Breast Cancer । ముందుగా గుర్తిస్తే రొమ్ము క్యాన్సర్‌ను జయించవచ్చు, లక్షణాలు, చికిత్సలు ఇవే-early diagnosis can save women from breast cancer know symptoms treatment and more ,లైఫ్‌స్టైల్ న్యూస్
తెలుగు న్యూస్  /  Lifestyle  /  Early Diagnosis Can Save Women From Breast Cancer, Know Symptoms, Treatment And More

Breast Cancer । ముందుగా గుర్తిస్తే రొమ్ము క్యాన్సర్‌ను జయించవచ్చు, లక్షణాలు, చికిత్సలు ఇవే

HT Telugu Desk HT Telugu
Mar 06, 2023 12:15 PM IST

Breast Cancer: ప్రతీ ఎనిమిది మంది మహిళల్లో ఒకరు రొమ్ము క్యాన్సర్‌ వ్యాధి బారిన పడుతున్నట్లు గణాంకాలు చెబుతున్నాయి. త్వరగా గుర్తిస్తే, ప్రాణాపాయం తప్పుతుంది, ఎలాగో చూడండి..

Breast Cancer
Breast Cancer (Unsplash)

రొమ్ము క్యాన్సర్ అనేది రొమ్ములోని కణజాలంపై ప్రభావం చూపే క్యాన్సర్ రూపం. ఇది మహిళల్లో సంభవించే అత్యంత సాధారణమైన క్యాన్సర్ రకాల్లో ఒకటి. ప్రతీ ఎనిమిది మంది మహిళల్లో ఒకరు తమ జీవితకాలంలో ఏదో ఒక సమయంలో రొమ్ము క్యాన్సర్‌ను అభివృద్ధి చేస్తారని నివేదికలు పేర్కొన్నాయి. అయితే, సకాలంలో రోగ నిర్ధారణ, తగిన చికిత్స తీసుకోవడం వలన ఈ ప్రాణాంతక వ్యాధి ముప్పు నుంచి బయటపడే అవకాశాలు ఉన్నాయి. రెగ్యులర్ మామోగ్రామ్‌ల ద్వారా రొమ్ము క్యాన్సర్‌ను ముందస్తుగా గుర్తించవచ్చు. అయితే అన్ని రొమ్ము క్యాన్సర్‌లను మామోగ్రామ్ ద్వారా గుర్తించలేమని ఇక్కడ గమనించాల్సిన విషయం.

Breast Cancer Symptoms - రొమ్ము క్యాన్సర్ ప్రాథమిక లక్షణాలు

మహిళల్లో రొమ్ము క్యాన్సర్ అభివృద్ధి చెందడాన్ని కొన్ని ముందస్తు సంకేతాల ద్వారా గుర్తించవచ్చు. రొమ్ము క్యాన్సర్ లక్షణాలు ఎలా ఉంటాయో ఇక్కడ చూడండి.

  • రొమ్ములో ముద్ద, ద్రవ్యరాశి పెరగడం
  • రొమ్ము ఆకారం, పరిమాణంలో మార్పులు
  • చనుమొనల నుంచి అసాధారణమైన ఉత్సర్గ
  • చంకలో గడ్డ ఏర్పడటం
  • రొమ్ము ప్రాంతంలో కొవ్వు, చర్మం మడతలు పడటం

Breast Cancer Diagnosis- రొమ్ము క్యాన్సర్ నిర్ధారణ

ఈ లక్షణాలు గమనించినట్లయితే ఇది రొమ్ము క్యాన్సర్‌కు సంకేతం కావచ్చు. కొన్నిసార్లు ఈ లక్షణాలు లేకపోయినా రొమ్ము క్యాన్సర్ సంభవించవచ్చు. రొమ్ము భాగంలో ఏదైనా అసాధారణ పరిస్థితులపై అనుమానం కలిగినపుడు వైద్యులను సంప్రదించి స్కానింగ్ చేయించుకోవడం ఉత్తమం. 50 ఏళ్లు పైబడిన మహిళలు ప్రతి రెండేళ్లకోసారి మామోగ్రామ్ చేయించుకోవాలని సూచించారు. అయితే దట్టమైన రొమ్ము కణజాలం కలిగిన మహిళల్లో మోమోగ్రామ్ చేసినప్పటికీ లక్షణాలు గుర్తించడం కష్టం అవుతుంది. అలాంటి సందర్భాల్లో వైద్యులు మరింత లోతైన విశ్లేషణ చేసి వ్యాధిని నిర్ధారించడం జరుగుతుంది.

రొమ్ము క్యాన్సర్ కు సంబంధించిన ఏవైనా లక్షణాలు లేదా అనుమానాలు ఉంటే, పరిస్థితిని నిర్ధారించడానికి వైద్యులు కొన్ని పరీక్షలను సూచించవచ్చు. వీటిలో మామోగ్రామ్, అల్ట్రాసౌండ్, MRI లేదా బయాప్సీ ఉండవచ్చు. బయాప్సీలో రొమ్ము కణజాలం నుండి చిన్న నమూనాను తీసుకొని, క్యాన్సర్ కణాల ఉనికిని మైక్రోస్కోప్‌లో పరీక్షించడం జరుగుతుంది.

Breast Cancer Treatment- రొమ్ము క్యాన్సర్ చికిత్స

రొమ్ము క్యాన్సర్‌కు చికిత్స చేయడం అనేది క్యాన్సర్ నిర్దిష్ట రకం, అది ఏ దశలో ఉందనే దానిపైఆధారపడి ఉంటుంది. రొమ్ము క్యాన్సర్‌కు అత్యంత సాధారణ చికిత్సలలో శస్త్రచికిత్స, కీమోథెరపీ , రేడియేషన్ థెరపీ ఉన్నాయి. చాలా రకాల రొమ్ము క్యాన్సర్‌లకు శస్త్రచికిత్స చేసి రొమ్ము నుండి క్యాన్సర్ కణజాలాన్ని తొలగించడం. మిగిలిన క్యాన్సర్ కణాలను నాశనం చేయడానికి కీమోథెరపీ, రేడియేషన్ థెరపీలను ఉపయోగిస్తారు.

శరీరం అంతటా క్యాన్సర్ కణాలను చంపడానికి కీమోథెరపీని కూడా ఉపయోగించవచ్చు. క్యాన్సర్ హార్మోన్ రిసెప్టర్-పాజిటివ్ అయితే హార్మోన్ థెరపీని ఉపయోగించవచ్చు. కొన్ని రకాల రొమ్ము క్యాన్సర్‌లకు కూడా టార్గెటెడ్ థెరపీని ఉపయోగించవచ్చు. అయితే ఏ చికిత్స అయినా రోగి ఆరోగ్యం, క్యాన్సర్ దశ, అది ఎలాంటి రకం మొదలన ప్రాధాన్యతలను పరిగణలోకి తీసుకుంటారు.

WhatsApp channel

సంబంధిత కథనం