Narendra Modi | గ్లోబల్‌ లీడర్ల లిస్ట్‌లో మళ్లీ మోదీయే టాప్‌.. ఆయన రేటింగ్ ఇదీ!
07 February 2022, 7:13 IST
- వరుసగా మూడో ఏడాదీ భారత ప్రధానమంత్రి నరేంద్ర మోదీయే ఈ గ్లోబల్‌ లీడర్‌ అప్రూవల్‌ లిస్ట్‌లో టాప్‌లో ఉండటం విశేషం. తాజా జాబితాలో మొత్తం 13 మంది ప్రపంచ నేతల ర్యాంకులను వెల్లడించింది అమెరికా రీసెర్చ్‌ సంస్థ మార్నింగ్‌ కన్సల్ట్‌.
ప్రధాని నరేంద్ర మోదీ (ఫైల్ ఫొటో)
న్యూయార్క్‌: ప్రధానమంత్రి నరేంద్ర మోదీకి ప్రజాదరణ ఏమాత్రం తగ్గలేదని తాజా సర్వే మరోసారి తేల్చింది. ప్రతి ఏటా విడుదలయ్యే గ్లోబల్‌ లీడర్‌ అప్రూవల్‌ రేటింగ్ లిస్ట్‌లో ఈసారి కూడా మోదీయే టాప్‌లో ఉన్నారు. ఈ క్రమంలో అమెరికా అధ్యక్షుడు జో బైడెన్‌, యూకే ప్రధాని బోరిస్‌ జాన్సన్‌, ఫ్రాన్స్‌ అధ్యక్షుడు ఎమాన్యుయెల్‌ మాక్రాన్‌లను వెనక్కి నెట్టారు. ఈ తాజా లిస్ట్‌ను అమెరికా రీసెర్చ్‌ సంస్థ మార్నింగ్‌ కన్సల్ట్‌ రిలీజ్‌ చేసింది.
Chardham Yatra 2024: చార్ ధామ్ యాత్రకు ఆఫ్ లైన్ రిజిస్ట్రేషన్లు ప్రారంభమయ్యే తేదీ ఇదే; ఆన్ లైన్ లో కూడా చేసుకోవచ్చు
Sexual assault in Delhi Metro: ఢిల్లీ మెట్రోలో 16 ఏళ్ల బాలుడిపై లైంగిక దాడి యత్నం; వణికిపోయిన మైనర్
Jammu and Kashmir news: భద్రతా బలగాలపై ఉగ్రవాదుల కాల్పులు; ఐదుగురు జవాన్లకు గాయాలు
IGNOU July 2024 session: ఇగ్నో లో జులై సెషన్ కు రీ రిజిస్ట్రేషన్ విండో ఓపెన్; విద్యార్థులు ఇలా రిజిస్టర్ చేసుకోండి..
మోదీకి 72 శాతం రేటింగ్
ఈ లిస్ట్‌లో ప్రధాని నరేంద్ర మోదీ 72 శాతం రేటింగ్‌తో తొలి స్థానంలో నిలిచారు. ఆయన తర్వాత మెక్సికో అధ్యక్షుడు లోపెజ్‌ ఓబ్రడార్‌ 64 శాతంతో రెండోస్థానంలో ఉన్నారు. ఇక 57 శాతంతో ఇటలీ ప్రధాని మారియో డ్రాగి మూడోస్థానంలో, 47 శాతంతో జపాన్‌ ప్రధాని ఫుమియో కిషిడా నాలుగోస్థానంలో, 42 శాతంతో జర్మనీ ఛాన్స్‌లర్‌ ఒలాఫ్‌ స్కోల్జ్‌ ఐదోస్థానంలో ఉన్నారు.
ఇక అమెరికా అధ్యక్షుడు జో బైడెన్‌, సౌత్‌ కొరియా అధ్యక్షుడు మూన్‌ జేఇన్‌, ఆస్ట్రేలియా ప్రధాని స్కాట్‌ మోరిసన్‌, కెనడా పీఎం జస్టిన్‌ ట్రూడో 41 శాతం రేటింగ్స్ సాధించారు. ఈ లిస్ట్‌లో బ్రిటన్‌ ప్రధాని బోరిస్‌ జాన్సన్‌ అందరి కంటే కింద ఉన్నారు.
అత్యధిక రేటింగ్‌తో ఈ లిస్ట్‌లో టాప్‌లో ఉండటం ప్రధాని నరేంద్ర మోదీకి ఇది వరుసగా మూడో ఏడాది కావడం గమనార్హం. ప్రపంచవ్యాప్తంగా మారుతున్న రాజకీయ పరిణామాలను పరిగణనలోకి తీసుకొని ఆయా దేశాల్లో పరిస్థితులకు సంబంధించిన డేటాను ఈ సంస్థ అందజేస్తుంది. ప్రతి దేశంలో వయసు, లింగం, ప్రాంతం ఆధారంగా సర్వేలు నిర్వహిస్తారు.