తియ్యగా ఉంటుందని అనుకుంటారు. అయితే రంగును ఒక్కదాన్నే ఇక్కడ పరిగణలోకి తీసుకోకూడదు. తొక్క పల్చగా ఉండి, బరువుగా ఉంటే పచ్చగా ఉన్న కాయ అయినా సరే దానితో సమానంగా తియ్యగా ఉంటుంది.</p>

<h3>నిల్వ ఎలా చేయాలంటే :</h3><p>కమలా ఫలాలను గది ఉష్ణోగ్రత వద్ద నిల్వ చేయడం మంచి పద్ధతి. ఎక్కువగా సూర్యరశ్మి తగలకుండా ఉండే చల్లటి గదిలో వీటిని ఉంచడం వల్ల పోషకాలు, విటమిన్‌ సీ లాంటివి ఎక్కువగా కోల్పోకుండా ఉంటాయి.</p>

<p>అలా కాకుండా ఫ్రిజ్‌లో వీటిని నిల్వ పెట్టుకోవాలంటే కొన్ని పోషకాలు తగ్గిపోయే అవకాశాలు ఎక్కువగా ఉంటాయి. నెట్‌ బ్యాగ్‌లను తీసుకుని వాటిలో వీటిని వేసి పెట్టుకోవాలి. ఇవి ఫ్రిజ్‌లో పెట్టుకున్నప్పుడు <a class="manualbacklink" target="_blank" href="https://telugu.hindustantimes.com/lifestyle/tips-and-tricks-to-reduce-bad-smell-from-fridge-121696758313352.html">రిఫ్రిజరేటర్‌</a> ఉష్ణోగ్రత తక్కువలో ఉండేలా జాగ్రత్త పడాలి. గడ్డకట్టే ఉష్ణోగ్రతలు లేకుండా జాగ్రత్త పడాలి.</p>

<p>అదే వీటిని <a class="manualbacklink" target="_blank" href="https://telugu.hindustantimes.com/lifestyle/diy-orange-peel-face-masks-for-oily-dry-and-normal-skin-types-121684820997966.html">తొక్క</a> తీసేసి నిల్వ చేసుకోవాలంటే ఎయిర్‌ టైట్‌ కంటైనర్‌లో పెట్టుకుని మూత పెట్టి ఫ్రిజ్‌లో ఉంచుకోవాలి. అందువల్ల ఎక్కువ సమయం పాటు ఫ్లేవర్‌ పోకుండా రుచిగా ఉంటాయి. కొంత మంది సగం కమలా పండును తిని మిగిలిన తొనలను ఫ్రిజ్‌లో పెడుతుంటారు. ఇలా నేరుగా ఫ్రిజ్‌లో పెట్టడం వల్ల అందులో ఉన్న రసం ఆవిరి అయిపోయి పొడిగా తయారవుతాయి. మిగిలిన తొనల్ని కూడా కచ్చితంగా ఎయిర్‌ టైట్‌ కంటైనర్‌లో పెట్టుకోవడమో లేదంటే సిల్వర్‌ ఫోయిల్‌లో ర్యాప్‌ చేయడమో చేయాల్సి ఉంటుంది. కాబట్టి కమలా పండ్లను ఎంపిక చేసుకోవడంలో నిల్వ చేసుకోవడంలో ఈ చిట్కాలను తప్పకుండా దృష్టిలో ఉంచుకోండి.</p>

<p>Tips to Pick Oranges: ఆరెంజ్ కొనేటప్పుడు కొన్ని టిప్స్ పాటిస్తే రుచికరమైన పండ్లు కొనేయొచ్చు. అలాగే వాటిని భద్రపరిచేటప్పుడు తీసుకునే జాగ్రత్తల వల్ల ఎక్కువ కాలం నిల్వ ఉంటాయి. అవేంటో చూసేయండి.&nbsp;</p>

Probiotic Foods: పేగుల్ని ఆరోగ్యంగా ఉంచే.. మంచి ప్రొబయాటిక్ ఆహారాలు..

probiotic foods

<p>ప్రోబయాటిక్స్‌ అనేవి మన పేగుల్లో జీవించే మంచి బ్యాక్టీరియా అన్నమాట. ఇవి మనం ఆరోగ్యంగా ఉండటంలో అనేక విధాలుగా ఉపయోగపడతాయి. జీవక్రియను మెరుగుపరచడం, రోగ నిరోధక వ్యవస్థను బలోపేతం చేయడం, తిన్న ఆహారంలోని పోషకాలను శరీరం శోషించుకునేలా చేయడం.. లాంటి వాటిలో ఇవి ఎంతగానో మనకు ఉపయోగపడతాయి.</p>

<p>ఈ పేగుల్లో మంచి బ్యాక్టీరియాలు కాకుండా చెడు బ్యాక్టీరియాలు పెరిగితే మనకు అనేకానేక అనారోగ్యాలు వస్తాయి. అలా కాకుండా మన పేగుల్లో ఎప్పుడూ మంచి బ్యాక్టీరియా పెరిగేందుకు కొన్ని ప్రోబయోటిక్‌ ఆహారాలను కచ్చితంగా తీసుకుంటూ ఉండాలని గ్యాస్ట్రో ఎంట్రాలజిస్టులు చెబుతున్నారు. మరి ఆ ఆహారాలేంటో తెలుసుకుందాం రండి.</p>

<h3>ప్రొబయాటిక్ ఆహారాలు:</h3><h2>పెరుగు, మజ్జిగ:</h2><p>చాలా మంది ఇళ్లల్లో తోడు పెట్టిన పెరుగును చిలికి వెన్న తీస్తారు. ఆ మిగిలిన పల్చటి మజ్జిగ మంచి ప్రోబయాటిక్‌ అని వైద్యులు చెబుతున్నారు. తెలుగు రాష్ట్రాల్లో మజ్జిగ, పెరుగును ఎప్పటి నుంచో ఆహారంలో భాగంగా వాడే అలవాటు ఎక్కువగా ఉంది. ఇవి మనకు మేలు చేసే సూక్ష్మ జీవుల్ని పేగుల్లో వృద్ధి చేస్తాయి. ఇడ్లీ పిండి, దోశ పిండి లాంటి వాటిని రాత్రి రుబ్బి పెట్టుకుని ఉదయాన్నే వాటితో అల్పాహారాలు చేసుకుంటాం. ఇవి పేగుల విషయంలో అత్యంత మంచి ఆహారాలు. అంతేకాకుండా ఎముకలు, గుండెను ఆరోగ్యంగా ఉంచుతాయి. బరువు తగ్గడంలో, మధుమేహ ప్రమాదాన్ని తగ్గించడంలో సహకరిస్తాయి.</p>

<h2>చీజ్‌:</h2><p>మనకు దొరికే చాలా వరకు చీజ్‌లు పులియబెట్టిన తర్వాత తయారయ్యేవే. కాబట్టి వీటిలోనూ సమృద్ధిగా మంచి బ్యాక్టీరియాలు ఉంటాయి. ఫుడ్‌ లేబుల్‌ మీద ‘యాక్టివ్‌ కల్చర్స్‌’ అని రాసి ఉంటే వాటిలో ప్రోబయాటిక్స్‌ ఉన్నట్లుగా మనం అర్థం చేసుకోవచ్చు. ముఖ్యంగా ఛద్దర్‌, మొజిరిల్లా, కాటేజ్‌ <a class="manualbacklink" target="_blank" href="https://telugu.hindustantimes.com/lifestyle/know-about-how-cheese-effects-on-health-and-its-nutrition-121696335564232.html">చీజ్‌</a> లాంటి వాటిలో ఇవి పుష్కలంగా ఉంటాయి. వీటిని నుంచి ఎక్కువ మొత్తంలో ప్రొటీన్‌తో పాటు విటమిన్‌ ఏ, బీ6, బీ12, కే, కాల్షియం, అయోడిన్‌, మెగ్నీషియం, పాస్ఫరస్‌, సెలీనియం, జింక్ లాంటివి లభిస్తాయి.</p>

<h2>పచ్చళ్లు:</h2><p>మనం సాధారణంగా పచ్చళ్లు చేసుకోవడానికి ఉప్పు వేసి వాటిని ఊరబెడతాం. అయితే ప్రపంచ వ్యాప్తంగా పికిల్డ్ వెజిటెబుల్స్‌ని ఉప్పు నీళ్లలో ఊరబెట్టడం ద్వారా చేస్తారు. వాటిని సలాడ్లలో, ఆహారంలో భాగంగా కొద్ది కొద్దిగా తింటూ ఉంటారు. మన పచ్చళ్లలోనూ ప్రోబయోటిక్స్‌ కొద్ది మొత్తంలో ఉంటాయి కానీ ఇలా నీటిలో ఊరబెట్టే వాటిలో మరింత ఎక్కువగా ఉంటాయి. కాబట్టి ఇవి మన ఆరోగ్యానికి మరింతగా మంచి చేస్తాయి. వీటిలో <a class="manualbacklink" target="_blank" href="https://telugu.hindustantimes.com/lifestyle/know-how-many-calories-are-burned-for-each-work-we-do-121695781152417.html">కేలరీలు</a> తక్కువగా, విటమిన్‌లు, పోషకాలు ఎక్కువగా ఉంటాయి. పికెల్డ్‌ కుకుంబర్‌ లాంటి వాటిని తినడం వల్ల విటమిన్‌ కే లభిస్తుంది. ఇది దెబ్బలు తగిలినప్పుడు రక్తం గడ్డ కట్టడానికి ఎంతగానో ఉపయోగపడుతుంది. అయితే వీటిలో ఉప్పు శాతం అధికంగా ఉంటుంది. కాబట్టి రోజూ కొద్ది మొత్తంలో మాత్రమే తినాలని గుర్తుంచుకోవాలి.</p>

<p>Probiotic Foods: కొన్ని రకాల ప్రొబయాటిక్ ఆహారాలు క్రమం తప్పకుండా తీసుకోవడం చాలా సులువు. వాటి వల్ల పేగు ఆరోగ్యం మెరుగుపడుతుంది. అలాంటి ఆహారాలేవో తెల్సుకోండి.</p>

Tomato Oats: కమ్మగా, పుల్లగా టమాటా ఓట్స్.. చలికాలంలో బెస్ట్ బ్రేక్‌ఫాస్ట్..

tomato oats

<p>చలికాలంలో వేడిగా, కారంగా, నోటికి రుచిగా ఏదైనా తినాలనిపిస్తుంటుంది. అలాంటప్పుడు సింపుల్‌గా అయిపోయే ఈ టమాటా ఓట్స్ ప్రయత్నించండి. ఎప్పుడూ తినే ఓట్స్ కాకుండా ఇవి కాస్త పుల్లగా ఉంటాయి. రుచిని బట్టి టమాటాలు ఎక్కువా, తక్కువా వేసుకోవచ్చు. వాటి తయారీ ఎలాగో వివరంగా చూసేయండి. </p>

<h3>టమాటా ఓట్స్ కోసం కావాల్సిన పదార్థాలు:</h3><p>1 కప్పు ఓట్స్</p>

<p>2 పెద్ద టమటాలు, సన్నటి ముక్కలు</p>

<p>2 చెంచాల నెయ్యి</p>

<p>పావు చెంచా జీలకర్ర</p>

<p>చిన్న అంగుళం ముక్క</p>

<p>2 పచ్చిమిర్చి</p>

<p>1 ఉల్లిపాయ, సన్నటి ముక్కలు</p>

<p>పావు చెంచా కారం</p>

<p>పావు చెంచా ధనియాల పొడి</p>

<p>పావు చెంచా గరం మసాలా</p>

<p>గుప్పెడు బటానీలు</p>

<p>కొద్దిగా కొత్తిమీర తరుగు</p>

<h3>టమాటా ఓట్స్ తయారీ విధానం:</h3><ol><li>ఒక కడాయిలో నెయ్యి లేదా నూనె వేసుకోవాలి. నూనె వేడెక్కాక జీలకర్ర, అల్లం, పచ్చిమిర్చి ముక్కలు వేసుకుని కాస్త పచ్చివాసన పోయేదాకా వేయించాలి.</li><li>అందులో ఉల్లిపాయ ముక్కలు కూడా వేసుకుని రంగు మారేదాకా వేయించుకోవాలి.</li><li>కాసేపాగి మసాలాలన్నీ వేసుకోవాలి. పసుపు, <a class="manualbacklink" target="_blank" href="https://telugu.hindustantimes.com/lifestyle/know-how-to-make-ghee-karam-or-podi-idli-at-home-121701100807788.html">కారం</a>, ధనియాల పొడి, గరం మసాలా వేసుకుని వేగనివ్వాలి. ఒక నిమిషం వేగాక సన్నటి టమాటా ముక్కలు, ఉప్పు కూడా వేసుకుని కలుపుకోవాలి.</li><li>అవి మగ్గేదాకా మూత పెట్టుకోవాలి. కాస్త ముక్క మెత్తబడ్డాక బటానీలు కూడా వేసుకుని ఒక కప్పు ఓట్స్‌కు నాలుగు కప్పుల నీళ్లు పోసుకోవాలి. అవి ఒక ఉడుకు వచ్చేదాకా ఆగాలి.</li><li>అందులో కప్పు <a class="manualbacklink" target="_blank" href="https://telugu.hindustantimes.com/lifestyle/is-it-fine-to-eat-oats-for-breakfast-regularly-know-in-detail-121697733155185.html">ఓట్స్</a> వేసుకొని ఉండలు కట్టకుండా కలుపుకోవాలి. ఒక నిమిషంలో ఓట్స్ మెత్తగా ఉడికిపోతాయి. చివరగా కొత్తిమీర చల్లుకుని దించేసుకుంటే సరిపోతుంది. టమాటా ఓట్స్ రెడీ.</li></ol><p> </p>

<p>Tomato Oats: ఉదయం అల్పాహారంలోకి వేడిగా, పుల్లగా టమాటా ఓట్స్ చేసుకుని చూడండి. చాలా రుచిగా ఉంటాయి. తయారీ కూడా సులభమే.&nbsp;</p>

Recognize Real Love: మీ భాగస్వామిది నిజమైన ప్రేమే అని తెలిపే సంకేతాలు..

Recognize Real Love

<p>ప్రేమలో ఉన్న వారి ప్రపంచం చాలా అందంగా ఉంటుంది. వారి మాటలు, చేతలు అన్నీ మధుర జ్ఞాపకాలే. వాటిని గుర్తు తెచ్చుకుంటూ జంట ఇద్దరూ దూరంగా ఉన్నా తెగ ఆనంద పడిపోతూ ఉంటారు. ఆ భావోద్వేగాల పరంపర నుంచి కాస్త బయట పడితేగాని వారికి నిజమేదో, నటనేదో అర్థం కాదు. మీ భాగస్వామి ప్రేమ నిజమైనదే అయితే అందుకు వారి ప్రవర్తనలో కొన్ని సూచనలు కనిపిస్తూ ఉంటాయని మానసిక నిపుణులు చెబుతున్నారు. వారి ప్రవర్తన అలా లేకపోతే కాస్త లోతుగా గమనించాల్సిందేనని అంటున్నారు. అవేంటంటే..</p>

<h3>భాగస్వామిలో నిజమైన ప్రేమ సూచించే లక్షణాలు:</h3><p>1. వారితో ఉన్నప్పుడు మనకు ఎంతో భద్రంగా, రక్షణగా ఉన్నట్లు అనిపిస్తుంది. అన్ని విషయాల్లోనూ వారు మీకు సపోర్టివ్‌గా ఉంటారు. మీరు చేసే పనుల్లో ప్రోత్సాహకరంగా ఉంటారు. అలా కాకుండా వారి దగ్గర భయంగా, ఇబ్బందిగా ఉన్నట్లయితే ఈ బంధంపై మీరు ఇంకోసారి ఆలోచించుకోవాల్సిందే.</p>

<p>2. మీరు ఏం చెబుతున్నారన్న దాన్ని విని అవతలి వారు పూర్తిగా అర్థం చేసుకునే ప్రయత్నం చేస్తారు. అలా వినకుండా వారు చెప్పిందే వేదం అన్నట్లుగా ప్రవర్తించరు. అలాగే చేయమని మిమ్మల్ని బలవంతం చేయరు.</p>

<p>3. ప్రేమలో నిజాయతీగా ఉన్న వారు మంచి విషయాలనైనా, చెడు విషయాలనైనా సమానంగా చూస్తారు. కాబట్టి మీరు ఏ విషయం మీద అయినా వారితో అర్థవంతంగా సంభాషించగలరు. ఇది చెబితే ఎలా రియాక్ట్‌ అవుతారో అన్న అనుమానమే మీకు కలగదు. ఇద్దరూ మీ బంధంలో నిజాయతీగా ఉండ గలిగినప్పుడు మాత్రమే ఇది సాధ్యపడుతుంది.</p>

<p>4. మీరు ఏ చిన్న విషయాన్ని చెప్పినా వారు దాన్ని తప్పకుండా గుర్తుంచుకుంటారు. ముఖ్యంగా మీ ఇష్టాల గురించి తెలుసుకుని గుర్తు పెట్టుకునే ప్రయత్నం చేస్తారు.</p>

<p>5. మీ వ్యక్తిగత జీవితంలో ఏమైనా అనుకోని ఇబ్బందులు, సమస్యలు తలెత్తినప్పుడు వారు మీకు అండగా ఉండే ప్రయత్నం చేస్తారు. మీరు తిన్నారో లేదో, ఎలా ఉన్నారో అన్న ఆలోచనలు వారికి ఉంటాయి. అందుకనే ఎక్కువగా మీ యోగ క్షేమాలు తెలుసుకునే ప్రయత్నం చేస్తారు.</p>

<p>6. వారి ఇష్టా ఇష్టాలను మీ మీద రుద్దే ప్రయత్నం చేయరు. మీరు ఎలా ఉంటే అలా మిమ్మల్ని అంగీకరిస్తారు. అందుకనే ఇద్దరి మధ్యా బంధం ఎంతో ఆరోగ్యవంతంగా ఉన్నట్లు అనిపిస్తుంది. అది ఎవరికి వారికే అర్థం అవుతుంది.</p>

<p>7. మీరు ఏ మాత్రమూ నిజాయతీగా లేకుండా వారి దగ్గర ప్రవర్తించాల్సిన అవసరం ఉండదు. ఇది చెప్పకూడదు. అది చెప్పకూడదు అనే ఆలోచనలే రావు. ఇలాంటి భావనలతో మీరు వారితో సౌకర్యవంతంగా ఉన్నప్పుడు భాగస్వామిది నిజమైన ప్రేమే అని గుర్తించి మీరు జీవితంలో కలిసి ముందుకు వెళ్లవచ్చు.</p>

<p>Recognize Real Love: భాగస్వామిలో కొన్ని లక్షణాలు కనిపిస్తే అది నిజమైన ప్రేమను సూచిస్తుందట. ఆ లక్షణాలు మీలో, మీ భాగస్వామిలో ఉన్నాయో లేదో ఒకసారి పోల్చుకోండి మరి.&nbsp;</p>

Weight loss drinks: బరువు సులభంగా తగ్గించే.. 4 శీతాకాలపు పానీయాలు..

healthy drinks for weightloss

<p>అధిక బరువుతో బాధపడే చాలా మంది వెయిట్‌ లాస్‌ కోసం ప్రయత్నిస్తూ ఉంటారు. అయితే మిగిలిన కాలాలతో పోలిస్తే శీతాకాలంలో బరువు తగ్గడం కాస్త కష్టంగా ఉంటుంది. ఎందుకంటే ఈ కాలంలో శరీర జీవ క్రియ నెమ్మదిగా ఉంటుంది. అందువల్ల క్యాలరీలు తక్కువగా ఖర్చు అవుతాయి. </p>

<p> కాబట్టి మిగిలిన కాలాల్లో నెలకు 4 కేజీల బరువు తగ్గితే ఇప్పుడు మాత్రం రెండు కేజీలే తగ్గ గలుగుతారు. మరి ఈ కాలంలోనూ బరువు తగ్గేందుకు ఉపయోగపడే కొన్ని పానీయాలను పోషకాహార నిపుణులు సూచిస్తున్నారు. అవేంటంటే..</p>

<h3>1. దాల్చిన చెక్క పానీయం:</h3><p>గోరు వెచ్చటి నీటిలో చిటికెడు దాల్చిన చెక్క పొడి, తేనె వేసుకుని కలుపుకోవాలి. దాన్ని రోజూ తాగడం వల్ల జీవ క్రియ మెరుగుపడుతుంది. ఫలితంగా శరీరంలో కేలరీలు ఎక్కువగా ఖర్చు అవ్వడానికి ఆస్కారం ఏర్పడుతుంది. ఇంకా ఇది రక్తంలో చక్కెర స్థాయిల్ని కూడా నియంత్రిస్తుంది. తేనె సహజమైన తీపి పదార్థం. ఇది జీవ క్రియను మెరుగుపరచడంలో సహకరిస్తుంది.</p>

<h3>2. నిమ్మకాయ రసంతో గ్రీన్‌ టీ:</h3><p>గ్రీన్‌టీలో చెప్పుకోదగినన్ని ఆరోగ్య ప్రయోజనాలు ఉంటాయి. యాంటీ ఆక్సిడెంట్లు పుష్కలంగా ఉండటం వల్ల జీవక్రియ వేగవంతం అవుతుంది. కావాలనుకుంటే ఈ గ్రీన్‌ టీలో కాస్త నిమ్మరసం, అల్లం తురుము చేర్చుకుని తాగొచ్చు. లేదంటే ఈ టీలో ఓ చెక్క నిమ్మకాయను ఊరికే అలా వేసుకోవచ్చు. అది యాంటీ ఆక్సిడెంట్ల లక్షణాలను మరింత పెంచుతుంది. దీంతో శరీరం <a class="manualbacklink" target="_blank" href="https://telugu.hindustantimes.com/lifestyle/effective-face-detoxification-method-for-glowing-face-121696219052245.html">డిటాక్సిఫికేషన్‌</a> జరుగుతుంది. అల్లం జీర్ణ క్రియను పెంచి బరువు నియంత్రణలో సహకరిస్తుంది.</p>

<h3>3. సోంపు పానీయం:</h3><p><a class="manualbacklink" target="_blank" href="https://telugu.hindustantimes.com/lifestyle/how-to-use-fennel-seeds-for-weight-loss-121682225303386.html">సోంపు</a> జీర్ణ క్రియను మెరుగుపరుస్తుంది. అలాగే శరీరంలో నీటి శాతం ఎక్కువగా ఉండకుండా చేస్తుంది. అందుకనే ఇవి బరువును తగ్గించడంలోనే చక్కగా సహకరిస్తాయి. సోంపు గింజల్ని గ్లాసుడు నీటిలో వేసి సగానికి మరగనివ్వాలి. గోరు వెచ్చగా వాటిని రోజూ తాగుతూ ఉండటం వల్ల జీర్ణ క్రియ మెరుగవుతుంది. పొట్ట ఉబ్బరం లాంటివి తగ్గుతాయి. ఫలితంగా జీవ క్రియ వేగవంతం అయి బరువు తగ్గేందుకు ఆస్కారం ఏర్పడుతుంది.</p>

<h3>4. అల్లం పానీయం:</h3><p>గోరు వెచ్చని నీటిలో తాజాగా తురిమిన అల్లాన్ని వేయాలి. అందులో కాస్త నిమ్మ రసం కలిపి తాగాలి. దీన్ని ఫ్యాట్‌ బర్నింగ్‌ డ్రింక్‌ అని చెప్పవచ్చు. ఇది జీవ క్రియను వేగవంతం చేస్తుంది. అలాగే నిమ్మకాయ వల్ల శరీరంలో పేరుకుపోయిన వ్యర్థాలు, విష పదార్థాలూ బయటకు వెళ్లిపోతాయి. ఉదయాన్నే పరగడుపున దీన్ని రోజూ క్రమం తప్పకుండా తాగడం వల్ల ఎక్కువగా ప్రయోజనాలు కలుగుతాయి. ఈ సమయంలో నిమ్మకాయ తీసుకుంటే కొంత మందికి పడదు. అలాంటి వారు నిమ్మకాయను పిండుకోకుండా అచ్చంగా అల్లం నీటినే తాగేందుకు ప్రయత్నించవచ్చు.</p>

<p>Weight loss drinks: శీతాకాలంలో బరువు తగ్గడం కాస్త కష్టంగా అనిపిస్తుంది. అందుకే ఈ నాలుగు పానీయాలతో ఆ పని కాస్త సులభం చేసుకోవచ్చు. అవేంటో తెల్సుకుని ప్రయత్నించి చూడండి.</p>

Easy Plants for Beginners: కొత్తగా మొక్కలు పెంచుతున్నారా? తేలికగా పెరిగే మొక్కలు ఇవే!

easy plants for beginners

<p>మొక్కలు పెంచడం అంటే చాలా మందికి ఇష్టం. ఈ మధ్య కాలంలో చిన్న పిల్లల నుంచి టీనేజ్‌ వయసు ఉన్న వారు కూడా కొత్తగా మొక్కలు పెంచేందుకు ఆసక్తి చూపిస్తున్నారు. అయితే బిగినర్లు కష్టంగా పెరిగే మొక్కల్ని పెంచితే వారు ప్రారంభంలోనే నిరాశకు గురవుతారు. అలా కాకుండా తేలికగా ఆరోగ్యకరంగా మొక్కలు పెరుగుతుంటే వారికి ఇంకా ఇంకా మొక్కల్ని పెంచాలన్నా కోరిక పెరుగుతుంది. అలా ప్రారంభ దశలో ఉన్న వారు పెంచడానికి అనువుగా ఉండే కొన్ని మొక్కల జాబితా ఇక్కడుంది. చదివేయండి.</p>

<h3>పీస్‌ లిల్లీ :</h3><p>గుబురుగా, పొట్టిగా పెరిగే మొక్కల్లో పీస్‌ లిల్లీ ఒకటి. ఇవి ఎక్కువగా ఎండ తగలని ప్రదేశాల్లో బాగా పెరుగుతాయి. రోజుకు ఓ గంట మాత్రమే ఎండ తగిలే చోట్ల వీటిని పాతుకోవచ్చు. మట్టిలో అయినా, కుండీలో అయినా కూడా ఇవి తేలికగా పెరుగుతాయి. రోజూ నీరు పోయడం, పది రోజులకు ఒకసారి పోషకాలు ఇవ్వడం చేస్తే సరిపోతుంది. ఇవి ఎంతో ఆరోగ్యంగా పెరుగుతాయి. చక్కగా తెల్లటి ఆకుల్లాంటి పూలతో అలరిస్తాయి. ఈ మొక్కల్లో రకరకాల రంగుల పూలు పూసేవీ అందుబాటులో ఉంటాయి.</p>

<h3>జడ్‌ జడ్‌ ప్లాంట్‌ :</h3><p>మొక్కలను పెంచాలనుకునే వారు ప్రారంభంలో ఎలాంటి కేర్‌ తీసుకోకపోయినా సరే చక్కగా పెరిగే మొక్క జడ్‌ జడ్‌ ప్లాంట్‌. దీనికి వారానికి ఒకసారి నీరు పోసినా సరిపోతుంది. అయితే ఇది చాలా వేగంగా పెరిగే మొక్క కాదు. కాస్త నెమ్మదిగా ఎదిగే మొక్క. ఇది నేరుగా ఎండ తగిలే చోట కంటే సెమీ షేడ్‌లో, నీడలో బాగా పెరుగుతుంది. కాబట్టి ప్రారంభ దశలో మొక్కల్ని పెంచాలని అనుకునే వారు దీన్ని ఎంచుకోవచ్చు.</p>

<h3>మనీ ప్లాంట్‌ :</h3><p>ఎవ్వరైనా సరే తేలికగా పెంచుకోగల మొక్కల్లో <a class="manualbacklink" target="_blank" href="https://telugu.hindustantimes.com/lifestyle/tips-to-grow-bushy-and-healthy-money-plant-at-home-121701584646834.html">మనీ ప్లాంట్‌</a> ముందు వరుసలో ఉంటుంది. ఇది ఇంట్లో అయినా, కొద్దిగా ఎండ పడే ప్రదేశంలో అయినా చక్కగా పెరుగుతుంది. ఇది గాలిని శుభ్రం చేస్తుంది. మూడ్‌ని మెరుగుపరుస్తుంది. దీనికి రోజూ నీరు పోస్తూ అప్పుడప్పుడూ పోషకాలు అందిస్తూ ఉంటే చాలు. ఆరోగ్యంగా పెరుగుతుంది. చీడపీడల్లాంటివీ దీనికి తక్కువగానే వస్తాయి. కాబట్టి మొక్కల్ని కొత్తగా పెంచుకోవాలని అనుకునే వారు దీనితో మొదలు పెట్టవచ్చు.</p>

<h3>సింగోనియం :</h3><p>సిగోనియం మొక్కల ఆకులు భలే అందంగా ఉంటాయి. వీటిలో రకరకాల రంగుల ఆకులుండే మొక్కలు అందుబాటులో ఉంటాయి. వీటిని పెంచడం చాలా తేలిక. నీరు పోస్తూ ఉంటే చాలు.. గుబురుగా ఆకులు వచ్చి చూసేందుకు ఎంతో అందంగా కనిపిస్తాయి. ఇటీవల కాలంలో ఇందులో వెరిగేటెడ్‌ వెరైటీలు అందుబాటులో ఉంటున్నాయి.</p>

<p>Easy Plants for Beginners: మొక్కలు పెంచాలనే ఆసక్తి వస్తే.. కొత్తగా ఏ మొక్కలు పెంచాలో, ఎలా పెంచాలో అని సందేహం ఉంటే.. ఈ మొక్కలు ప్రయత్నించండి. వీటిని సులభంగా ఎవరైనా పెంచేయొచ్చు.</p>

Koutik Pranaya Sree