Snake Gourd Benefits । వేసవిలో పొట్లకాయ తినడం చాలా మంచిది, ప్రయోజనాలు చూడండి!-from treating pcos to beating the heat know amazing health benefits of snake gourd ,లైఫ్‌స్టైల్ న్యూస్
తెలుగు న్యూస్  /  Lifestyle  /  From Treating Pcos To Beating The Heat, Know Amazing Health Benefits Of Snake Gourd

Snake Gourd Benefits । వేసవిలో పొట్లకాయ తినడం చాలా మంచిది, ప్రయోజనాలు చూడండి!

HT Telugu Desk HT Telugu
Jun 15, 2023 11:40 AM IST

Snake Gourd Health Benefits: వేసవిలో పొట్లకాయ తినడం చాలా ఆరోగ్యకరం. పొట్లకాయలు శరీరాన్ని చల్లబరిచే లక్షణాలను కలిగిస్తాయి. పొట్లకాయలను మీ డైట్‌లో చేర్చుకోవడం వలన కలిగే ఆరోగ్య ప్రయోజనాలు ఏమిటో ఇక్కడ తెలుసుకోండి.

Snake Gourd Health Benefits
Snake Gourd Health Benefits (istock)

Snake Gourd Health Benefits: వేడి వాతావరణం ఉన్నప్పుడు శరీరం నిర్జలీకరణంకు గురవుతుంది, ఇతర చర్మ సమస్యలు, జీర్ణ సమస్యలు సాధారణంగా ఉంటాయి. ఈ పరిస్థితుల నుంచి బయటపడేండుకు తాజా కూరగాయలు, పండ్లు ఎక్కువగా తీసుకోవాలి, నీరు ఎక్కువగా తాగాలి. ముఖ్యంగా నీరు, ఫైబర్ శాతం అధికంగా ఉండే కూరగాయలను ఎక్కువగా తినాలి. దోసకాయలు, సోరకాయల మాదిరిగానే, పొట్లకాయలు కూడా వేసవిలో తినడం ఆరోగ్యకరం. పొట్లకాయలు శరీరాన్ని చల్లబరిచే లక్షణాలను కలిగిస్తాయి, ఇవి శరీరాన్ని హైడ్రేట్ చేయడమే కాకుండా అవసరమయ్యే అన్ని పోషకాలను అందిస్తాయి. పొట్లకాయల్లో ఫైబర్ ఉంటుంది, ఇతర పోషకాలు సమృద్ధిగా ఉండటం వలన అనేక చర్మ సంబంధిత సమస్యలను కూడా పరిష్కరించగలవు. వేసవిలో పొట్లకాయలను మీ డైట్‌లో చేర్చుకోవడం వలన కలిగే ఆరోగ్య ప్రయోజనాలు ఏమిటో ఇక్కడ తెలుసుకోండి.

సన్ బర్న్ తగ్గిస్తుంది

మండు వేసవిలో ఉండే ఎండకు మీ చర్మం కమిలిపోవడం, నల్లబడటం జరిగే, పొట్లకాయ ఆ పరిస్థితిని నయం చేయడంలో చాలా సహాయపడుతుంది. ఇది చర్మంపై వాపు, చికాకును కూడా తగ్గిస్తుంది. మీరు పొట్లకాయలను కట్ చేసి, వాటిని నేరుగా మీ ముఖం, చర్మంపై ఉంచుకోవడం చేయడం వలన హైడ్రేటెడ్ గా కనిపించడం ప్రారంభిస్తుంది.

బరువు తగ్గడానికి సహాయపడుతుంది

పొట్లకాయలలో తక్కువ కేలరీలు ఉంటాయి, కొవ్వు పదార్ధం ఉండదు. ఇది నీరు, ఫైబర్‌తో పాటు ముఖ్యమైన పోషకాలను కలిగి ఉన్నందున అధిక బరువు నియంత్రణలో సహాయపడుతుంది. కాబట్టి మీరు సహజంగా బరువు తగ్గాలని చూస్తున్నట్లయితే ఈ కూరగాయను మీ డైట్‌లో చేర్చుకోండి.

జీర్ణవ్యవస్థను మెరుగుపరుస్తుంది

పొట్లకాయలో అధిక మొత్తంలో ఫైబర్ కంటెంట్ ఉన్నందున ఇది మలబద్ధకం, ఉబ్బరం, కడుపులో తిమ్మిరి వంటి జీర్ణ సమస్యలను నివారించడంలో సహాయపడుతుంది. అంతేకాకుండా, దాని భేదిమందు స్వభావం కారణంగా ఇది ప్రేగు కదలికలను నియంత్రిస్తుంది, తద్వారా పేగులో అసౌకర్యాన్ని తగ్గిస్తుంది. జీర్ణవ్యవస్థను మెరుగుపరుస్తుంది

శరీరాన్ని నిర్విషీకరణ చేస్తుంది

పొట్లకాయ మీ శరీరం నుండి విషపూరిత మూలకాలను బయటకు పంపడంలో మీ శరీరంలో అవయవాలకు సహాయపడుతుంది. దీని మూత్రవిసర్జక కారక లక్షణాల కారణంగా, ఇది శరీర నిర్విషీకరణలో సహాయపడుతుంది. ఈ కూరగాయ కాలేయం పనితీరును మెరుగుపరచడంలో కూడా సహాయపడుతుంది.

గుండె ఆరోగ్యాన్ని మెరుగుపరుస్తుంది

పొట్లకాయ సారం గుండె సంబంధిత సమస్యలను అరికట్టడంలో సహాయపడుతుంది. హృదయ సంబంధిత నొప్పిని తగ్గించడానికి ప్రతిరోజూ కనీసం 2 కప్పుల పొట్లకాయ సారం తీసుకోండి.

PCOS లక్షణాలను తగ్గిస్తుంది

మహిళలకు పొట్లకాయ తినడం ద్వారా మంచి ప్రయోజనం ఉంటుంది. ఇది ఆరోగ్యకరమైన శరీర బరువును నిర్వహించడానికి తోడ్పడుతుంది కావున, PCOS (పాలిసిస్టిక్ ఒవేరియన్ సిండ్రోమ్) ఉన్న మహిళలు క్రమం తప్పకుండా తినడం వలన సమస్య తగ్గుతుంది. పొట్లకాయలో ఉండే B విటమిన్లు, యాంటీ ఇన్‌ఫ్లమేటరీ ఫైటోన్యూట్రియెంట్‌లు సరైన శక్తి జీవక్రియను నిర్వహిస్తాయి. హార్మోన్ల అసమతుల్యతను నియంత్రించడంలో సహాయపడుతుంది. తద్వారా క్రమరహిత పీరియడ్స్ ను సరి చేస్తుంది.

అయితే పొట్లకాయ తినడం కొందరికి పడకపోవచ్చు. ఫుడ్ ఎలర్జీ ఉన్నవారు, దీనిని నివారించడం ఉత్తమం.

సంబంధిత కథనం