Vijay Deverakonda celebrates bodyguard birthday: బాడీగార్డ్ బర్త్‌డే సెలబ్రేట్‌ చేసిన రౌడీ హీరో విజయ్
28 November 2022, 20:27 IST
- Vijay Deverakonda celebrates bodyguard birthday: బాడీగార్డ్ బర్త్‌డే సెలబ్రేట్‌ చేస్తున్న రౌడీ హీరో విజయ్ దేవరకొండ ఫొటోలు ఇప్పుడు వైరల్‌ అవుతున్నాయి. అతని సింప్లిసిటీకి ఫ్యాన్స్‌ ఫిదా అవుతున్నారు.
తన బాడీగార్డ్ బర్త్ డే వేడుకల్లో విజయ్ దేవరకొండ
Vijay Deverakonda celebrates bodyguard birthday: టాలీవుడ్‌లో విజయ్ దేవరకొండకు రౌడీ హీరోగా పేరుంది. సిల్వర్‌ స్క్రీన్‌పై అతడు పోషించిన క్యారెక్టర్లు అలాంటివి. ఈ మధ్యే లైగర్‌ మూవీతో ప్రేక్షకుల ముందుకు వచ్చిన అతడు.. తాజాగా తన పెద్ద మనసు చాటుకున్నాడు. ఆదివారం (నవంబర్‌ 27) తన పర్సనల్ బాడీగార్డ్ బర్త్‌డేను ఘనంగా సెలబ్రేట్‌ చేశాడు.
RRR Re-release date: మళ్లీ థియేటర్లలోకి వస్తున్న గ్లోబల్ హిట్ ‘ఆర్ఆర్ఆర్’.. రీరిలీజ్ ఎప్పుడంటే..
Vidya Vasula Aham OTT: ఓటీటీలోకి నేరుగా వస్తున్న శివానీ రాజశేఖర్ ‘విద్యా వాసుల అహం’ సినిమా
Rajamouli: అందుకోసం మీడియా ముందుకు రానున్న రాజమౌళి.. మహేశ్‍తో సినిమా గురించి ఏమైనా చెబుతారా?
Premalu Telugu OTT: ఓటీటీలో మరో మైల్‍స్టోన్ దాటిన ప్రేమలు సినిమా తెలుగు వెర్షన్
అతని కోసం కేక్‌ తెప్పించాడు. సెలబ్రేషన్స్‌లో తానూ ఉండి అతనికి బెస్ట్‌ విషెస్‌ చెప్పాడు. ఈ బర్త్‌డే సెలబ్రేషన్స్‌కు సంబంధించిన ఫొటోలు వైరల్‌గా మారాయి. తమ రౌడీ హీరో మనసు బంగారం అంటూ ఫ్యాన్స్‌ సోషల్ మీడియాలో కామెంట్స్‌ చేస్తున్నారు. విజయ్ బాడీగార్డ్ తన తల్లితో కలిసి కేక్‌ కట్‌ చేయడం ఈ ఫొటోల్లో చూడొచ్చు.
ఆ పక్కనే విజయ్ కూడా ఉన్నాడు. "స్వచ్ఛమైన మనసున్న వ్యక్తి. తన బాడీగార్డ్ బర్త్‌డే సెలబ్రేట్‌ చేస్తున్నాడు" అంటూ ఓ అభిమాని ట్విటర్‌లో ఈ ఫోటోలు షేర్‌ చేశాడు. గడిచిన వీకెండ్‌లో విజయ్ దేవరకొండ ఓ యాడ్‌ షూటింగ్‌లో పాల్గొన్నాడు. అయితే ఈ ఫొటోలు చూసి అతడు ప్రభాస్‌ సలార్‌ మూవీలో ఉన్నాడన్న వార్తలు కూడా వచ్చాయి.
ప్రస్తుతం అతడు ఖుషీ మూవీ షూటింగ్‌లో ఉన్నాడు. సమంతతో కలిసి ఇందులో విజయ్ నటిస్తున్నాడు. ఇప్పటికే రెండు షెడ్యూళ్లు పూర్తయ్యాయి. మరో 4, 5 వారాల షూటింగ్‌ మిగిలి ఉంది. గతంలో మహానటిలో కలిసి నటించిన ఈ ఇద్దరూ ఇప్పుడు మరోసారి సిల్వర్‌ స్క్రీన్‌పై మ్యాజిక్‌ చేయనున్నారు. ఈ మధ్యే తన కాలేజీ రోజుల్లో సమంతను చూడగానే మనసు పారేసుకున్నట్లు విజయ్ చెప్పిన విషయం తెలిసిందే.
ఇక ఈ ఖుషీ మూవీ షూటింగ్‌లో విజయ్, సమంత గాయపడినట్లు కూడా వార్తలు వచ్చాయి. కానీ మూవీ మేకర్స్‌ మాత్రం అలాంటిదేమీ లేదని స్పష్టం చేశారు. 30 రోజుల పాటు కశ్మీర్‌లో షూటింగ్‌ జరుపుకొని, సేఫ్‌గా హైదరాబాద్‌ వచ్చామని, ఇలాంటి వార్తలను నమ్మొద్దని ఓ ప్రకటనలో చెప్పారు.