Vishnupriya Smoking: బిగ్ బాస్‌లో సిగరెట్ తాగుతూ దొరికిపోయిన విష్ణుప్రియ- వీడియో వైరల్- నిజమేనన్న ఎలిమినేట్ కంటెస్టెంట్

Bigg Boss 8 Telugu Vishnupriya Smoking: బిగ్ బాస్ తెలుగు 8 సీజన్ ఊహలకు అందకుండా రసవత్తరంగా సాగుతోంది. సెప్టెంబర్ 1న 14 మందితో ప్రారంభమైన బిగ్ బాస్ 8 తెలుగు సీజన్‌లోకి ఆరుగురు ఎలిమినేట్ అయిపోగా.. మరో 8 మంది కంటెస్టెంట్స్ వైల్డ్ కార్డ్‌ ద్వారా అక్టోబర్ 6న బిగ్ బాస్ హౌజ్‌లోకి అడుగుపెట్టారు.

కంట్రోల్ చేసుకోలేరు

అయితే, బిగ్ బాస్ షో అనేది దాదాపుగా మూడు నెలల పాటుగా సాగుతుందని తెలిసిందే. మరి అన్ని రోజులు షోలో పార్టిస్‌పేట్ చేయాలంటే కంటెస్టెంట్స్ తమకున్న చాలా వరకు అలవాట్లను మానుకోవాలని బీబీ నిర్వాహకులు పెట్టే కండిషన్. కానీ, కొందరు మాత్రం తమ హ్యాబిట్స్ అంత త్వరగా కంట్రోల్ చేసుకోలేరు. అందుకే, వారికి తమకు అవసరమయ్యే వాటిని బీబీ టీమ్ అందిస్తుంటుంది.

ఈ క్రమంలోనే స్మోకింగ్ హ్యాబిట్ ఉన్న కంటెస్టెంట్స్‌కు సిగరెట్స్ అవి ఇస్తుంటారు బిగ్ బాస్ నిర్వాహకులు. ఈ మధ్య కాలంలో ఆడ, మగ తేడా తెలియకుండా సిగరెట్ తాగుతున్నప్పటికీ తెలుగు రాష్ట్రాల్లో అమ్మాయిలు సిగరెట్ తాగడం అంటే అదొక వింతలా, విడ్డూరంగానే చూస్తారు. ముఖ్యంగా పాపులర్ సెలబ్రిటీలు తాగితే అది వార్తల్లో నిలుస్తుంటుంది. అలాంటిది ఇప్పుడు బిగ్ బాస్ షోలో జరిగింది.

స్మోకింగ్ చేసిన కంటెస్టెంట్స్

బిగ్ బాస్ తెలుగు 8 సీజన్‌కు కంటెస్టెంట్‌గా, విన్నర్ మెటీరియల్‌గా అడుగుపెట్టిన యాంకర్ విష్ణుప్రియ స్మోకింగ్ చేస్తూ అడ్డంగా దొరికిపోయింది. ఇదివరకు బిగ్ బాస్ హౌజ్‍‌లో తేజస్విని మదివాడ, సరయు, బ్రహ్మముడి హమిదా ఖతూన్, ముమైత్ ఖాన్ కూడా స్మోకింగ్ చేశారు. అయితే, వీరు స్మోక్ చేసేది ఎక్కడా గంటపాటు ప్రసారం చేసే షోలో చూపించలేదు.

కానీ, సోషల్ మీడియా పుణ్యమా అని ఎక్కడ ఎవరు ఏం చేసినా ఇట్టే దొరికిపోతున్నారు. తాజాగా అలానే విష్ణుప్రియ కూడా దొరికిపోయింది. ప్రస్తుతం సీజన్ బిగ్ బాస్ 8 తెలుగులో నిఖిల్, పృథ్వీ స్మోక్ చేస్తారు. వారు కాకుండా విష్ణుప్రియ కూడా స్మోక్ చేస్తుందని తాజాగా వీడియో ద్వారా తెలిసిపోయింది. అయితే, రాత్రి 9:30కి వచ్చే ఎపిసోడ్‌లో మాత్రం ఎప్పుడు అది చూపించలేదు.

వైల్డ్ కార్డ్ ఎంట్రీ కంటెస్టెంట్స్ వచ్చిన తర్వాత మణికంఠను నిఖిల్ ఎత్తుకుని స్విమ్మింగ్ పూల్‌లో పడేస్తాడు. ఆ సమయంలో స్మోకింగ్ జోన్‌లో విష్ణుప్రియ ఉండి దమ్ముకొడుతూ కనిపించింది. అయితే, అది విష్ణుప్రియ కాదు సీత కూడా కావొచ్చని కొందరు డౌట్ పడుతున్నారు. కానీ, ఆరోజు ఎపిసోడ్‌లో విష్ణుప్రియ బ్లాక్ అండ్ వైట్ బుల్లి గౌనులో ఉంటే, సీత వైట్ అండ్ రోజ్ కలర్ డ్రెస్ వేసుకుంది.

సోనియా ఆకుల కామెంట్స్

అంతేకాకుండా స్మోకింగ్ జోన్‌లో ఒంటరిగా ఎవరు కూర్చోరు. ఎవరైనా స్మోకింగ్ చేస్తే ఊరికే కంపెనీ ఇస్తారు. కానీ, ఒంటరిగా కూర్చుని చేతిలో సిగరెట్ ఉందంటే వాళ్లు దమ్ముకొడుతున్నారనే. ఇదిలా ఉంటే, ఇటీవల ఎలిమినేట్ అయిన సోనియా ఆకుల ఓ ఇంటర్వ్యూలో హౌజ్‌లో ఓ అమ్మాయి కూడా స్మోక్ చేస్తుందని, కానీ, దాన్ని చూపించట్లేదని, కొందరు సిగరెట్ తాగేది చూపిస్తున్నారని, కొంతమందది చూపించట్లేదని చెప్పుకొచ్చింది.

దాంతో అంతా ఆ అమ్మాయి సీత అనుకున్నారు. కానీ, ఆమె కాదని, అది విష్ణుప్రియ అని తాజాగా తెలిసిపోయింది. అంతేకాకుండా ఎలిమినేట్ అయిన మరో కంటెస్టెంట్ ఆర్జే శేఖర్ బాషా కూడా విష్ణుప్రియ స్మోక్ చేస్తుందని కన్ఫర్మ్ చేశాడు. ఓ ఇంటర్వ్యూలో బిగ్ బాస్ హౌజ్‌లో బీర్ ఇస్తారట కదా అని అడిగాడు. "ఆల్కహాలా.. ఛాన్సే లేదు.. ఛాన్సే లేదు.. కానీ, సిగరెట్స్ మాత్రం ఇస్తారట. పృథ్వీ, నిఖిల్‌, విష్ణుప్రియ వెళ్లి దమ్ము కొడుతుంటారు" అని శేఖర్ బాషా చెప్పాడు.

కన్ఫర్మ్ చేసిన శేఖర్ బాషా

"విష్ణుప్రియ దమ్ము కొడుతుందా" అని యాంకర్ ఆశ్చర్యంగా అడిగాడు. "అవును.. అయ్యో చెప్పేశానా.. ఇది ఎడిటింగ్‌లో కట్ చేయండి. అయినా అమ్మాయిలు దమ్ము కొడితే తప్పేంటీ.." అని శేఖర్ బాషా అంటే.. తప్పు లేదని యాంకర్ అన్నాడు. "తప్పు కాదు.. కానీ, స్మోక్ చేయకూడదు. అమ్మాయిలైనా, అబ్బాయిలైనా స్మోక్ చేయకూడదు. ఆరోగ్యం పాడవుతుంది" అని శేఖర్ బాషా అన్నాడు. ఈ వీడియో కూడా ఇన్‌స్టాగ్రామ్‌లో వైరల్ అవుతోంది.