OTT: ఓటీటీలోకి మరికొన్ని గంటల్లో మూడు తెలుగు డబ్బింగ్ సినిమాలు.. ఒక్కోటి ఒక్కో జోనర్.. ఇక్కడ చూసేయండి!
29 October 2024, 15:09 IST
Share
OTT Release Movies List This Week: ఓటీటీలోకి మరికొన్ని గంటల్లో మూడు తెలుగు డబ్బింగ్ సినిమాలు స్ట్రీమింగ్ కానున్నాయి. అవి కూడా ఒక్కోటి ఒక్కో జోనర్‌లో తెరకెక్కాయి. అక్టోబర్ 30న ఓటీటీ రిలీజ్ అయ్యే ఈ 3 సినిమాలు నెట్‌ఫ్లిక్స్, డిస్నీ ప్లస్ హాట్‌స్టార్, అమెజాన్ ప్రైమ్ ప్లాట్‌ఫామ్స్‌లో అందుబాటులో ఉంటాయి.
ఓటీటీలోకి మరికొన్ని గంటల్లో మూడు తెలుగు డబ్బింగ్ సినిమాలు.. ఒక్కోటి ఒక్కో జోనర్.. ఇక్కడ చూసేయండి!
OTT Telugu Dubbed Movies: ఓటీటీలోకి ఈ వారం దాదాపుగా 18 వరకు సినిమాలు డిజిటల్ స్ట్రీమింగ్‌కు వచ్చాయి. వాటిలో మరికొన్ని గంటల్లో ఓటీటీ ప్లాట్‌ఫామ్‌లో మూడు తెలుగు డబ్బింగ్ మూవీస్ డిజిటల్ ప్రీమియర్ కానున్నాయి. వాటిలో రొమాంటిక్ థ్రిల్లర్‌తోపాటు క్రైమ్, సస్పెన్స్ హారర్ చిత్రాలు ఉన్నాయి. మరి అవేంటో లుక్కేద్దాం.
టైమ్ కట్ ఓటీటీ
టైమ్ ట్రావెల్ అండ్ క్రైమ్ థ్రిల్లర్, సస్పెన్స్ జోనర్‌లో తెరకెక్కిన హాలీవుడ్ మూవీ టైమ్ కట్. సైన్స్ ఫిక్షన్ నేపథ్యంతోపాటు క్రైమ్, మర్డర్ ఇన్విస్టిగేటివ్, హారర్ థ్రిల్లర్ వంటి అన్ని రకాల ఎలిమెంట్స్‌తో టైమ్ కట్ చిత్రాన్ని తెరకెక్కించారు. ఎస్ ఎంటర్‌టైన్‌మెంట్ పతాకంపై నిర్మించిన ఈ సినిమాను లేడి దర్శకురాలు హన్నా మాక్‌ఫెర్సన్ డైరెక్ట్ చేశారు.
ఐదుగురు అమ్మాయిల హత్యల నేపథ్యంలో సాగే టైమ్ ట్రావెల్ టైమ్ కట్ మూవీ అక్టోబర్ 30 నుంచి నెట్‌ఫ్లిక్స్ ఓటీటీలో స్ట్రీమింగ్ కానుంది. అది కూడా ఇంగ్లీష్‌తోపాటు తెలుగు, తమిళం, హిందీ భాషల్లో నెట్‌ఫ్లిక్స్‌లో టైమ్ కట్ ఓటీటీ రిలీజ్ కానుంది. అక్టోబర్ 30 అర్ధరాత్రి 12 గంటలకే టైమ్ కట్ డిజిటల్ ప్రీమియర్ పడనుంది. అంటే, అందుకు ఇంకొన్ని గంటల సమయం మాత్రమే ఉంది.
హార్ట్ బీట్ ఓటీటీ
తెలుగులో డబ్ అయిన ఇతర భాషా వెబ్ సిరీస్ హార్ట్ బీట్. తమిళంలో తెరకెక్కిన రొమాంటిక్ వెబ్ సిరీస్ హార్ట్ బీట్ రేపటి (అక్టోబర్ 30) నుంచే ఓటీటీ స్ట్రీమింగ్ కానుంది. దీనికి కూడా ఇంకొన్ని గంటల సమయం మాత్రమే ఉంది. అయితే, హార్ట్ బీట్ వెబ్ సిరీస్ డిస్నీ ప్లస్ హాట్‌స్టార్‌లో ఓటీటీ రిలీజ్ కానుంది. మెడికల్ రొమాంటిక్ డ్రామా సిరీస్‌గా తెరకెక్కిన హార్ట్ బీట్ ట్రైలర్, టీజర్ ఇంట్రెస్టింగ్‌గా ఉన్నాయి.
హార్ట్ బీట్ ప్రమోషనల్ కంటెంట్ చూస్తే.. హాస్పిటల్‌లో కొత్తగా జాయిన్ అయిన స్టూడెంట్స్ లైఫ్ జర్నీ, లవ్, ఎమోషన్స్, కామెడీ అంశాలతో సిరీస్‌ను తెరకెక్కించినట్లు తెలుస్తోంది. అయితే, మొదటి సీజన్‌గా వస్తోన్న హార్ట్ బీట్‌లో దాదాపుగా 100 ఎపిసోడ్స్ ఉన్నట్లు సమాచారం. ఇందులో దీపా బాలు, చారుకేష్, పదినే కుమార్, యోగలక్ష్మీ, సర్వ, గరు లక్ష్మణ్ కీలక పాత్రలు పోషించారు.
సివిల్ ఇంజినీర్ మూవీ ఓటీటీ
2022లో కన్నడలో విడుదలైన సినిమా సివిల్ ఇంజనీర్. దివంగత, కన్నడ స్టార్ హీరో పునీత్ రాజ్‌కుమార్ నటించిన యాక్షన్ థ్రిల్లర్ మూవీనే సివిల్ ఇంజినీర్. ఈ సినిమా ఇప్పుడు అంటే సుమారు రెండేళ్లకు తెలుగులో డబ్ అయి ఓటీటీ రిలీజ్ అవుతోంది. అక్టోబర్ 30 నుంచి బిసినీట్ (Bcineet OTT) అనే ఓటీటీ ప్లాట్‌ఫామ్‌లో సివిల్ ఇంజినీర్ మూవీ డిజిటల్ స్ట్రీమింగ్ కానుంది. ఇక ఈ మూవీలో హీరోయిన్‌గా రచిత రామ్ యాక్ట్ చేసింది.
లవ్ 911 ఓటీటీ
మరికొన్ని గంటల్లో అంటే రేపు (అక్టోబర్ 30) ఓటీటీ రిలీజ్ కానున్న ఈ తెలుగు డబ్బింగ్ సినిమాలు, వెబ్ సిరీస్‌లోపాటు మరో స్పెషల్ మూవీ ఇవాళ (అక్టోబర్ 29) డిజిటల్ స్ట్రీమింగ్ అవుతోంది. అదే కొరియన్ రొమాంటిక్ థ్రిల్లర్ మూవీ లవ్ 911. అమెజాన్ ప్రైమ్‌లో కొరియన్, హిందీ, తెలుగు, తమిళ భాషల్లో లవ్ 911 ఓటీటీ స్ట్రీమింగ్ అవుతోంది.
టాపిక్